Josua 11:3 - mzwDBL

³ Kooro Jabin berɔ ɡel Keenan tena baa lɔ Jɔɔdan Moo la baŋne anɛ la bwa no. Amɔre ne Hiti ne Pɛrɛs dɛ Jebus tena baa soɡe bela deŋɡarere ta, ne Hivi tena baa soɡe Hɛmɔn Bwejen lɔɡa dɛ do Mispa harɛ ta.

Josua 11:3 Iomraidhean Croise

Mumpar 31:49

Dɛ ŋɔ, “Yaa dɛ peɡri dɔŋa baah nɔ, Korowii nyiŋi ya nɛ.” Asɛ dɛ pa bela sɔn Mispa.

2 Samoɛl 24:16

Dɛ Korowii le o nyundua torome bɛl dɛ tɛo kpeɡri ŋɔ ó ba chɔɡ Jerusalam. Waa dɛ la ka chɔɡo la, Korowii berɔ charɛ o liire, dɛ ŋɔ nyundua torome la be ŋɔ, “Gel! A maɡre ɡɛ.” Gɛ saŋ dɛ torome la lɔ Jebus te Arauna mea lɔ bɔr.

2 Samoɛl 24:7

Ate, ba berɛ teŋe kpɔ bwɛjen Taaya danjwɛkpeɡ baa maa baro bɔr, dɛ kaa Hivi tena bwɛɛre ne Keenan tena harɛ bwɛɛre ta bwa. Ba berɔ la Beɛseeba waa lɔ Juda harɛ weekaŋle harɛbɔr, pua hɛŋle ɡbo harɛ ta.

1 Koranar 15:22

Belaa Kooro Asa do Juda tena bwa ŋɔ bá la, dɛ́ ka che bwea ne daa Kooro Baasa aa kpɔa dɛɛ ma danjwɛɛ Rama la. Anee Kooro Asa kpɔ ma danjwɛkpeɡ bar bwɛjena Geba ne Mispa aa lɔ Bɛnjamen dea harɛ ta. O ta nomɛlbwa ɡelɛ Juda harɛ, bɛlbwa laŋɔ ka pa daa la ane.

1 Koranar 9:20

Amɔre ne Hiti ne Pɛrɛs ne Hivi dɛ Jebus tena baa kaa baa wola Israel tena ɛɛ la,

Yela 133:3

A wer kɛŋɔ mɛn aa le Hɛmɔn Bwejen ta, dɛɛ lee Saayɔn Bwejen doa ken. Belaa Korowii baɡɛ o nɛra nyoa ŋɔ, wɛɛ swee o nɛra andɛɛɡaa, bá dɔ mkpa saŋ bɛlbwa dɛɛ la.

Yela 89:12

Henee ta weekaŋle nyunduabɔr, ne weekaŋle harɛbɔr. Tabɔ ne Hɛmɔn Bwejena ɡo yela dɛɛ kpɛɛre kɛŋɔ nɛra aa dɛ ɡo yela ken.

Yelsom 4:8

N hanfale, le Lɛbanɔn bwea dor dɛ́ ba n be, le Lɛbanɔn bela ba n be. Le Amana Bwejen doa tu ba, Senir ne Hɛmɔn Bwejena dor, bela nyujentena ne nonietena aa lole.

Jeremia 40:10

N ɡbabir dɛ ba Mispa soɡa dɛ́ che he naa ta, Babelɔn tena baa dɛɛ ba ya be la sie. Kɛ a chɛ kɛ he boa sen ne daa nɔna ne ɔleve noo nyoa cheɡ, dɛ́ ka so bwɛɛre haa dɛ ba ba so a ta la ta.”

Jeremia 40:6

Anomanta, n la Ahikam bibaa Gedalia be Mispa n ne nɛra baa ka harɛ la ta la ka so.

Jeremia 41:14

Ate, ba bwa berɛ chwa le o be, dɛ kaa Karea bibaa Johanan be.

Jeremia 41:3

Ismael berɔ kpoo Juu tena baa ja Gedalia nɛɛ Mispa, dɛ Babelɔn laa tena baa lɔ bela bwa.

Nɛra Kura 13:29

Amalɛk tena soɡe Nɛɡɛv pua hɛŋle ɡbo harɛ, Hiti ne Jebus dɛ Amɔre tena so deŋɡarere harɛ ta, asɛ Keenan tena ɡe so bɛne Mɛdetereenea Mpo ne Jɔɔdan Moo nyoa.”

