Josua 13:16 - mzwDBL

¹⁶ Ba harɛ nyoa le Arowa, o lɔ Aanɔn Fɛlembɔjen la nyoa dɛ kaa bwɛjen waa lɔ fɛlembɔjen la baah ta, dɛ kpɔ harɛpɛɛ waa chɔa kaa dɛ ka ɡarɛ bwɛjen Medeba,

Josua 13:16 Iomraidhean Croise

2 Samoɛl 24:5

Ba kaa ɡale Jɔɔdan Moo la, dɛ baŋre ba tɛnte deene bɛne Arowa, weekaŋle harɛbɔr bwɛjen waa lɔ fɛlembɔjen bɛl bini, dɛ teŋe kpɔ Gad harɛ ta kaa Jasa.

1 Webena 19:7

Kwaa aa do kɛ torɔɡore kaɡboŋa fifraatoro dɛ anɛ la ne nɛra baa so a ta baa nyina la, ba soŋe Maaka kooro ne o laa tena ja, asɛ ba ba so Medeba, asɛ Amɔn tena bwa ɡe le ba bwɛɛre ta dɛ́ ba yo.

Aesaya 15:4

Hɛsbɔn tena ne Eleale tena dɛ wi, ba lɔŋɔre tel Jahas. A ɡelɔ ɔmee lawɛ Moab laa tena bwa ba lɔŋɔre bɔle, ba bwara yɔr.

Nɛra Kura 21:26

Dɛ Hɛsbɔn fa ɛ Amɔre Kooro Sihon bwɛjen waa soɡe o ta, o ne Moab kooro bɛl yo laa, asɛ Kooro Sihon lɛ o harɛ bwa ka jaɡɛ Aanɔn Moo ta.

Mmarare 3:12

Mosis berɔ ŋɔ, “Harɛ a ɡɛ saŋ yaa yoa lɛ la, n kpɔ anɔ la aa lɔ Arowa ne Aanɔn Moo weekaŋle nyunduabɔr, ne Gelead deŋɡarere harɛ pera ne a bwɛɛre tɛ Rubin ne Gad deene tena.

Josua 12:2

Kooro la bɛl sɔne Sihon, Amɔre tena kooroo wɛɛ di kora bwɛjen Hɛsbɔn. O harɛ nyoa le bwɛjen Arowa, o lɔ Aanɔn Fɛlembɔjen nyoa, dɛ le fɛlembɔjen la baah ta dɛ kaa Jabɔk Moo waa ɛ Amɔn tena harɛ jwɛh ta. Gelead harɛ pera ɡe ja o ta.

Josua 13:15

Mosis kpɔ harɛ la pera tɛ Rubin dea tena kɛŋɔ ó ɛ ba kapɛrɛ kon.

Josua 13:17

ne Hɛsbɔn ne bwɛjena bwa aa lɔ harɛpɛɛ waa chɔa kaa la ta, Debɔn ne Bamɔt Baal dɛ Bɛt Baal Meɔn,

Josua 13:9

Harɛ la chɔɔ ka le Arowa, o lɔ Aanɔn Fɛlembɔjen la nyoa ne bwɛjen bɛl waa lɔ fɛlembɔjen la bini dɛ kpɔ harɛpɛɛ bɛl waa chɔa le Medeba dɛ kaa Debɔn.

Josua 14:3

Dɛ Mosis dɔɔ kpɔ harɛ waa lɔ Jɔɔdan Moo wee leebɔr la tɛ deene anɛ ne beŋkpoŋ pera tena, a ɛ ba kapɛrɛ kwa. Kɛ Lewi dea tena te, o ta ban harɛ la bɛl tɛɛ.

Josua 18:7

Lewi dea tena te aa harɛ la peraa dɔ he bini, ba kapɛrɛɛ kɛŋɔ ba ɛ Korowii sɔfore dɛɛ di a ta. Dɛ Gad ne Rubin deene dɛ Manasɛ dea pera tena te dɔ ba harɛre a ɛ ba kapɛrɛ kwa Jɔɔdan Moo wee leebɔr bela wubwa. Korowii bonɔɔ Mosis bɔna tɛɛ ba.”

Sitɔɔla 11:26

Bene lafraatoroo nɔ, Israel tena aa lɛ Hɛsbɔn ne Arowa ne bwɛɛre aa bara, dɛ bwɛɛre aa lɔ Aanɔn Moo la nyoa. Ɛrɛɛ haa wola berɛ lɛa saŋ laɔ?

1 Samoɛl 30:28

ne banɔ la baa lɔ Arowa ne Sefmɔt dɛ Ɛstemoa,