Josua 12:7 - mzwDBL

⁷ Josua ne Israel tena yoo dɛ pɔ koranar baa lɔ Jɔɔdan Moo wee cholibɔr nɛ. Dɛ le bwɛjen Baal Gad, waa lɔ Lɛbanɔn Fɛlembɔjen ta, dɛ kaa Halak Bwejen weekaŋle harɛbɔr, dɛ kpoŋe kaa Sɛɛ Bwejen pera. Josua bɔne ɡɛ harɛ la tɛ Israel deene la ŋɔ, bá kpɔ ɛ ba kon kwaraa.

Josua 12:7 Iomraidhean Croise

Mumpar 14:6

Ba yo nɛra bane ɡe baa dɛ yer ba Hɔr tena baa lɔ deŋɡarere harɛ Sɛɛ ta, dɛ kpɔ ka le bwɛɛ Ɛlparan waa bɛne pua hɛŋle ɡbo harɛ bɛl ta, dɛ pɔ ba nɛ.

Mumpar 32:3

Belaa Jekɔb tomɛ toroma ŋɔ bá tɔ o sie dɛ́ kaa o dɔɔ Esɔ be. Dɛ Esɔ soɡe harɛ bɛl baa dɛ yerɛ bela Edom.

Mumpar 36:20

Sɛɛ waa ɛ Hɔr te bibaala waa lol ba asɛ ba so Edom laanee, Lotan ne Sobal ne Sibeon dɛ Ana,

Mumpar 36:30

ne Dison ne Esa dɛ Disan. Banɔ nɔɔ Hɔr tena koranar ɡɛ ba fa aa soɡe ba harɛre ta Edom harɛ ta la.

Mumpar 36:8

Asɛ Esɔ ka so Edom harɛ ta deŋɡarere ta.

Yela 135:11

Banee, Amɔre tena Kooro Sihon ne Basan Kooro Ɔɡ, dɛ Keenan harɛ koranar bwa,

Mmarare 2:1

Mosis berɔ ŋɔ, “Ate, ya laa berɛ dɛ kpɔ sie chaɡɛ pua hɛŋle ɡbo harɛ waa lɔ Mposwɛm ŋwɛnɛ ta, ɡɛ Korowii aa bol n be la. Ya ɡaaɡɔ kpɔ Sɛɛ deŋɡarere dor kɛrɛdɛ dɛ biɡri bela.

Mmarare 2:4

A ka tama hé ka kpɔ he lolanar baa ɛ Esɔ naanar dɛ do Sɛɛ harɛ jwɛh ta kaa. Baa dɛɛ ɔmɛ heyaa, kɛ hé nyiŋi kɛrɛdɛ.

Josua 11:17

Dɛ́ kpoŋe le Halak Bwejen dɛ́ kaa Sɛɛ Bwejen ta, dɛ́ kpoŋe kaa Baal Gad waa lɔ Lɛbanɔn Fɛlembɔjen bini dɛ do Hɛmɔn Bwejen la lɔɡa. Josua yo koranar la bwa, dɛ kpoo ba.

Josua 11:23

Josua yoo lɛ ɡɛ harɛ la bwa, ɡɛ Korowii aa ŋɔ o bonɔɔ Mosis be la. O bɔna tɛ Israel deene fi dɛ anɛ la, asɛ bɛlbwa dɔ o bɔr. A habɔɔ deŋnesɔɔhna ba harɛ la ta, bɛlbwa ta yoi kpa.

Josua 3:17

Sɔfore baa cheɡɛ Korowii Ne Nɛwɛnyina Fɔo Daka la valɛ harɛpɛɛ ta, Jɔɔdan Moo nenabɔɔ la bini dɛ ka jaɡɛ che, asɛ nɛra la bwa sekwaraa kpɔ harɛpɛɛ la ta ba bɛɡ ba dɛ le o baŋ.

Josua 9:1

Koranar baa lɔ Jɔɔdan Moo wee cholibɔr no ɡɛ Josua ne Israel tena aa dɛ pɔ nɛra nɛ, banɔ la baa lɔ deŋɡarere ta ne banɔ la baa lɔ deŋɡarere harɛbɔr wee cholibɔr, ne banɔ la baa lɔ Mɛdetereenea Mpo nyoa bwa, dɛ kpoŋe kaa weekaŋle nyundua Lɛbanɔn harɛ ta. A ɡɛ koranar laanee, Hiti ne Amɔre ne Keenan ne Pɛrɛs ne Hivi dɛ Jebus tena koranar.