Josua 15:4 - mzwDBL

⁴ Harɛ la berɔ chɔ ka le bwɛjen Asmɔn dɛ ka chiɡ nenabɔjeɡa bɛl waa lɔ Ijipt harɛ jwɛh ta, dɛ ka jaɡɛ Mɛdetereenea Mpo la nyoa. Belaa ɛ Juda dea tena harɛ jwɛh, weekaŋle harɛbɔr.

Josua 15:4 Iomraidhean Croise

Mumpar 15:18

Awolaa Korowii ne Abram fɔwɛ fɔo. Asɛ Korowii ŋɔ o be ŋɔ, “He naanaree n kpɔ a ɡɛ harɛ nɔ dɛɛ tɛ. O le Ijipt harɛ jwɛh ta dɛ ba Yufretis Moo ta.

1 Koranar 8:65

Korowii Dea belaa Kooro Solomɔn ne Israel tena la bwa di Kukure Tɔpejen la tɔpera anuanɛ. Nɛnlaa tenten le ŋwɛnɛ bɛl waa chɔa kaa bwɛjen Hamat waa lɔ weekaŋle nyunduabɔr, ne Ijipt harɛ jwɛh ta weekaŋle harɛbɔr dɛ ba.

Kaala 23:31

Mɛɛ ɡeloo he jwɛh le Mposwɛm la ta ka le Mɛdetereenea Mpo ta, dɛ́ kpɔ ka le pua hɛŋle ɡbo harɛ ta, dɛ́ kaa Yufretis Moo la ta. Mɛɛ kpɔ nɛra baa soɡe harɛ la ta bela laanee do he nɔn ta, ásɛ he doŋ ba le he sie.

Aesaya 27:12

Awola tɔpere la, Korowii ɛɛ boa o nɛra nyoa le Yufretis Moo, dɛ kaa Ijipt harɛ jwɛh ta, dɛ lɔɔ ba kɛŋɔ mea ken, dɛ́ tɔɔ Israel tena beŋkpoŋa beŋkpoŋa pɛ.

Nɛra Kura 34:5

Belaa wɛɛ ba ɡola le Asmɔn dɛ́ kaa Ijipt Fɛlembɔjen jwɛh ta, dɛ́ ka jaɡɛ Mɛdetereenea Mpo ta.

Josua 13:3

dɛ kpɔ le Sehɔ Moo waa lɔ Ijipt wee leebɔr, dɛ ka tel Ekron tena jwɛh ta weekaŋle nyundua, a bwa lɔ Keenan harɛ ta. Dɛ Filisti tena koranar banue soɡe bwɛjena Gasa ne Asdɔd ne Askɛlɔn ne Gat dɛ Ekron, dɛ Avi tena ɡe harɛ.

Josua 15:3

dɛ chɔ kaa ŋwɛnɛ waa chɔ Akrabim Bwejen baah ta, dɛ kpoŋe kaa Sin pua hɛŋle ɡbo harɛ ta, dɛ kaa Kades Baanea weekaŋle harɛbɔr. O kaa ɡarɛ Hɛsrɔn dɛ kaa Adaar a bwa aa ɛ bwɛjena, dɛ berɛ ɡoŋe kaa bwɛjen Kaaka ta.

Josua 15:47

Asdɔd ne bwɛjena ne anjeɡre aa baro, ne Gasa ne bwɛjena ne bwɛjeɡre aa baro, dɛ kpoŋe kaa Ijipt jwɛh ta ne Mɛdetereenea Mpo la nyoa.