Josua 15:47 - mzwDBL

⁴⁷ Asdɔd ne bwɛjena ne anjeɡre aa baro, ne Gasa ne bwɛjena ne bwɛjeɡre aa baro, dɛ kpoŋe kaa Ijipt jwɛh ta ne Mɛdetereenea Mpo la nyoa.

Josua 15:47 Iomraidhean Croise

1 Koranar 5:4

Taraken, Korowii maa dɛ tomɔ alaworomɛ, o tɛ mɛ deŋnesɔɔhna, wechɔɡa kɛɛ dɔm bɛlbwa toole n harɛ ta kpa.

2 Koranar 18:8

O yo Filisti tena dɛ pɔ ba nɛ, bwɛjena ne anɔ la baa ma danjwɛkpeɡ bara bwa, dɛ kpoŋe ka le bwɛjen Gasa bwa.

2 Webena 26:6

Kooro Ussia ne Filisti tena yo laa, asɛ dɛ ka paɡre danjwɛkpeɡa aa bar bwɛjena Gat ne Jamnia dɛ Asdɔd. O berɔ kwaa vɔrɔwe bwɛjena aa bɛne Asdɔd dɛ Filisti harɛ la ta bobɛla bwa.

Kaala 23:31

Mɛɛ ɡeloo he jwɛh le Mposwɛm la ta ka le Mɛdetereenea Mpo ta, dɛ́ kpɔ ka le pua hɛŋle ɡbo harɛ ta, dɛ́ kaa Yufretis Moo la ta. Mɛɛ kpɔ nɛra baa soɡe harɛ la ta bela laanee do he nɔn ta, ásɛ he doŋ ba le he sie.

Jeremia 47:1

Mɔɔ Ijipt kooro aa ka yo Gasa tena la, Korowii bol Filisti tena wa men Korowii keame Jeremia be.

Jeremia 47:5

Gasa tena dɛ di suna kohona, baa fonɛ ba nyuune á baɡle kɛŋɔ ba dɛ ɛ lwe, ásɛ Askɛlɔn tena hel jeiih ken a wa. Saŋ besoo Filisti tena kabora ɛɛ ba wii ka tel ɔ?

Sefania 2:4

Nomɛlbwa ɛɛ chwao le Gasa, ásɛ Askɛlɔn chɔ pɛɛ. Wee ne ŋɔ o ba che nyufala, dɛ Asdɔd tena bwa chwao le kaa, ásɛ Ekron tena bwa le kwaraa.

We-ɛɛla 8:26

Belaa Korowii nyundua torome bɛl ŋɔ Felep be ŋɔ, “Ir kaa weekaŋle harɛbɔr le, bela ŋwɛnɛ bɛl aa le Jerusalam kaa Gasa la.” Pua hɛŋle ɡbo harɛɛ a ɡɛ bɔr nɔ.

Mmarare 2:23

Gɛɛ Avi tena baa soɡe bwɛjeɡre ane ta ka tel Gasa ɡe faa na. Nɛra bane baa dɛ yer ba Kaftɔ tena aa le Kaftɔ dɛɛ ba la, ba kpoo ba dɛ so ba buɡ ta.

Josua 11:22

A ɡɛ Anak tena nɔ bɛlbwa ta Israel harɛ ta kae. Nemenɛ bwɛjena ane baa dɛ yera Gasa ne Gat dɛ Asdɔdee tamaa bane ka.

Josua 13:3

dɛ kpɔ le Sehɔ Moo waa lɔ Ijipt wee leebɔr, dɛ ka tel Ekron tena jwɛh ta weekaŋle nyundua, a bwa lɔ Keenan harɛ ta. Dɛ Filisti tena koranar banue soɡe bwɛjena Gasa ne Asdɔd ne Askɛlɔn ne Gat dɛ Ekron, dɛ Avi tena ɡe harɛ.

Josua 15:4

Harɛ la berɔ chɔ ka le bwɛjen Asmɔn dɛ ka chiɡ nenabɔjeɡa bɛl waa lɔ Ijipt harɛ jwɛh ta, dɛ ka jaɡɛ Mɛdetereenea Mpo la nyoa. Belaa ɛ Juda dea tena harɛ jwɛh, weekaŋle harɛbɔr.

Josua 15:46

Ekron wee cholibɔr, ne bwɛjena bwa aa bɛne Asdɔd, ne a bwɛjeɡre,

Josua 15:48

Deŋɡarere bwɛjena la ɡee Samir ne Jatir dɛ Soko,