Josua 13:6 - mzwDBL

⁶ Harɛ aa chɛ kɛ hé ka yo dɛ́ pɔ ba nɛɛ ja laanee Sidon tena harɛ baa soɡe deŋɡarere bwɛɛre ta dɛ do Lɛbanɔn bwejena ne Mesrefɔt Maim harɛ baah ta bwa la. N ɡbaɡba ɛɛ doŋi nɛra la bwaa le he sie, ásɛ he nyiŋi kɛrɛdɛ dɛ́ bɔne harɛ la tɛ Israel tena la, ó ɛ ba kapɛrɛ kon ɡɛ maa ŋɔ he be la,

Josua 13:6 Iomraidhean Croise

Yela 80:8

He lawɛ yaa le Ijipt harɛ ta, kɛŋɔ haa teŋe ɡrepo da, dɛ ba doŋi harɛ la nɛra le o ta, dɛ kpɔ yaa chɔɔ bela.

Nɛra Kura 33:54

Hé che bie tae ta dɛ́ bɔne harɛ la. Dea o nɛra aa wara la, hé ɡel ba bɔr do kan, banɔ la baa wola warɛ la, hé tɛɛ ba onjeɡa. Dɛ ba ta bie la aa, bela bwa aa chole la, ɛ he bɔr. Hé bɔna denaa ta.

Josua 1:6

Kɛ che kiŋkiŋ, dɔ bambile, henee dɛɛ ba Israel tena sie tɔe ba ka so harɛ maa kpɔa baɡɛ ba naawa nyoa la ta.

Josua 11:12

Josua yo a ɡɛ bwɛjena nɔ bwa ne a koranar, dɛ kpo nɛra baa lɔ a ta bwa, ɡɛ Korowii bonɔɔ Mosis aa doo la.

Josua 11:8

asɛ Korowii den kpɔ ba do Israel tena nɔn ta. Ba pɔ ba nɛɛ dɛ ti ba ka le weekaŋle nyundua bwɛjena ane baa dɛ yera Sidon ne Mesrefɔt Maim, ne wee leebɔr ka le Mispa Fɛlembɔjen ta, hale ba bini beŋkpoŋ kwaraa ta kae.

Josua 13:7

ásɛ dɛ bɔne harɛ la tɛ deene anuanaarɛ aa kaa la ne Manasɛ dea pera tena bane, ásɛ o ɛ ba kapɛrɛ kon.”

Josua 23:13

ate he jemɛ kɛrɛdɛ kɛŋɔ Korowii haa dɛ tomɔ la aa he sie tɔ dɛ́ doŋ ba tɛ heyaa kpa. Baa doo kɛŋɔ bela ken dɛ́ tɛ heya, ne chweremi dɛɛ cha he nyaŋ ta, dɛ sɔɔhne aa tɔɡre he sibie, ka tel kɛŋɔ he bwa aa serewa le harɛdɛɛɡe nɔ Korowii haa dɛ tomɔ aa kpɔa tɛ heyaa nɔ ta.”

Josua 23:4

Hé na kɛŋɔ, n kpɔ harɛ aa kaa maa wola yoi lɛ la, ne anɔ la maa yoa lɛ la bwa tɛ he Israel deene kɛ á ɛ he kapɛrɛ kwa. Harɛ la le Jɔɔdan Moo wee leebɔr, dɛ kaa Mɛdetereenea Mpo ta wee cholibɔr.

Josua 23:5

Korowii haa dɛ tomɔ la ŋɔ wɛɛ ɡeloo he dɔma chwa le he sie. Wɛɛ doŋ baa tɔ sie, ásɛ he ka kpɔ ba harɛ la ɛ he kapɛrɛ kon. Korowii yaa dɛ tomɔ la ɛɛ teŋɛ nyobaɡa nɔ taa, dɛ́ doŋi harɛre nɛra ba taa ka o ta la.