Josua 11:14 - mzwDBL

¹⁴ Israel tena la cheɡɛ kondɛɛɡa ne kondɛɛra aa lɔ ɡɛ bwɛjena la ta bwa kaa a ɛ ba kwa. Ba kpo nɛra baa lɔ bwɛjena la ta bwa, bɛlbwa ta kae.

Josua 11:14 Iomraidhean Croise

2 Webena 20:25

Ate, Kooro Jehosafat ne o laa tena la ka pa ba laala kɛŋɔ laa ta kwa. Ba na nae ne dɔmkwa dɛ suuɡaswɛm koŋkwaare a yoɡ aa kpeɡa warɛ taeh. Tɔpera atoroo ba won kpɔ boa a bwa nyoa, kɛ ba ta wone kpɔ a bwa, dɛkalkɛ dɛ a warɔ kɛrɛdɛ.

Nɛra Kura 31:9

Israel tena la lawɛ Midian haahna ne bechale, dɛ lawɛ ba nae ne peera, dɛ kpɔ ba laala ɡe bwa kaa kɛŋɔ laa ta kwa.

Mmarare 20:14

Kɛ haahna ne bechale ne kondɛɛra ne komɛlbwa aa lɔ bwɛɛ la ta la, hé kpɔa kɛŋɔ laa ta kwa. Korowii haa dɛ tomɔ laanee laa lɛ he dɔma be tɛ heyaa la.

Mmarare 20:16

Harɛ Korowii haa dɛ tomɔ nɔ aa kpɔa dɛɛ ba heyaa tɛɛ hé so o ta la te, he bɛ hweera kon te bɛlbwa ɡel a bwɛɛre ta.

Josua 10:40

Josua pɔ harɛre la bwa nɛ, bwɛɛre aa lɔ deŋɡarere ta ne Nɛɡɛv, ne anɔ la aa lɔ wee cholibɔr, ne anɔ la aa lɔ mpo nyoa pua hɛŋle ɡbo harɛ ta, ne anɔ la aa chɔ bwea lɔɡre ne a koranar bwa. Nomɛlbwa ta o nyu dɔe. Ba kpo hweera kon te bɛlbwa. Gɛ Korowii Israel tena aa dɛ tomɔ aa doo laanee o ɛ.

Josua 11:11

Ba kpo nomɛlbwa waa lɔ bwɛɛ la ta, bɛlbwa ta kae, dɛ fuh bwɛɛ la ɡe bwa.

Josua 11:13

Josua ta ɡelɛ ba fuh bwɛjena aa lɔ deŋɡarere ta la bɛlbwa, nemenɛ Hasɔ ɡbo.

Josua 11:15

Gɛ Korowii aa do o bonɔɔ Mosis la, ɡɛɛ Mosis ɡe do Josua, asɛ o teŋɛ a ta. O ɛ waa Korowii aa do Mosis la bwa.

Josua 8:2

Gɛ haa chɔɡ Jeriko ne o kooro la, he ka ɛ Ai ɡe ɡɛ. Kɛ laala ne kondɛɛra te, he bɛ an chɔɡ, hɛɛ won kpɔ a te. He ka sɔh bwɛjen la dahara dɛ́ chɔ kpaa ba.”

Josua 8:27

Kondɛɛra ne laala aa ka laa la ta te, Israel tena kaa ane, ɡɛ Korowii aa do Josua la.