Josua 11:12 - mzwDBL

¹² Josua yo a ɡɛ bwɛjena nɔ bwa ne a koranar, dɛ kpo nɛra baa lɔ a ta bwa, ɡɛ Korowii bonɔɔ Mosis aa doo la.

Josua 11:12 Iomraidhean Croise

Mmarare 7:2

Dɛ Korowii laa nɔn kpɔ ba nɛɛ dɛ ɡel he pɔ ba nɛ aa, a chɛ kɛŋɔ hé kpoo ba kwaraa. Hé ne ba bɛ fɔo fɔwɛ, he bɛ ba sum ɡe na.

Mmarare 9:3

Kɛ he te, hé jemɛ kpela kɛŋɔ fini Korowii haa dɛ tomɔ laanee dɛ́ tɔ he sie le moo la baŋ. O do kɛŋɔ nii naa dɛ chɔɡ kwaa la, dɛ́ pɔ ba nɛ. Hɛ́ɛ doŋ baa le, dɛ́ kpoo ba warane ɡɛ waa baɡɛ heyaa nyoa la.

Josua 10:20

Josua ne Israel tena la kpoo nɛra la ɡalɡa bwa. Tamaa kenii baa ka dɛ won tel ba bwɛjena baa ma danjwɛkpeɡa bara ta.

Josua 10:28

Awola tɔpere la, Makeda bwɛdaa do kɛŋɔ jahal ken Josua nɔn ta. O ne o laa tena kpoo bela kooro ne nɛra baa lɔ bwɛjen la ta bwa, o ta nɛn ɡelɛ. Gɛ waa ɛ bwɛjen Jeriko kooro laanee o ɛ Makeda kooro ɡe.

Josua 10:30

Korowii cheɡɛ Josua ne o laa tena mun ta, dɛ kpɔ bwɛjen la ne o kooro do ba nɔn ta. Ba kpoo nɛra baa lɔ o ta bwa, nomɛlbwa ta kae. Gɛ baa ɛ bwɛjen Jeriko kooro laanee ba ɛ kooro la ɡe.

Josua 10:32

Tɔpera anɛ habɔɔ la, Korowii laa nɔn kpɔ bwɛjen Lakes tena ne o nɛra bwa nɛ, asɛ Josua ne o laa tena kpoo ba bwa sekwaraa ɡɛ waa ɛ Lebna la.

Josua 10:35

Ba wono ka pɔ bwɛjen Ɛɡlɔn ne o nɛra bwa nɛɛ awola tenten dɛ kpoo ba bwa, dɛ ɛ bela kɛŋɔ baa ɛ Lakes la ken.

Josua 10:37

Ba pɔ ba ɡe nɛɛ dɛ kpoo ba ne ba kooro bwa, dɛ ka yo ba bwɛjeɡre nɛra dɛ kpoo ba bwa, nomɛlbwa ta kae, dɛ ɛ bela kɛŋɔ baa ɛ bwɛjen Ɛɡlɔn la ken.

Josua 11:13

Josua ta ɡelɛ ba fuh bwɛjena aa lɔ deŋɡarere ta la bɛlbwa, nemenɛ Hasɔ ɡbo.

Josua 11:15

Gɛ Korowii aa do o bonɔɔ Mosis la, ɡɛɛ Mosis ɡe do Josua, asɛ o teŋɛ a ta. O ɛ waa Korowii aa do Mosis la bwa.

Josua 13:6

Harɛ aa chɛ kɛ hé ka yo dɛ́ pɔ ba nɛɛ ja laanee Sidon tena harɛ baa soɡe deŋɡarere bwɛɛre ta dɛ do Lɛbanɔn bwejena ne Mesrefɔt Maim harɛ baah ta bwa la. N ɡbaɡba ɛɛ doŋi nɛra la bwaa le he sie, ásɛ he nyiŋi kɛrɛdɛ dɛ́ bɔne harɛ la tɛ Israel tena la, ó ɛ ba kapɛrɛ kon ɡɛ maa ŋɔ he be la,

Josua 21:44

Korowii ɡelɔ ba dɔ deŋnesɔɔhna ɡɛ waa baɡɛ ba naawa nyoa la. Ba dɔma bɛlbwa ta wone che ba sie, dɛkalkɛŋɔ Korowii cha ba ba won dɛɛ pɔ ba dɔma bwa nɛ.

Josua 8:31

ɡɛ Korowii bonɔɔ Mosis aa do Israel tena la. Josua ɡelɔ ba ɛ kon baa dɛ ɛ saraha o ta ɡɛ tenten baa chwera do Mosis Mmara Tɔn la bini. Ba ta buni kon kpɔe sɛh bwea la bɛlbwa. Ba ɛ saraha baa dɛ fuah dɛ kpoo kwaa ɛ deŋnesɔɔhna saraha o ta tɛ Korowii.

Josua 8:8

Hé baa lɛ bwɛjen la tonaa, hé kpaa nii do o ta. Hé no waa maa do heyaa a ta nɔ kɛrɛdɛ.”

Josua 9:24

Asɛ Gebeɔn tena la ŋɔ Josua be ŋɔ, “Nomoa, yan yaa ɛ he bonɔɔna, ya noɔ kɛŋɔ Korowii aa do o bonɔɔ Mosis ŋɔ ó kpɔ harɛ nɔ bwa tɛ he Israel tena, ásɛ dɛ kpoo nɛra baa soɡe o ta bwa le he sie nomanta, ɔmee lawɛ yaa ɡɛ yaa ɛ dɛ́ dɔ ya nyu, a waa ya ɛ ɡɛ la.