Josua 12:1 - mzwDBL

¹ Koranar Israel tena aa yoo ba dɛ pɔ ba nɛɛ dɛ lɛ ba harɛre laanee nɔ. Harɛre la le Jɔɔdan Moo wee leebɔr, dɛ le Aanɔn Fɛlembɔjen dɛ kaa Jɔɔdan Fɛlembɔjen ta, dɛ kpoŋe kaa Hɛmɔn Bwejen weekaŋle nyundua. Koranar banɛɛ ba yo dɛ pɔ ba nɛ.

Josua 12:1 Iomraidhean Croise

1 Koranar 4:19

Uri bibaa Gɛba chɔ Gelead harɛ nyoa. Bela fa ɛ Amɔre tena Kooro Sihon ne Basan Kooro Ɔɡ harɛre. Dɛ Gɛba ɡboo dɛɛ nyiŋi harɛ la ta.

Yela 133:3

A wer kɛŋɔ mɛn aa le Hɛmɔn Bwejen ta, dɛɛ lee Saayɔn Bwejen doa ken. Belaa Korowii baɡɛ o nɛra nyoa ŋɔ, wɛɛ swee o nɛra andɛɛɡaa, bá dɔ mkpa saŋ bɛlbwa dɛɛ la.

Yela 136:21

O kpɔ ba harɛre tɛ o nɛra. O nyina lole saŋ bɛlbwa dɛɛ la.

Yela 89:12

Henee ta weekaŋle nyunduabɔr, ne weekaŋle harɛbɔr. Tabɔ ne Hɛmɔn Bwejena ɡo yela dɛɛ kpɛɛre kɛŋɔ nɛra aa dɛ ɡo yela ken.

Aesaya 16:2

Moab haahna lɔ Aanɔn Moo nyoa milimili, dɛ la dɛɛ ba kɛŋɔ jumbii baa doŋa le a kɔne ta ken.

Nɛra Kura 21:13

Dɛ berɛ le Sered Fɛlembɔjen ta bela, dɛ ka so Aanɔn Moo nyoa. Gɛ moo la chɔ pua hɛŋle ɡbo harɛ ta dɛɛ kaa Amɔre tena harɛ ta. Aanɔn Moo la chɔ Moab tena ne Amɔre tena baah ta, dɛ ɛ ba jwɛh.

Nɛra Kura 21:21

Israel tena tomɛ nɛra Amɔre Kooro Sihon be ŋɔ,

Nɛra Kura 21:24

Israel tena kpo Kooro Sihon kere ne, dɛ lɛ o harɛ la dɔɔh. Le Aanɔn Moo ta dɛ kaa Jabɔk Moo ta, dɛ kpoŋe kaa Amɔn tena jwɛh ta. Dɛ Amɔn tena cheɡɛ ba jwɛh ta dɛ do kpeɡri.

Nɛra Kura 32:19

Yaa bobɛlbwaa lɛ le ba be Jɔɔdan Moo la baŋ le kpa, ya dɔ ya bɔr Jɔɔdan Moo wee leebɔr bela.”

Nɛra Kura 32:32

Yaa vɔwɛ ntoa tɔ Korowii siee, dɛ́ ɡale Jɔɔdan Moo la kaa Keenan harɛ ta, kɛ kondɔɔh yaa dɔa la te ɛɛ ka Jɔɔdan wee leebɔr baŋ bonɔɔ.”

Nɛra Kura 32:33

Asɛ Mosis kpɔ Amɔre Kooro Sihon, ne Basan tena Kooro Ɔɡ harɛre baa dɛ di kora a ta, ne a bwɛjena ne bwɛɛre aa bara bwa tɛ Gad ne Rubin dea tena, dɛ Josef bibaa Manasɛ dea pera tena.

