Josua 14:2 - mzwDBL

² Dɛ Korowii ŋɔ Mosis be wubwa kɛŋɔ, Jɔɔdan Moo wee cholibɔr harɛ waa dɛ ba bɔna tɛ deene anuanaarɛ ne dea beŋkpoŋ pera la, bá bil daa ásɛ bɛlbwa dɔ o kon.

Josua 14:2 Iomraidhean Croise

Sɛɡla 16:33

Nɛra dɛ ta bie dɛɛ nyin liire a ta, kɛ Korowiirii jemɛ ɡɛ aa chiɡ.

Sɛɡla 18:18

Waa lɔ nɛra banɛ ba waa aa kpeɡa baah ta naa, Korowii siee ba kpɔ dɛɛ bil wɛɛ baɡle a kasinteŋ.

Ɛsekeɛl 45:1

Korowii ŋɔ, “He dɛ ba harɛ la bɔna tɛ Israel dea bɛlbwa ó ɛ o kapɛrɛ kon aa, a chɛ kɛ he le o pera cheɡ tɛ men Korowii, ó ɛ bɔr waa do ɡoroŋ. O jaŋne ɛ naɡale kaɡboŋa fifraatoro dɛ anuanɛ lafraanue, asɛ o paɡri ɡe ɛ naɡale kaɡboŋa fifraatoro. Bela bɔr la bwa ɛɛ do ɡoroŋee.

Nɛra Kura 26:52

Asɛ Korowii ŋɔ Mosis be ŋɔ,

Nɛra Kura 33:54

Hé che bie tae ta dɛ́ bɔne harɛ la. Dea o nɛra aa wara la, hé ɡel ba bɔr do kan, banɔ la baa wola warɛ la, hé tɛɛ ba onjeɡa. Dɛ ba ta bie la aa, bela bwa aa chole la, ɛ he bɔr. Hé bɔna denaa ta.

Nɛra Kura 34:13

Mosis ŋɔ Israel tena la be ŋɔ, “Harɛ laanee la, Korowii ŋɔ hé che bie tae ta, dɛ́ bɔne tɛ deene anuanaarɛ ne pera ó ɛ ba kon,

Nɛra Kura 34:17

“Baala baa dɛ́ ba harɛ la bɔna tɛ heyaa laanee sɔfo Eliasa ne Nun bibaa Josua.

Matiu 25:34

Belaa mɛɛ ba n ŋɔ banɔ la baa lɔ diɡ ta la be ŋɔ, ‘He banɔ n Mɛɛ aa swee andɛɛɡa tɛ heyaa la, hé ba di kora waa le harɛ mumpar dɛ kwaa cheɡ heyaa la,

We-ɛɛla 1:26

Baa ta bie la, Matayasee dia, asɛ ba kpɔɔ ja Yeesu toroma fi dɛ beŋkpoŋ la nɛ.

Josua 13:7

ásɛ dɛ bɔne harɛ la tɛ deene anuanaarɛ aa kaa la ne Manasɛ dea pera tena bane, ásɛ o ɛ ba kapɛrɛ kon.”

Josua 18:10

Ate, o bil daa Korowii sie Silo bela tɛɛ ba, asɛ dɛ bɔne harɛ la tɛ Israel deene aa kaa la.

Josua 18:6

Hé chwerɛ harɛ la bɔre anuanɛ la bɛlbwa waa tonaa, hé kpɔ ba tɛ mɛ. Ásɛ n bil daa Korowii yaa dɛ tomɔ la sie tɛ heya.