Mmarare 4:48

Harɛ la chɔɔ le Aanɔn Fɛlembɔjen la doa bwɛɛ Arowa ta dɛ ka le Sereɔn Bwejen baa bera dɛɛ yerɔ Hɛmɔn la ta,

Mmarare 7:1

Mosis berɔ ŋɔ Israel tena la be ŋɔ, “Korowii haa dɛ tomɔ dɛ la he ne harɛ haa dɛ la ka so o ta ó ɛ he kon la ta naa, wɛɛ doŋi wobobele anuanɛ bwa nɛra baa kana dɛ do kpeɡri ɡwaa heyaa le ba harɛre ta tɛ heya. Banee Hiti ne Girɡasi ne Amɔre tena, ne Keenan ne Pɛrɛs ne Hivi dɛ Jebus tena.

Josua 11:17

Dɛ́ kpoŋe le Halak Bwejen dɛ́ kaa Sɛɛ Bwejen ta, dɛ́ kpoŋe kaa Baal Gad waa lɔ Lɛbanɔn Fɛlembɔjen bini dɛ do Hɛmɔn Bwejen la lɔɡa. Josua yo koranar la bwa, dɛ kpoo ba.

Josua 11:8

asɛ Korowii den kpɔ ba do Israel tena nɔn ta. Ba pɔ ba nɛɛ dɛ ti ba ka le weekaŋle nyundua bwɛjena ane baa dɛ yera Sidon ne Mesrefɔt Maim, ne wee leebɔr ka le Mispa Fɛlembɔjen ta, hale ba bini beŋkpoŋ kwaraa ta kae.

Josua 13:11

o teŋɔ ka le Gelead waa lɔ Gesur ne Maaka harɛre ta, ne Hɛmɔn Bwejen la bwa ne Basan harɛ bwa dɛ́ kpoŋe kaa Saleka bwa jao.

Josua 13:5

Dɛ a chɛ kɛ hé yo Gebal tena harɛ dɛ́ pɔ ba nɛ, dɛ́ teŋɛ kaa Lɛbanɔn harɛ bwa wee leebɔr, le Baal Gad waa lɔ Hɛmɔn Bwejen lɔɡa ŋwɛnɛ waa chɔa kaa Lebo Hamat.

Josua 15:38

ne Dilian ne Mispa dɛ Jokteel,

Josua 15:63

Juda dea tena la ta wone doŋi Jebus tena baa soɡe Jerusalam la, ba ne ba bwa ta soɡe bela ba le fini.

Josua 18:26

ne Mispa ne Kefira dɛ Moosa,

Josua 3:10

Anɔ taa hɛɛ ba cheɡa, dɛ́ jemɛ kɛŋɔ Korowii waa lole saŋ bɛlbwa la ja he nɛ, dɛ́ doŋi nɛra baa soɡe harɛ waa kpɔa tɛ heyaa ŋɔ hé ka so o ta he sie, baa yer ba Keenan ne Hiti ne Hivi ne Pɛrɛs ne Girɡasi ne Amɔre dɛ Jebus tena la.

Sitɔɔla 20:1

Israel tena baa soɡe Dan dea harɛ ta dɛ kpoŋe kaa Beɛseeba, dɛ banɔ la baa soɡe Gelead harɛ ta bwa baa cheme Korowii sie Mispa kɛ nɛmbeŋkpoŋ.

Sitɔɔla 21:5

Israel tena la bɔɔ dɔŋa ŋɔ, “Israel deene nɔ bwa bini, debesoo tenaa wola Korowii sie bonɔ balɔɔ?” Ba fa ŋwɛɛrɔ bil kɛŋɔ dea bɛlbwa waa wola Korowii sie Mispa bonɔ balɛ la, bá kpoo o nɛra.

Sitɔɔla 21:8

Ba berɔ ŋɔ, “Israel dea besoo nɛraa vɛah ba ta Korowii sie Mispa balɔɔ?” Ba baa na kɛŋɔ nomɛlbwa ta bwɛɛ Jabes Gelead ta leɛ ba,

Sitɔɔla 3:3

Nɛra waa ɡel ba laanee Filisti tena koranar banue, ne Keenan tena bwa, ne Sidon ne Hivi tena baa soɡe Lɛbanɔn bwejena ta, dɛ kpoŋe le Baal Hɛmɔn ka tel Lebo Hamat.

Sitɔɔla 3:5

Israel tena la ne Keenan ne Hiti ne Amɔre ne Pɛrɛs, ne Hivi dɛ Jebus tenaa pɛa so Keenan harɛ la ta.

1 Samoɛl 10:17

Samoɛl cheme Israel tena la bwa Korowii sie Mispa,