Josua 15:11 - mzwDBL

¹¹ Jwɛh la nyoa berɔ ka fɛrɛ Ekron deŋɡare weekaŋle nyunduabɔr, dɛ berɛ chaɡɛ kaa Sekerɔn Bwejen dɛ ka ɡarɛ Baala Bwejen, dɛ kpoŋe kaa bwɛjen Jabneel. O nyoa kaa jaɡɛ Mɛdetereenea Mpo la nyoa.

Josua 15:11 Iomraidhean Croise

2 Koranar 1:16

Elaeja aa tel bela la, o ŋɔ Kooro Ahasia be ŋɔ, “N naa kooro, waa Korowii aa dɛ bol he be laanee kɛŋɔ, Korowiirii wola toole Israel harɛ ta waa he tomɛ toroma ŋɔ bá la ka bɔɔ le Ekron voɡ Baal Sibub ta he weela nɔ waa naa? A ɡɛ nomanta, haa kalaŋ ta ira ba, sewaa chɛ kɛ he sewɛ.”

2 Koranar 1:6

Ba ŋɔ, “Baa bɛl cheme yaa ŋwɛnɛ ta, dɛ ŋɔ yá berɛ ka ŋɔ kooro waa tomɛ yaa be ŋɔ, waa Korowii aa dɛ bol laanee nɔ, ‘Korowiirii wola toole Israel harɛ ta waa he tomɛ baala ŋɔ, bá la ka bɔɔ le Ekron tena voɡ Baal Sibub ta he weela waa nɔ naa? Anomanta, hɛɛ ka kalaŋ taa, sewaa chɛ kɛŋɔ he sewɛ.’ ”

2 Webena 26:6

Kooro Ussia ne Filisti tena yo laa, asɛ dɛ ka paɡre danjwɛkpeɡa aa bar bwɛjena Gat ne Jamnia dɛ Asdɔd. O berɔ kwaa vɔrɔwe bwɛjena aa bɛne Asdɔd dɛ Filisti harɛ la ta bobɛla bwa.

Nɛra Kura 34:6

Wee cholibɔr jwɛh la, Mɛdetereenea Mpo nyoa ɛ́ he jwɛh.

Josua 15:10

O berɔ ɡole kpɔ Baala wee cholibɔr dɛ kaa Sɛɛ Bwejen waa lɔ Edom harɛ ta, dɛ kaa weekaŋle nyunduabɔr pera Jearim Bwejen ta, dɛ kaa bwɛjen Bɛt Sɛmɛs dɛ ka ɡarɛ bwɛjen Temna.

Josua 15:12

Harɛ la wee cholibɔr jwɛh la jaɡɛ Mpo la nyoa. Harɛ la jwɛhre Juda dea tena ne ba lolanar aa sosoɡe a ta laanee la.

Josua 15:45

Bwɛjen Ekron ɡe ne bwɛjeɡre aa baro,

Josua 15:9

Jwɛh la berɔ le deŋɡare la ta dɛ chɔ kaa Neftoa bule ta, dɛ kpɔ bwɛɛre ane aa chɔa bɛne Efron Bwejen la, dɛ ɡole kaa bwɛjen Baala.

Sitɔɔla 1:18

Juda baala la pɔ Gasa ne Askɛlɔn dɛ Ekron bwɛjena la bwa nɛ ne harɛre aa bara bwa.

1 Samoɛl 17:52

Name, Israel ne Juda tena laa tena moo teŋɛ Filisti tena nɛ ka tel Gat ne Ekron doonyoo. Filisti tena la sewɔ chɔ perɛ le bwɛjen Saaraim ŋwɛnɛ ta dɛ kaa Gat ne Ekron.

1 Samoɛl 5:10

Ate, ba berɛ kpɔ Korowii Ne Nɛwɛnyina Fɔo Daka la kaa Ekron, dɛ o ɡe ɛ Filisti tena bwɛjena la bini bɛl. Bwɛjen la bini nɛra aa naa la, ba wio ŋɔ, “Ba kpɔ Israel tena Korowii baa dɛ tomɔ Ne Nɛwɛnyina Fɔo Daka la ba jo ya baah, dɛ́ ba kpoo yaa.”

1 Samoɛl 5:8

Anomanta, ba yerɛ Filisti koranar baa dɛ nyiŋi ba harɛre ta bwa cheme dɛ bɔɔ ba ŋɔ, “Ɛrɛɛ chɛ kɛ yá ɛ Korowii Israel tena aa dɛ tomɔ Ne Nɛwɛnyina Fɔo Daka nɔɔ?” Anee ba chaŋe ŋɔ, “Hé kpɔ kaa bwɛjen Gat ka cheɡ.” Gɛɛ a do ba kpɔ Korowii Israel tena aa dɛ tomɔ Fɔo Daka la le bela kaa.

1 Samoɛl 7:14

Israel harɛ bwɛjena ane kɛŋɔ le Ekron ka tel Gat Filisti tena aa lɛa le ba be la, ba bera tɛɛ ba ba dɔ ba harɛ bwa. Asɛ deŋnesɔɔhna ba ba ne Amɔre tena baah.