Josua 11:17 - mzwDBL

¹⁷ Dɛ́ kpoŋe le Halak Bwejen dɛ́ kaa Sɛɛ Bwejen ta, dɛ́ kpoŋe kaa Baal Gad waa lɔ Lɛbanɔn Fɛlembɔjen bini dɛ do Hɛmɔn Bwejen la lɔɡa. Josua yo koranar la bwa, dɛ kpoo ba.

Josua 11:17 Iomraidhean Croise

Mumpar 32:3

Belaa Jekɔb tomɛ toroma ŋɔ bá tɔ o sie dɛ́ kaa o dɔɔ Esɔ be. Dɛ Esɔ soɡe harɛ bɛl baa dɛ yerɛ bela Edom.

Yela 89:12

Henee ta weekaŋle nyunduabɔr, ne weekaŋle harɛbɔr. Tabɔ ne Hɛmɔn Bwejena ɡo yela dɛɛ kpɛɛre kɛŋɔ nɛra aa dɛ ɡo yela ken.

Mmarare 1:7

Hé ir bonɔ dɛ́ kaa Amɔre tena deŋɡarere harɛ, ne harɛre aa bɛne bela dɛ do Araba Fɛlembɔjen la ta, bwejena harɛ ne wee cholibɔr deŋɡarere ta ne Nɛɡɛv waa ɛ pua hɛŋle ɡbo harɛ dɛ kaa Mɛdetereenea Mpo nyoa. Dɛ́ kpoŋe kaa Keenan tena harɛ ta, ne Lɛbanɔn harɛ, hale dɛ́ kaa Yufretis Moo ta.

Mmarare 2:1

Mosis berɔ ŋɔ, “Ate, ya laa berɛ dɛ kpɔ sie chaɡɛ pua hɛŋle ɡbo harɛ waa lɔ Mposwɛm ŋwɛnɛ ta, ɡɛ Korowii aa bol n be la. Ya ɡaaɡɔ kpɔ Sɛɛ deŋɡarere dor kɛrɛdɛ dɛ biɡri bela.

Mmarare 3:9

Hɛmɔn Bwejen nɔ, Sidon tena dɛ yerɔ Sereɔn, Amɔre tena ɡee yerɔ Senir.

Mmarare 33:2

O ŋɔ, “Korowii le Sinai Bwejen ta ba ya be, o ɛɡɔ le Edom kɛŋɔ wee ken, dɛ́ chaah o nɛra nɛɛ Paran bwe ta. Nyundua toroma kaɡboŋa fi ja o nɛ, ninlao do o diɡ bɔr.

Mmarare 7:24

Ba koranar ɡe la, wɛɛ kpɔ baa do he lɔɡa, ásɛ he kpoo ba le harɛ nɔ ta ba waa tonɛ. Nomɛlbwa aa won che he sie, hɛɛ chɔɡ ba bwaa.

Josua 1:4

He harɛ la nyoa ɛɛ le weekaŋle harɛbɔr pua hɛŋle ɡbo harɛ la taa, dɛ́ kaa weekaŋle nyunduabɔr Lɛbanɔn bwejena ta, dɛ́ kpoŋe kaa Yufretis Moo ta wee leebɔr, dɛ́ kaa Hiti tena harɛ ta bwa, dɛ́ kpoŋe kaa wee cholibɔr Mɛdetereenea Mpo la ta.”

Josua 11:18

Josua yo ɡɛ koranar nɔ biɡri taeh, kɛ o pɔ ba bwa nɛɛ dɛ kpoo ba.

Josua 11:3

Kooro Jabin berɔ ɡel Keenan tena baa lɔ Jɔɔdan Moo la baŋne anɛ la bwa no. Amɔre ne Hiti ne Pɛrɛs dɛ Jebus tena baa soɡe bela deŋɡarere ta, ne Hivi tena baa soɡe Hɛmɔn Bwejen lɔɡa dɛ do Mispa harɛ ta.

Josua 13:5

Dɛ a chɛ kɛ hé yo Gebal tena harɛ dɛ́ pɔ ba nɛ, dɛ́ teŋɛ kaa Lɛbanɔn harɛ bwa wee leebɔr, le Baal Gad waa lɔ Hɛmɔn Bwejen lɔɡa ŋwɛnɛ waa chɔa kaa Lebo Hamat.