Josua 13:1 - mzwDBL

¹ Josua baa hwɛɛh kɛrɛdɛ. Asɛ Korowii ŋɔ o be ŋɔ, “Taraken he hwɛɛhrɔ kohona, kɛ a ta ka harɛre warɛ kɛŋɔ Israel tena yo dɛ lɛ.

Josua 13:1 Iomraidhean Croise

Mumpar 18:11

A ɡɛ saŋ dɛ Abraham ne o haah Saara bwa hwɛɛhrɔ, asɛ Saara ɡarɛ dahara lee.

1 Koranar 1:1

A balɔ kɛŋɔ Kooro Devid baa hwɛɛh, dɛ o biɡro ɡe kɛrɛdɛ, dɛ ka kalaŋ ta. Ba kpɔ yale tɔɔ ɡɛ bɛlbwa kwaraa naa, dɛ waa ta dɛ kpoo.

Nɛra Kura 34:12

Jwɛh la ɛɛ kaa Jɔɔdan Moo la taa, dɛ́ ka jaɡɛ Yar Mpo ta. Gɛɛ he harɛ jwɛhre la ɛɛ ba doe.”

Nɛra Kura 34:2

ó bol Israel tena la be ŋɔ, “Dɛ he tel Keenan harɛ baa dɛ ba bɔna ó ɛ he kon la ta naa, bá do jwɛhre nɔ.

Amanesoma Luk Aa Chwera Tɔn 1:7

Sekaria moo, ba bwa ba hwɛɛh, kɛ dɛ ba ta bie dɔe, dɛkalkɛŋɔ dɛ Ɛlesabɛt ɛ hambara.

Mmarare 31:3

Korowii haa dɛ tomɔ nɔ ɡbabir ɛɛ tɔ siee, dɛ́ ka chɔɡ harɛre aa lɔ bela la nɛra, ásɛ mɔɔ he won dɔ bɔr dɛ́ ka so ba buɡ ta. Korowii ŋɔ Josua ɡe tɔ he sie.

Josua 13:2

Harɛre aa kaa laanee Filisti ne Gesur harɛre,

Josua 14:10

Na, bene fifraanaarɛ dɛ anue la, Korowii aa bol waa nɔ Mosis be. Gɛ saŋee Israel tena do pua hɛŋle ɡbo harɛ ta dɛɛ ɡaaɡe la. Asɛ Korowii ɡel n ta so le dɛ ba le fini ɡɛ waa baɡ mɛ nyoa la. Na, fini nɔ, n di bene fifraanuatoro dɛ anue,

Josua 18:3

Asɛ Josua pɛɛ Israel tena la ŋɔ, “Saŋ besoo hɛɛ nyin kɛŋɔ he so ka tel mɔɔ, dɛ́ ta ka lɛ harɛ Korowii he naawa aa tomɔ la aa kpɔa tɛ heyaa laɔ?

Josua 20:1

Korowii ŋɔ Josua be ŋɔ,

Josua 24:29

Anɔ habɔɔ la, Korowii bonɔɔ Josua baa dɛ yerɛ o mɛɛ Nun baa sewɛ. Dɛ o di bene lafa dɛ fi.