Josua 14:1 - mzwDBL

¹ Kenii Keenan harɛ waa lɔ Jɔɔdan wee cholibɔr la bɔna waa do. Sɔfo Eliasa ne Nun bibaa Josua, dɛ nomonome baa chɔ Israel deene la nyoo laanee bɔna tɛɛ ba.

Josua 14:1 Iomraidhean Croise

Ɛsra 7:5

Abisua lolɛ Buki, Fenehas lolɛ Abisua, Eliasa lolɛ Fenehas, asɛ Arɔn waa ɛ Sɔfonomoa la lolɛ Eliasa.

Ɛsekeɛl 45:1

Korowii ŋɔ, “He dɛ ba harɛ la bɔna tɛ Israel dea bɛlbwa ó ɛ o kapɛrɛ kon aa, a chɛ kɛ he le o pera cheɡ tɛ men Korowii, ó ɛ bɔr waa do ɡoroŋ. O jaŋne ɛ naɡale kaɡboŋa fifraatoro dɛ anuanɛ lafraanue, asɛ o paɡri ɡe ɛ naɡale kaɡboŋa fifraatoro. Bela bɔr la bwa ɛɛ do ɡoroŋee.

Nɛra Kura 34:13

Mosis ŋɔ Israel tena la be ŋɔ, “Harɛ laanee la, Korowii ŋɔ hé che bie tae ta, dɛ́ bɔne tɛ deene anuanaarɛ ne pera ó ɛ ba kon,

Nɛra Kura 34:16

Korowii ŋɔ Mosis be ŋɔ,

We-ɛɛla 13:19

Harɛre bele anuanɛ bwa nɛraa o doŋi ba harɛre ta Keenan harɛ ta, dɛ ɡel a ɡɛ harɛre la ɛ ba kwaa bene lafraanaarɛ fifraanue.

Mmarare 12:10

Kɛ hɛɛ le Jɔɔdan Moo la baŋee, dɛ́ ka so bela Korowii haa dɛ tomɔ nɔ aa kpɔa dɛɛ ba heyaa tɛɛ ó ɛ he kapɛrɛ kon, dɛ́ ɡel he onɛ le he dɔma nɔn ta, ásɛ dɛ so deŋnesɔɔhna ta.

Josua 13:6

Harɛ aa chɛ kɛ hé ka yo dɛ́ pɔ ba nɛɛ ja laanee Sidon tena harɛ baa soɡe deŋɡarere bwɛɛre ta dɛ do Lɛbanɔn bwejena ne Mesrefɔt Maim harɛ baah ta bwa la. N ɡbaɡba ɛɛ doŋi nɛra la bwaa le he sie, ásɛ he nyiŋi kɛrɛdɛ dɛ́ bɔne harɛ la tɛ Israel tena la, ó ɛ ba kapɛrɛ kon ɡɛ maa ŋɔ he be la,

Josua 19:51

Gɛɛ sɔfo Eliasa ne Nun bibaa Josua, dɛ Israel deene nomonome la bil daa bela baa soɡa bwɛjen Silo, Korowii Dea Cheremibɔr la sie, dɛ bɔne harɛ la tonɛ.

Josua 21:1

Lewi dea lolanar nomonome la sɔfo Eliasa ne Nun bibaa Josua, dɛ Israel deene la lolanar nomonome kar be