Josua 11:20 - mzwDBL

²⁰ Korowiirii saahna dɛ ɡel ba bambile do kpeɡri ba ka pu Israel tena yo, ásɛ Israel tena bɛ ba sum na, dɛ́ kpoo ba dɛ́ he ba. Gɛ Korowii aa ŋɔ Mosis be la.

Josua 11:20 Iomraidhean Croise

2 Samoɛl 17:14

Belaa Absalɔm ne Israel tena la bwa ŋɔ, “Husai waa ɛ Aaki te waa waa dɛ baɡle la ɡwaa anɔ la Ahetofɛl aa bola la.” Korowii ɡbabirii ɛa kɛŋɔ wedɛɛɡa Ahetofɛl aa bola la, ba bɛ a ta teŋɛ, ásɛ a ba wenaale ne ba ta Absalɔm nɛ.

1 Koranar 12:15

Kooro la ta nɛra la waa la ta noɛ tɛɛ ba. Dɛ Korowiirii ɛa ɡɛ, dɛ ɡel waa waa cheɡɛ Silo te Ahija nɛɛ dɛ bol Nɛbat bibaa Jɛroboam be la ɛ kpela.

2 Webena 22:7

Dɛ Korowiirii ɛa kɛŋɔ Kooro Ahasia ka na Kooro Joram dɛ kpoo. Waa laŋa la, o ne Kooro Joram laŋɔ ka cheme Nimsi bibaa Jehu, Korowii aa leo ŋɔ ó ba kpo Kooro Ahab dem nɛra la.

2 Webena 25:16

Korowii keame la nyoa taa lɔ waa la ta wɛɛ bol la, Kooro Amasea ŋɔ o be ŋɔ, “Ya lee ŋɔ hɛɛ ja kooro aa? Tɔ nyoa! Gɛ laa aa, mɛɛ ɡeloo bá kpoe.” Ate, Korowii keame la tɔ nyoa, dɛ berɛ pili nyoa ŋɔ, “Taraken te n jemɔ kɛŋɔ Korowii dɛ ba he kpoe, dɛkalkɛ he vɛh waa maa jae ŋɔ he bɛ ɛ la.”

Kaala 10:1

Belaa Korowii ŋɔ Mosis be ŋɔ, “La Ijipt kooro be, n ɡelɔ o ne o nomonome deŋne do kpeɡri ɡɛ aa ɛ ń won ɡel ba na n nyokpowe-ɛɛla ba baah,

Kaala 11:10

Mosis ne Arɔn ɛ nyokpowe-ɛɛla nɔ bwa kooro sie. Korowii ɡelɔ o deŋne ta do kpeɡri o ta ɡelɛ Israel tena la le o harɛ ta kaa.

Kaala 14:17

Mɛɛ ɡeloo Ijipt tena deŋne do kpeɡri, ásɛ ba ti heya. Belaa mɛɛ ba n jirima dɔe dɛ́ le Ijipt kooro ne o laa tena ne kwaa aa do kɛ torɔɡore, dɛ nɛra baa dɛ so jaɡre ta la bwa nɛ.

Kaala 14:4

Mɛɛ ɡeloo o deŋne do kpeɡri o ŋɔ wɛɛ ti baa. Mɛɛ pɔ o ne o laa tena nɛɛ dɛ́ dɔ jirima. Ásɛ Ijipt tena bwa jemɛ kɛŋɔ menee Korowii kpela.” Anomanta, ɡɛɛ Israel tena ɛ.

Kaala 14:8

Korowii ɡelɔ Ijipt kooro la deŋne do kpeɡri, asɛ o ti Israel tena baa kpɔ silɛɛ le dɛɛ kaa la.

Kaala 4:21

Belaa Korowii berɛ ŋɔ o be ŋɔ, “Haa bera dɛɛ kaa Ijipt harɛ ta nɔ, na kɛŋɔ kpeɡri maa tɛɛ he kpɔ dɛɛ ɛ nyokpowaa la, hɛɛ ɛa Ijipt kooro siwi taa. Kɛ mɛɛ ɡeloo o deŋne do kpeɡri, waa wola ɡel n nɛra la kaa.

Kaala 9:12

Kɛ Korowii ɡelɔ Ijipt kooro deŋne do kpeɡri o ta Mosis ne Arɔn be noɛ ɡɛ waa bola la.

Kaala 9:16

Kɛ n ɡelɔ he do le, ásɛ he na ɡɛ maa dɔ kpeɡri, ásɛ nɛwɛnyina bwa che he nɛɛ dɛɛ yerɛ n sɔn harɛ nɔ ta bobɛlbwa.

Aesaya 14:24

Koranar Bwa Kooro ŋwɛɛrɔ ŋɔ, “Waa maa vɔrɔwa la, anee dɛɛ ba ɛɛ, anɔ la aa dawɛ n sie la ɡee mɛɛ ba ɛɛ.

Aesaya 34:2

Korowii baah di harɛre nɛra bwa nɛ. O bwaawee iro kohona ba laa tena nɛ. O lee ba cheɡ dɛ́ kpoo ba kwaraa.

Tɔn Pɔɔl Aa Chwerɛ Rom Tena 9:18

Naate Korowii tea aa toora kɛŋɔ ó sune o nɛɛ la, o nɛɛ wɛɛ sune. Naate ɡe o tea aa toora kɛŋɔ ó ɡel o deŋne do kpeɡri la, onee o ɡel o deŋne ɛɛ do kpeɡri.

Mmarare 2:30

Kooro Sihon ta yaa ŋwɛnɛ tɛɛ ya kpɔ o harɛ ta dɛ kaa. Dɛ Korowii ɡelɔ o deŋne do kpeɡri wɛɛ lɛ ɡaeh, ɡɛ aa ɛ ásɛ ya won pɔ o nɛɛ dɛ́ lɛ harɛ haa lɔ o ta fini nɔ.

Mmarare 7:16

Harɛre nɛra Korowii haa dɛ tomɔ la aa kpɔa do he nɔn ta la, hé chɔɡ ba bwa. He bɛ ba sum na dɛ́ tomɛ ba voɡare ɡe, a do kɛŋɔ bela dɛ́ lawɛ heya.

Sitɔɔla 14:4

O mɛɛ ne o nya ta wone jemɛ kɛ Korowii bee a le wɛɛ nyin ŋwɛnɛ waa kpɔ o ta Samsen won ka yo Filisti tena. Gɛ saŋ dɛ banee dɛɛ nyiŋi Israel tena nɛ.

1 Samoɛl 2:25

Nɛn ɛ o dɔŋ wechɔɡa aa, Korowiirii dɛ́ won kwaa ba baah. Kɛ dɛ nɛn ɛ Korowii wechɔɡa aa, nɛn toole dɛ́ cha naate kpa.” Bii la ta ba mɛɛ kaeh waa kah ba la noɛ, dɛ Korowiirii ɛa ɡɛ dɛ́ kpoo ba.