Josua 12:2 - mzwDBL

² Kooro la bɛl sɔne Sihon, Amɔre tena kooroo wɛɛ di kora bwɛjen Hɛsbɔn. O harɛ nyoa le bwɛjen Arowa, o lɔ Aanɔn Fɛlembɔjen nyoa, dɛ le fɛlembɔjen la baah ta dɛ kaa Jabɔk Moo waa ɛ Amɔn tena harɛ jwɛh ta. Gelead harɛ pera ɡe ja o ta.

Josua 12:2 Iomraidhean Croise

Mumpar 32:22

Awola jwaana ne la, o iro dɛ kpɔ o haahna banɛ Bilha ne Silpa, dɛ o toli banɛ ne o bii fi dɛ beŋkpoŋ la dɛ kpɔ ba le Jabɔk Moo leebɔɔ.

1 Webena 5:8

ne Asas bibaa Bɛla, Sema bibaa Asas, dɛ Sema bibaa Joel. Dɛ ba soɡo le harɛ waa le Arowa, dɛ kpoŋe ba le Nɛbo ne Baal Meɔn.

Nehemia 9:22

He ɡelɔ ba yo dɛ pɔ koranar ne harɛre nɛra nɛ, harɛre aa lɔ ba jwɛh ta. Ba yo Hɛsbɔn Kooro Sihon, ne Basan Kooro Ɔɡ, dɛ pɔ ba nɛ, dɛ lɛ ba harɛre.

Yela 135:11

Banee, Amɔre tena Kooro Sihon ne Basan Kooro Ɔɡ, dɛ Keenan harɛ koranar bwa,

Jeremia 48:19

Arowa tena, hé che ŋwɛnɛ nyoa dɛɛ kpa. Hé nyiŋi haahna ne baala baa chwaa dɛɛ kaa, dɛ́ bɔɔ ba waa aa chiɡa.

Mmarare 1:4

Dɛ Korowii tɔ sie yo Amɔre tena Kooro Sihon o fa aa di kora Hɛsbɔn, ne Basan Kooro Ɔɡ waa di kora Astarɔt ne Edrei, dɛ pɔ ba nɛɛ mɔɔ ɡɛ waa nɔ chiɡ.

Sitɔɔla 11:13

Amɔn kooro chaŋe Jɛfta toroma la ŋɔ, “Israel tena aa le Ijipt harɛ ba la, ba lɛ n harɛ le Aanɔn Moo ta ka tel Jabɔk Moo ta, dɛ kpoŋe ka tel Jɔɔdan Moo ta bwa. Taraken nɔ, berɛ kpɔ tɛ mɛ jeih ken.”

Sitɔɔla 11:22

Ba lɛ harɛ la bwa dɛ kpoŋe ka le Aanɔn Moo dɛ kaa Jabɔk Moo ta, dɛ berɛ lɛ le pua hɛŋle ɡbo harɛ la ta, dɛ kaa Jɔɔdan Moo ta.