Josua 13:13 - mzwDBL

¹³ Israel tena ta Gesur tena ne Maaka tena te doŋe, bane ba ta pɛo so dɛ ba le fini.

Josua 13:13 Iomraidhean Croise

Mumpar 35:22

Waa kaa so harɛ la ta la, Rubin kaa lawɛ tolo baa dɛ yerɔ Bilha baa lawa tɛ o mɛɛ o ɛ o sɛno la chɔ, asɛ Jekɔb no. Bii fi dɛ banɛɛ Jekɔb lolɛ.

2 Samoɛl 10:6

Amɔn tena la aa na Kooro Devid bandia kɛŋɔ o mee le ba we-ɛɛla ta la, ba kaa kpɔ Siiria laa tena kaɡboŋa fifraanɛ baa dɛ valɛ le bwɛjena Bɛt Rehob ne Soba, ne Maaka Kooro ne o laa tena kaɡboŋ, dɛ laa tena kaɡboŋa fi dɛ banɛ baa le Tob harɛ ta ɡe ba ba cha ba.

2 Samoɛl 3:3

nɛɛte sɔne Keleab, o nya sɔne Abiɡel waa ɛ Nabal luhaah dɛ le Kaamɛl, toorote ɡe Absalɔm, o nyaa Maaka. Gesur Kooro Talmai bihaahnee.

Nɛra Kura 33:55

Dɛ he ta bela tena la doŋe le aa, banɔ la haa ɡel ba ba so la ɛɛ ɛo kɛŋɔ daa waa dɛ ba he siwi tɔɡa, kɛɛ sɔɔh waa tɔɡɛ he kuɡri la ken. Baa tɛ heyaa waa, harɛ haa dɛ ba o ta soɡa la ta.

Mmarare 3:14

Manasɛ dea bie bɛl baa dɛ yerɔ Jɛɛ kpɔ Aaɡob waa ɛ Basan harɛ la bwa, dɛ kpoŋe ka le Gesur ne Maaka tena jwɛh ta. O kpɔ o sɔn pa bela, asɛ baa yerɛ bela Havɔt Jɛɛ dɛ ba le fini.

Josua 12:5

O harɛ la pera berɔ le Hɛmɔn Bwejen ta, dɛ kaa bobɛla baa dɛ yera Saleka ne Basan bwa, dɛ kpoŋe ka le Gesur ne Maaka harɛre jwɛh ta. Dɛ́ berɛ kpoŋe le Gelead harɛ pera dɛ́ kaa Hɛsbɔn Kooro Sihon harɛ jwɛh ta.

Josua 13:11

o teŋɔ ka le Gelead waa lɔ Gesur ne Maaka harɛre ta, ne Hɛmɔn Bwejen la bwa ne Basan harɛ bwa dɛ́ kpoŋe kaa Saleka bwa jao.

Josua 13:12

Kooro Ɔɡ waa ka mun ɛ Refa te dɛ di kora Astarɔt ne Edrei la harɛ jao. Dɛ Mosis yo a ɡɛ nɛra nɔ dɛ pɔ ba nɛɛ dɛ doŋ ba le harɛ la ta.

Josua 13:14

Mosis ta Lewi dea tena la te harɛ tɛɛ, kwaa nɛra aa kpɔ ba fuh ɛ saraha tɛ Korowii Israel tena aa dɛ tomɔ laanee chɛ kɛŋɔ bá dɔ. Gɛ Korowii aa ŋɔ Mosis be la.

1 Samoɛl 27:8

Devid ta aa soɡe Siklaɡ la, o ne o laa tena la kaa lɔ tɔ Gesur ne Girsi dɛ Amalɛk tena nɛ. Saŋ la dɛ a ɡɛ nɛra nɔ soɡe Suur harɛ dɛ kpoŋe ka le Ijipt harɛ ta.