Josua 14:4 - mzwDBL

⁴ Josef dea tena lɔ bele banɛ, Manasɛ ne Efrem deene tena. Lewi dea tena ta harɛ la bɛlbwa dɔe, nemenɛ bwɛɛre waa ɡela ba so a ta ne bela waa tɛɛ ba ŋɔ ba nae ne peera ɛɛ di la ɡbo.

Josua 14:4 Iomraidhean Croise

Mumpar 41:51

Josef pa o binomoa la sɔn Manasɛ. O munii Korowii ɡelɔ n soh n wenaale ne n mɛɛ lolanar bwa wa.

Mumpar 41:52

O pa binɛɛte la ɡe sɔn Efrem. O munii Korowii tɛ mɛ bii harɛ maa na wahala o ta la ta.

Mumpar 46:20

Josef aa lɔ Ijipt la, o lolɛ bibaala banɛ. Banee Manasɛ ne Efrem. Haah o ne waa lol ba la sɔne Asenat waa ɛ sɔfo Pɔtefɛra bihaah, dɛ o soɡe On. O sɔn bɛl ɡee Hɛleopɔles.

Mumpar 48:1

Awola bɛl, ba baa ŋɔ Josef be ŋɔ o mɛɛ bwara dɛ weo. Belaa o kpɔ o bibaala banɛ, Manasɛ ne Efrem asɛ ba ka nao.

Mumpar 48:5

Jekɔb berɔ ŋɔ o be ŋɔ, “He bibaala banɛ, Manasɛ ne Efrem haa lol ba Ijipt mɔɔ n ba la bwa ɛ n kwa, kɛŋɔ n bibaala Rubin ne Simeon.

Mumpar 48:6

Dɛ he dɔ bii bane ja kwaraa naa, n kwaa laa ba te. Ba kapɛrɛ diile ɛɛ le Manasɛ ne Efrem luɡe taa.

2 Webena 30:1

Kooro Hɛsɛkea tomɛ nɛra Israel ne Juda harɛ ta, dɛ chwerɛ tɔn ta nɔn yerɛ Efrem ne Manasɛ deene tena ŋɔ, bá cheme Korowii Dea Jerusalam, dɛ́ di Korowii Israel tena aa dɛ tomɔ Galekaa Tɔpejen la.

Nɛra Kura 26:28

Josef bibaalaa Manasɛ ne Efrem dea.

Josua 16:4

Harɛ Josef naanar baa ɛ deene ane baa dɛ yera Efrem ne Manasɛ aa dɔa o ɛ ba kapɛrɛ kon laanee.