Josua 11:6 - mzwDBL

⁶ Anee Korowii ŋɔ Josua be ŋɔ, “Hɛ́ɛ berɛ ɔma, kere saŋ nɔ bɔr, mɛɛ kpɔ baa do he Israel tena nɔn taa hé kpoo ba. Hé ɛ dɛ́ chaa ba jaɡre la nadɛɛne, dɛ́ fuh kwaa aa do kɛŋɔ torɔɡo ba vɔwa pɛl jaɡre la.”

Josua 11:6 Iomraidhean Croise

2 Samoɛl 8:4

Kooro Devid lawɛ Kooro Hadadesa kwaa aa do kɛŋɔ torɔɡore kaɡboŋ, ne laa tena baa soɡe laa torɔɡore bini kaɡboŋa banuanɛ, ne laa tena kaɡboŋa fifraanɛ baa dɛ valɛ. O ɡel kwaa aa do kɛ torɔɡore la lafa, ne jaɡre ane aa dɛ ba torɔɡore la tɛɡra, dɛ chaa a kabora habɔɔ nadɛɛne.

2 Koranar 6:16

O chaŋe ŋɔ, “Dɛɛ berɛ ɔma, ya dɔ laa tena ba warɛ ɡwaa ba kwa.”

2 Webena 20:16

Hé ir ka yoo ba kere, ɡɛ saŋ baa teeh kpɔ ŋwɛnɛ bɛl waa chɔa kaa Sis dɛɛ ba la. Hɛɛ ka chem ba fɛlembɔjen la nyoa Jeruel waa lɔ pua hɛŋle ɡbo harɛ la bɔr.

Yela 46:10

Korowii ŋɔ, “Hé ɡel yoi, dɛ́ jemɛ kɛ menee Korowii, menee kana harɛre nɛra bwa bini, n dɔŋ toole harɛ nɔ bwa ta.”

Yela 46:11

Nemenɛ Korowii ja ya nɛ, Korowii Jekɔb aa tomɔ laanee do kɛ danjwɛkpeɡ, ya chwa kaa marɔ.

Yela 46:9

O won laa nyoa sɔɔhna harɛ nɔ ta bobɛlbwa, dɛɛ kuuɡi tori ne lampeare, dɛɛ fuh kwa baa kpɔa dɛɛ tɔ ɡbemɡbe, dɛɛ yo laa.

Sɛɡla 20:7

Nɛn o wa aa toɡra o bwara aa wola wechɔɡe bɛlbwa dɔe la, o seo habɔɔ, o bii dɛ na som.

Aesaya 30:16

He dɛ bol ŋɔ, ‘Akai, yaa so jaɡre taa dɛ chwa kaa.’ A wer ɡa. Hé so jaɡre ta chwa. He dɛ lii kɛŋɔ he jaɡre ɡbaŋre, kɛ nɛra baa ti heyaa la kwaa ɡbaŋre ɡwaa he kwa.

Aesaya 31:1

Banɔ la baa la Ijipt harɛ ta dɛ́ kaa nyin kɛŋɔ ba cha ba la, bá bwɛɛlɛ! Ba kpɔ hwɛɡa do torɔɡore aa wara, baa vɔwa pɛl jaɡre dɛɛ che a bini, ne bokpeɡa tena baa so jaɡre ta nɛ, dɛ laa sie kpɔ Korowii Israel Nɛŋɡoroŋ la nɛ. Baa o bɔr nyin ó cha ba.

Ɛsekeɛl 39:9

Nɛra baa soɡe Israel bwɛɛre ta la ɛɛ leo ka pa dɔmkwaa la, dɛ́ kpɔ ɛ damara. Dɔmkwaa kɛŋɔ kwaa baa kpɔa dɛɛ tɔ ba te ɡbemɡbe laa ta, anjena ne anjeɡre, tori ne hɛma, ne koŋkwaa baa dɛ yo a ne laa bwa soo siwi, dɛ lampeare. Bene anuanɛ dɛ ba ta dɛ mara.

Hosia 14:3

Asiiria tena aa won lɛ yaa, ya jaɡre yaa dɛ la ane laa la aa won lɛ yaa. Yaa berɛ yerɛ kwaa ya ɡbabir aa kpɔ nɔɔra ɛ la, ya voɡa kpa, dɛkalkɛ hen Korowiirii dɔ tedoma tɛ bilalbii.”

Neehum 2:13

Koranar Bwa Kooro ŋɔ, “N cheɡɛ he nɛ. Mɛɛ fuh torɔɡore haa vɔwa pɛl jaɡre laanee. Baa kpoo he laa tena laa taa, dɛ́ pa laala haa paa le bane be la. Baa he toroma taa no kpa bwa.”

Mmarare 7:16

Harɛre nɛra Korowii haa dɛ tomɔ la aa kpɔa do he nɔn ta la, hé chɔɡ ba bwa. He bɛ ba sum na dɛ́ tomɛ ba voɡare ɡe, a do kɛŋɔ bela dɛ́ lawɛ heya.

Josua 10:8

Belaa Korowii ŋɔ Josua be ŋɔ, “Dɛɛ berɛ ba ɔma, n dɔɔ kpɔ ba do he nɔn ta. Ba bini bɛlbwa toole dɛ́ won che he sie.”

Josua 11:5

A ɡɛ koranar nɔ bwa kpɔ ba laa tena pɛ, dɛ baŋre ba tɛnte deene nee Mɛrɔm nyoa, dɛ́ yo Israel tena.

Josua 11:7

Ba ne jara dɛ Josua ne o laa tena bwa deno ba lɔ tɔ ba nɛɛ Mɛrɔm nee la nyoa bela,

Josua 11:9

Josua ɛ ɡɛ Korowii aa doo la. O ɡelɔ ba chaa ba jaɡre la nadɛɛne, dɛ fuh torɔɡore baa vɔwa pɛl jaɡre la.

Josua 3:5

Josua ŋɔ Israel tena la be ŋɔ, “Hé laa he te kpɔ doŋa bɛlbwa ta dɛ́ do ɡoroŋ, kere Korowii ɛɛ ɛ nyokpowaa tɛ heya.”

Sitɔɔla 20:28

Dɛ Eliasa bibaa Fenehas lɔ bela dɛɛ ɛ Korowii toma, o nabaalee Arɔn. Israel tena la bɔɔ Korowii ŋɔ, “Yá ka yo ya bala Bɛnjamen dea tena nɔ kɛɛ yá ɡelɔ?” Anee Korowii sɛh ŋɔ, “Hé kaa! Kere te mɛɛ kpɔ baa do he nɔn ta, ásɛ he pɔ ba nɛ.”

Sitɔɔla 7:9

Awola jwaana la, Korowii ŋɔ Gedeɔn be ŋɔ, “Ir dɛ́ kaa Midian tena sobɔr bela ka yoo ba. N dɛ ba ba kpɔe do he nɔn ta.

1 Samoɛl 11:9

Sɔɔl ne o nomonome ŋɔ toroma baa le Jabes la be ŋɔ, “Hé ka ŋɔ he nɛra be kɛŋɔ, ‘Le kere wee ne ŋɔ o che nyufala dɛ he dɔ lɛɛ.’ ” Toroma la aa laŋa dɛ ka bol Jabes tena la be la, ba sie lɛo kohona,