Josua 11:21 - mzwDBL

²¹ A ɡɛ saŋ la ta la, Josua kaa kpoo Anak tena baa soɡe deŋɡarere ta, dɛ kpoŋe le bwɛjena ane baa dɛ yera Hɛbrɔn ne Debir dɛ Anab, dɛ deŋɡarere bwɛɛre aa lɔ Juda ne Israel harɛ ta. Gɛ nɛra nɔ kpeɡo taeh.

Josua 11:21 Iomraidhean Croise

Jeremia 3:23

Voɡare yaa toma bwejena dor la ta yaa chae. Korowii ya Israel tena aa dɛ tomɔ ɡboo ɛ ya lɛɛ.

Jeremia 9:23

Korowii ŋɔ, “Wejerema bɛ mbarafo ɛ ba wejema baa dɔa wa, bokpeɡa tena bɛ ba te dɛɛ maŋkura ba bokpeɡa baa dɔa wa, kɛɛ dɔɔh kpɔ o te dawɛ o kondɔɔh ta.

Emɔs 2:9

Israel tena siwi taa n chɔɡ Amɔre tena kwaraa, dɛ ba kpekpeɡo ba bwara do kpeɡri, kɛŋɔ peleme daa ne dajena ken, asɛ n chɔɡ a nɔna ne a lune.

Nɛra Kura 13:33

Ya na nɛra baa kpekpeɡa kohona dɛ ɛ Anak tena naanar bela. Yaa na ba la, dɛ ya jeɡre kɛŋɔ hɔɔhre ken ba siwi ta.”

Mmarare 1:28

Leperaa yaa ba chaɡa ɔ? Ya bala baa laŋa ka sɔh nyiŋi harɛ la ŋɔ, nɛra baa lɔ harɛ la ta bwara kpeɡri, ba kpeɡo ɡe kohona dɛ ɡwaa yaa. Ba bwɛjena, ba ma danjwɛkpeɡa a kaa nyundua bara, nomɛlbwa aa wola won dɔ bɔr jo a ta. Dɛ ba na Anak naanar bela, ba kpeɡo kɛrɛdɛ.’

Mmarare 2:21

Dɛ ɡɛ Refa tena nɔ warɔ ba bwara do kpeɡri, dɛ kpeɡ kohona kɛŋɔ Anak tena ken. Kɛ Korowii kpoo ba Amɔn tena bwa siwi ta, dɛ ɡel ba so ba buɡ ta.

Mmarare 9:2

Ba ɛ nɛra bane baa do kpeɡri dɛ kpeɡ kohona baa yer ba Anak tena la. He ɡbabir jemɔ dɛ no ɡɛ ba yon ŋɔ, ‘Nomɛlbwa toole dɛ́ won che Anak tena sie la.’

Josua 10:42

Josua ne o laa tena kaa yo a ɡɛ koranar nɔ ne ba nɛra, dɛ ba harɛre la teŋɛ dɔŋa nɛ, dɛ pɔ ba nɛ. Korowii Israel tena aa dɛ tomɔ laanee yoa tɛɛ ba.

Wepila 6:2

N nao kɛŋɔ jaaɡɔpoŋ bɛl aa lea, nɛn so o ta dɛ kpoŋe to. Ba kpɔ kooɡbɛrɛ tɛo, asɛ o dɔ kpeɡri dɛ le kaa, dɛ ka yo laa dɛ pɔ o dɔma nɛ.

Sitɔɔla 1:20

Ba kpɔ bwɛjen Hɛbrɔn tɛ Kaleb, ɡɛ Mosis aa bola la, asɛ o doŋi Anak tena deene atoro nɛra baa lɔ bela la.