Mmarare 2:24

Yaa kpɔ Moab harɛ ta ba kaa habɔɔ la, Korowii berɔ ŋɔ, ‘Hé ir, dɛ́ kpɔ he te dɛ́ ka le Aanɔn Moo la. Hé no! N kpɔ Sihon waa ɛ Amɔre kooro dɛ so Hɛsbɔn ne o harɛ do he nɔn ta. Hé ka pa mun dɛ́ lɛ harɛ la dɔɔh ásɛ dɛ yoo laa.

Mmarare 2:32

Ate, Kooro Sihon ne o laa tena bwa le dɛɛ ba ba yo yaa bobɛl baa dɛ yerɔ Jahas.

Mmarare 3:1

Mosis berɔ ŋɔ, “Ate, ya laa berɛ, dɛ kpɔ sie pa Basan harɛ dɛɛ kaa, belaa Basan Kooro Ɔɡ kpɔ o laa tena bwa dɛ ba yo yaa. Dɛ ya dɛ tel Edrei.

Mmarare 4:44

Mosis kpɔ Korowii Mmarare ne o webaɡla bil Israel tena la sie.

Mmarare 4:46

dɛ ba lɔ Fɛlembɔjen bɛl waa chɔ Jɔɔdan Moo wee leebɔr dɛ bɛne Bɛt Peɔ. Amɔre Kooro Sihon fa aa di kora Hɛsbɔn asɛ Mosis ne Israel tena le Ijipt harɛ ta ba yoo dɛ pɔ o nɛɛ la harɛ.

Mmarare 4:48

Harɛ la chɔɔ le Aanɔn Fɛlembɔjen la doa bwɛɛ Arowa ta dɛ ka le Sereɔn Bwejen baa bera dɛɛ yerɔ Hɛmɔn la ta,

Josua 1:15

dɛ́ ka tel kɛŋɔ Korowii aa ɡela ba bwara sɔɔh ba ɡɛ waa ɛa tɛ heyaa la, ka tel kɛŋɔ ba ɡe aa kaa dɔ harɛ Korowii haa dɛ tomɔ aa kpɔa tɛɛ baa la. Mɔɔ he berɛ kaa he ɡbaɡba harɛ Korowii bonɔɔ Mosis aa kpɔa tɛ heyaa o do Jɔɔdan Moo wee leebɔr la ta.”

Josua 11:17

Dɛ́ kpoŋe le Halak Bwejen dɛ́ kaa Sɛɛ Bwejen ta, dɛ́ kpoŋe kaa Baal Gad waa lɔ Lɛbanɔn Fɛlembɔjen bini dɛ do Hɛmɔn Bwejen la lɔɡa. Josua yo koranar la bwa, dɛ kpoo ba.

Josua 11:3

Kooro Jabin berɔ ɡel Keenan tena baa lɔ Jɔɔdan Moo la baŋne anɛ la bwa no. Amɔre ne Hiti ne Pɛrɛs dɛ Jebus tena baa soɡe bela deŋɡarere ta, ne Hivi tena baa soɡe Hɛmɔn Bwejen lɔɡa dɛ do Mispa harɛ ta.

Josua 13:8

Dɛ Korowii bonɔɔ Mosis tɔ sie kpɔ Jɔɔdan Moo wee leebɔr harɛ tɛ Rubin ne Gad dɛ Manasɛ dea pera tena la bane, ásɛ o ɛ ba kapɛrɛ kon.

Josua 22:4

Gɛ Korowii haa dɛ tomɔ aa ɡela he bala la dɔ bosɔɔhna ɡɛ waa baɡɛ nyoa la nomanta, hé berɛ kaa harɛre Korowii bonɔɔ Mosis aa kpɔa tɛ heyaa Jɔɔdan Moo wee leebɔr la ta.

Sitɔɔla 11:18

Ba berɔ valɛ kpɔ pua hɛŋle ɡbo harɛ ta dɛ fɛre Edom ne Moab harɛre la, dɛ kpɔ ka le Moab wee leebɔr pera dɛ ka so Aanɔn Moo baŋ bɛl. Ba ta Moab harɛ la ta joɛ, dɛkalkɛ Aanɔn Moo ɛ ba jwɛh.