Josua 11:2 - mzwDBL

² O ɡelɔ koranar baa lɔ weekaŋle nyunduabɔr deŋɡarere ta dɛ do Jɔɔdan Fɛlembɔjen ta, ne Galilia Moo weekaŋle harɛbɔr, ne banɔ la baa lɔ deŋɡarere lɔɡre, ne banɔ la baa lɔ mpo nyoa weekaŋle harɛbɔr dɛ bɛne bwɛjen Dɔr, nɛra ɡe no dɛ ba chao.

Josua 11:2 Iomraidhean Croise

1 Koranar 15:20

Kooro Bɛn Hadad no Kooro Asa be, dɛ tomɛ o laa sitɔɔla ba ka yo Israel harɛ bwɛɛre. Ba pɔ bwɛɛre baa dɛ yera Ijon ne Dan dɛ Ebel Bɛt Maaka ne harɛ waa chɔa kaa Galilia Moo bwa dɛ Naftale dea harɛ bwɛɛre bwa ta.

1 Koranar 4:11

Bɛn Abinadab chɔ Nafɔt Dɔr harɛ bwa nyoa, dɛ o mo Kooro Solomɔn bihaah baa dɛ yerɔ Tafat.

Nɛra Kura 34:11

ásɛ jwɛh la le Sɛfam dɛ́ kaa Ribla waa lɔ Ain wee leebɔr, dɛ́ kpoŋe wili kaa Galilia Moo nyoa wee leebɔr.

Amanesoma Luk Aa Chwera Tɔn 1:39

A ɡɛ waa nɔ ta la, Mɛɛre iro dɛ kpɔ yɔra chiɡ ŋwɛnɛ ta ka le Juda deŋɡarere harɛ bobɛl dɛ kaa Sekaria bwɛ,

Amanesoma Luk Aa Chwera Tɔn 5:1

Awola bɛl, dɛ Yeesu cheɡɛ Gɛnɛsarɛt Moo la nyoa, asɛ nɛnlaa bane ba baro cheme, dɛ taɡɛ dɔŋa dɛɛ ba o be dɛ́ ba no Korowii Waa waa dɛ bol la.

Josua 10:40

Josua pɔ harɛre la bwa nɛ, bwɛɛre aa lɔ deŋɡarere ta ne Nɛɡɛv, ne anɔ la aa lɔ wee cholibɔr, ne anɔ la aa lɔ mpo nyoa pua hɛŋle ɡbo harɛ ta, ne anɔ la aa chɔ bwea lɔɡre ne a koranar bwa. Nomɛlbwa ta o nyu dɔe. Ba kpo hweera kon te bɛlbwa. Gɛ Korowii Israel tena aa dɛ tomɔ aa doo laanee o ɛ.

Josua 10:6

Belaa Gebeɔn tena den tomɛ nɛra Josua ne o nɛra Israel tena be bela baa baŋre ba tɛnte deene Gelɡal la ŋɔ, “Nomoa, Amɔre harɛ koranar baa lɔ deŋɡarere bwɛɛre ta bwa lɔɔ pɛ, dɛ kpɔ ba laa tena dɛɛ ba ba yo yaa, anomanta, kpɔ he nɛra ba warane dɛ́ ba cha he bonɔɔna, dɛ́ lɛ yaa ta.”

Josua 11:16

Josua ne o laa tena yoo dɛ kpɔ harɛ la bwa, deŋɡarere ne bwea lɔɡre bwɛɛre, anɔ la aa lɔ weekaŋle nyundua ne weekaŋle harɛbɔr harɛ baa dɛ yerɔ Nɛɡɛv pua hɛŋle ɡbo harɛ bwa ta. Le Gosen harɛ dɛ́ kpoŋe kaa Jɔɔdan Fɛlembɔjen ta bwa.

Josua 11:21

A ɡɛ saŋ la ta la, Josua kaa kpoo Anak tena baa soɡe deŋɡarere ta, dɛ kpoŋe le bwɛjena ane baa dɛ yera Hɛbrɔn ne Debir dɛ Anab, dɛ deŋɡarere bwɛɛre aa lɔ Juda ne Israel harɛ ta. Gɛ nɛra nɔ kpeɡo taeh.

Josua 12:23

Dɔr, o ɡe lɔ mpo nyoa ne Goim, dɛ do Galilia harɛ ta,

Josua 12:3

O harɛ la teŋɔ ba le Jɔɔdan Fɛlembɔjen la ta, dɛ le Galilia Moo weekaŋle harɛbɔr, dɛ kaa Bɛt Jɛsemɔt harɛ ta, o lɔ Yar Mpo wee leebɔr. Dɛ kpoŋe kaa Pesɡa Bwejen lɔɡa.

Josua 13:27

Jɔɔdan Fɛlembɔjen ta ɡe, bwɛjena Bɛt Haram ne Bɛt Nimra ne Sukot dɛ Safɔn, dɛ Kooro Sihon waa di kora bwɛjen Hɛsbɔn la harɛ bwa. Jɔɔdan Moo la wee leebɔr, harɛ la teŋɔ kaa Galilia Moo nyoa.

Josua 17:11

Isaaka dea tena harɛ ne Aasa dea tena harɛ ta la, Manasɛ dea tena dɔ bwɛjena. Anee Bɛt San ne Ibleam ne Dɔr ne Ɛndɔr ne Taanak ne Meɡido dɛ a bwɛɛre aa bara.

Sitɔɔla 1:27

Manasɛ dea tena ta nɛra baa soɡe bwɛɛ Bɛt San ne Taanak ne Dɔr ne Ibleam ne Meɡido dɛ bwɛɛre aa bara cheme la doŋe, dɛkalkɛ dɛ ba sie beɡrɔ kɛŋɔ ba so bela.