Josua 13:3 - mzwDBL

³ dɛ kpɔ le Sehɔ Moo waa lɔ Ijipt wee leebɔr, dɛ ka tel Ekron tena jwɛh ta weekaŋle nyundua, a bwa lɔ Keenan harɛ ta. Dɛ Filisti tena koranar banue soɡe bwɛjena Gasa ne Asdɔd ne Askɛlɔn ne Gat dɛ Ekron, dɛ Avi tena ɡe harɛ.

Josua 13:3 Iomraidhean Croise

Mumpar 10:6

Ham bibaala waa lol ba laanee, Kus ne Misraim ne Put dɛ Keenan. Ba sɔna nɔ cheɡɔ tɛ ba naanar sɔna.

Mumpar 15:18

Awolaa Korowii ne Abram fɔwɛ fɔo. Asɛ Korowii ŋɔ o be ŋɔ, “He naanaree n kpɔ a ɡɛ harɛ nɔ dɛɛ tɛ. O le Ijipt harɛ jwɛh ta dɛ ba Yufretis Moo ta.

1 Koranar 8:65

Korowii Dea belaa Kooro Solomɔn ne Israel tena la bwa di Kukure Tɔpejen la tɔpera anuanɛ. Nɛnlaa tenten le ŋwɛnɛ bɛl waa chɔa kaa bwɛjen Hamat waa lɔ weekaŋle nyunduabɔr, ne Ijipt harɛ jwɛh ta weekaŋle harɛbɔr dɛ ba.

1 Webena 13:5

Anomanta, Israel tena bwa baa cheme Kooro Devid sie, le Ijipt harɛ jwɛh ta Sehɔ Moo ta ba le Lebo Hamat, dɛ́ ka kpɔ Korowii Ne Nɛwɛnyina Fɔo Daka la le Kiriat Jearim ba Jerusalam.

Aesaya 23:3

He tomɛ baala ba la mpo baŋ, dɛ ka yawɛ mea le Ijipt harɛ, dɛ ba yoɡ dɛɛ tɛ harɛre nɛra. Bela baa ɛ bona dibɔr harɛre ɡalɡa ta.

Jeremia 2:18

Tɔnɔ besoo Ijipt harɛ ta laŋa dɛ́ ka nyɔ Nael Moo nee ɛɛ ba lee tɛ heya ɔ? Bɔkwaa dɔ Asiiria harɛ ɡe ta laŋa dɛ́ ka nyɔ Yufretis Moo neɔ?

Mmarare 2:23

Gɛɛ Avi tena baa soɡe bwɛjeɡre ane ta ka tel Gasa ɡe faa na. Nɛra bane baa dɛ yer ba Kaftɔ tena aa le Kaftɔ dɛɛ ba la, ba kpoo ba dɛ so ba buɡ ta.

Josua 13:13

Israel tena ta Gesur tena ne Maaka tena te doŋe, bane ba ta pɛo so dɛ ba le fini.

Sitɔɔla 16:5

Filisti nomonome la la haah la be ŋɔ, “Takapɔ dɛ tao baradeɛre, ásɛ o baɡle o bokpeɡa kohona waa dɔa nɔ mun, ne ɡɛ yaa dɛ ba wona pɔ o nɛɛ dɛ́ won vɔrɔwo o sɔɔh. Ya bini bɛlbwa fe ɛɛ tɛɛ suuɡapoŋa kaɡboŋ dɛ lafaa.”

Sitɔɔla 3:3

Nɛra waa ɡel ba laanee Filisti tena koranar banue, ne Keenan tena bwa, ne Sidon ne Hivi tena baa soɡe Lɛbanɔn bwejena ta, dɛ kpoŋe le Baal Hɛmɔn ka tel Lebo Hamat.

1 Samoɛl 5:1

Filisti tena la aa kpɔ Korowii Ne Nɛwɛnyina Fɔo Daka la, ba le o ne bwɛɛ Ɛbɛneesa, dɛ kaa ba bwɛjen Asdɔd ta.

1 Samoɛl 5:10

Ate, ba berɛ kpɔ Korowii Ne Nɛwɛnyina Fɔo Daka la kaa Ekron, dɛ o ɡe ɛ Filisti tena bwɛjena la bini bɛl. Bwɛjen la bini nɛra aa naa la, ba wio ŋɔ, “Ba kpɔ Israel tena Korowii baa dɛ tomɔ Ne Nɛwɛnyina Fɔo Daka la ba jo ya baah, dɛ́ ba kpoo yaa.”

1 Samoɛl 5:8

Anomanta, ba yerɛ Filisti koranar baa dɛ nyiŋi ba harɛre ta bwa cheme dɛ bɔɔ ba ŋɔ, “Ɛrɛɛ chɛ kɛ yá ɛ Korowii Israel tena aa dɛ tomɔ Ne Nɛwɛnyina Fɔo Daka nɔɔ?” Anee ba chaŋe ŋɔ, “Hé kpɔ kaa bwɛjen Gat ka cheɡ.” Gɛɛ a do ba kpɔ Korowii Israel tena aa dɛ tomɔ Fɔo Daka la le bela kaa.

1 Samoɛl 6:4

Filisti tena la bɔɔrɔ ja ŋɔ, “Bolchɔɡe dii saraha besoo yá kpɔ ka tɛo wɔ?” Ate, ba chaŋe ŋɔ, “Hé kpɔ suuɡaswɛm loɡɛ konɡuleɡule anue kɛŋɔ ɔɡra, dɛ́ kpɔ ane ɡe loɡɛ kwaane kɛŋɔ mari anue, ásɛ a che tɛ Filisti koranar banue la, dɛkalkɛ he ne ba bwaa weechɔɡa la lawɛ.