Josua 13:11 - mzwDBL

¹¹ o teŋɔ ka le Gelead waa lɔ Gesur ne Maaka harɛre ta, ne Hɛmɔn Bwejen la bwa ne Basan harɛ bwa dɛ́ kpoŋe kaa Saleka bwa jao.

Josua 13:11 Iomraidhean Croise

Mumpar 37:25

Ba soɡo dɛɛ di kwa, belaa ba ha sie nyiŋi, dɛ na Ismael bonadiire ne ba nyoɡmare aa cheɡɛ konsɔɔhsoma baa dɛ fuah, ne dapɛɡa ane baa dɛ ɛ ane tɛɛɡa, ne korobo le Gelead harɛ baa kaa Ijipt harɛ.

1 Webena 2:23

Kɛ Gesur ne Aram harɛre tena yo bwɛɛre fifraanumɛl. Havɔt Jɛɛ ne Kenat, dɛ bwɛɛre aa baro cheme bwa ɡe jao. A ɡɛ nɛra nɔ baa soɡe bela bwa ɛ Gelead mɛɛ Makir naanar.

1 Webena 5:11

Gad dea tena ɡe soɡo teŋɛ ba nɛ Basan harɛ ta, dɛ kpoŋe ka le bwɛɛ bɛl baa dɛ yerɔ Saleka.

Nɛra Kura 32:29

O ŋɔ ba be ŋɔ, “Dɛ Gad ne Rubin dea tena, baa bɛlbwa vɔwɛ ntoa he ne o le Jɔɔdan Moo baŋ Korowii sie, dɛ ka yo dɛ sɔɔh harɛ la nɛra kpeɡri nyoa aa, hé kpɔ Gelead harɛ tɛɛ ba ó ɛ ba kon.

Mmarare 3:10

Ya lɛ bwɛɛre aa lɔ harɛ aa chɔa kaa la bwa, ne Gelead ne Basan harɛ dɛ ka tel wee leebɔr bwɛɛre ane baa dɛ yera Saleka ne Edrei, Basan Kooro Ɔɡ faa di kora a ta bwa.

Josua 11:3

Kooro Jabin berɔ ɡel Keenan tena baa lɔ Jɔɔdan Moo la baŋne anɛ la bwa no. Amɔre ne Hiti ne Pɛrɛs dɛ Jebus tena baa soɡe bela deŋɡarere ta, ne Hivi tena baa soɡe Hɛmɔn Bwejen lɔɡa dɛ do Mispa harɛ ta.

Josua 13:10

Harɛ la le Amɔre tena Kooro Sihon waa di kora Hɛsbɔn la bwɛjena bwa ta, dɛ ka le Amɔn tena harɛ jwɛh ta,

Josua 13:2

Harɛre aa kaa laanee Filisti ne Gesur harɛre,

Josua 13:25

Jasa ne Gelead bwɛjena bwa, ne Amɔn tena harɛ la pera, dɛ́ kpoŋe kaa Arowa waa lɔ bwɛjen Raba wee leebɔr,

Josua 17:5

A waa Manasɛ dea tena dɔ harɛ la bɔre fi dɛ ja Gelead ne Basan harɛ aa lɔ Jɔɔdan Moo la wee leebɔr,

1 Samoɛl 13:7

Ba bini banɔ la baa kaa ɡe ɡale Jɔɔdan Moo, dɛ kaa Gad ne Gelead harɛre ta. Kooro Sɔɔl te ka Gelɡal, asɛ ɔmee chole laa tena baa ja o nɛɛ la nɛɛ kohona baa chel.