Josua 14:12 - mzwDBL

¹² Anomanta, n dɛ soŋe kɛ hé kpɔ deŋɡarere harɛ Korowii aa kpɔa baɡ mɛ nyoa awola tɔpere la tɛ mɛ fini. He ɡbabir noɔ kɛŋɔ Anak tena baa kpeɡa kohona lɔ harɛ la ta, asɛ ba bwɛjena do kan ba ma danjwɛkpeɡa bara. Kɛ dɛ Korowii cheɡɛ n mun ta naa, mɛɛ won doŋ ba le, ɡɛ waa bola la.”

Josua 14:12 Iomraidhean Croise

2 Koranar 19:4

Asiiria koojen tomɛ o laa sitɔɔla nomoa, ó ba chɛɡre Korowii waa lole saŋ bɛlbwa la. N dɛ soŋe Korowii haa dɛ tomɔ kɛ, ó tɛr a ɡɛ nɛra la deŋne a wa, anomanta, soŋe Korowii tɛ ya nɛra ya taa kaa nɔ.”

2 Webena 14:11

Asɛ Kooro Asa yerɛ Korowii waa dɛ tomɔ dɛ ŋɔ, “N Naa Korowii, nomɛlbwa toole dɛ́ won cha nɛra baa wola kpeɡri bɛlbwa dɔe, bá won ka yo nɛra baa kpeɡa kɛ hen. N Naa Korowii yaa dɛ tomɛ, cha yaa, he nɛɛ ya kpɔ ya te dawɛ. He sɔn taa ya ba, dɛɛ ba ba yo laa tena baa wara nɔ la. Bɛ ɡel nɛwɛnyini pɔ he nɛ.”

Yela 44:3

Ba tokobie ne laa ba yo lɛ harɛ la, kɛɛ ba ɡbaɡba bokpeɡa ne laa, he ɡbabir kpeɡri nee, dɛkalkɛ he baɡ ba nyoa ŋɔ, he ja ba nɛ, dɛɛ nyin ba.

Yela 60:12

Korowii ja ya nɛ aa, yaa yoo, dɛ́ pɔ ya dɔma nɛ. Wɛɛ tiɡri ya dɔmaa do harɛ.

Nɛra Kura 13:28

Kɛ nɛra baa lɔ bela te kpeɡri, ba bwɛɛre la kan, ba ma danjwɛjena bara. Hale ya na Anak tena naanar bela.

Nɛra Kura 13:33

Ya na nɛra baa kpekpeɡa kohona dɛ ɛ Anak tena naanar bela. Yaa na ba la, dɛ ya jeɡre kɛŋɔ hɔɔhre ken ba siwi ta.”

Nɛra Kura 21:34

Anee Korowii ŋɔ Mosis be ŋɔ, “Bɛ Kooro Ɔɡ ɔmɛ, n kpɔ o ne o laa tena ne harɛ la bwa do he nɔn ta. Ɛo ɡɛ haa ɛ Amɔre Kooro Sihon waa di kora Hɛsbɔn la.”

Tɔn Pɔɔl Aa Chwerɛ Rom Tena 8:31

Ya ta sie nyiŋi anɔ bwa na naa, ɛrɛɛ yaa ba ŋɔe yɔ? Dɛ Korowii teŋɛ ya nɛ aa, umee dɛ́ won ɛ yaa waane ɔ?

Mmarare 1:28

Leperaa yaa ba chaɡa ɔ? Ya bala baa laŋa ka sɔh nyiŋi harɛ la ŋɔ, nɛra baa lɔ harɛ la ta bwara kpeɡri, ba kpeɡo ɡe kohona dɛ ɡwaa yaa. Ba bwɛjena, ba ma danjwɛkpeɡa a kaa nyundua bara, nomɛlbwa aa wola won dɔ bɔr jo a ta. Dɛ ba na Anak naanar bela, ba kpeɡo kɛrɛdɛ.’

Mmarare 9:1

Mosis berɔ ŋɔ, “Israel tena hɛ́ɛ no, fini hɛ́ɛ le Jɔɔdan Moo la baŋ harɛ taa dɛ́ ka doŋi harɛre nɛra baa kana dɛ do kpeɡri ɡwaa heya. Ba dɔ bwɛjena dɛ ma danjwɛkpeɡa a kaa nyundua bara.

Mmarare 9:3

Kɛ he te, hé jemɛ kpela kɛŋɔ fini Korowii haa dɛ tomɔ laanee dɛ́ tɔ he sie le moo la baŋ. O do kɛŋɔ nii naa dɛ chɔɡ kwaa la, dɛ́ pɔ ba nɛ. Hɛ́ɛ doŋ baa le, dɛ́ kpoo ba warane ɡɛ waa baɡɛ heyaa nyoa la.

Felepae 4:13

N won Yeesu Kristo waa dɛ cha mɛ la kpeɡri ta cheɡa dɛ́ ɛ wobɛlbwa.

Hibru 11:33

A ɡɛ nɛra nɔ bwa yarada Korowii kohona, dɛ che ba yarada ta yo koranar dɛ pɔ ba nɛ, dɛ ɡel nɛra ɛɛ ɛ waa aa toɡra Korowii ŋwɛnɛ ta, asɛ Korowii ɛ waa waa baɡɛ nyoa la ane ba bere saŋ. Ba wono tɔ nyujentena nyoo, a ta wone laɡ ba.

Josua 15:14

Kaleb doŋi Anak naanar baa soɡe bela la bwa le bwɛjen Hɛbrɔn la ta. Dɛ nɛmbele batoro baa ɛ Anak tenaa lɔ bela. Banee Sɛsae ne Ahiman dɛ Talmai tena.

Sitɔɔla 1:20

Ba kpɔ bwɛjen Hɛbrɔn tɛ Kaleb, ɡɛ Mosis aa bola la, asɛ o doŋi Anak tena deene atoro nɛra baa lɔ bela la.

1 Samoɛl 14:6

Jonatan ŋɔ o bonɔɔ waa cheɡɛ o dɔmkwa la be ŋɔ, “Ba yá ɡale kaa Filisti tena baa wola Korowii tomɛ nɔ be. Korowii ken ɛɛ cha yaa. Komɛlbwa aa won tɔ Korowii ŋwɛnɛ yaa wola won pɔ ba nɛ, ya warɔ kɛɛ ya ta warɛ kwara noo.”