Josua 10:6 - mzwDBL

⁶ Belaa Gebeɔn tena den tomɛ nɛra Josua ne o nɛra Israel tena be bela baa baŋre ba tɛnte deene Gelɡal la ŋɔ, “Nomoa, Amɔre harɛ koranar baa lɔ deŋɡarere bwɛɛre ta bwa lɔɔ pɛ, dɛ kpɔ ba laa tena dɛɛ ba ba yo yaa, anomanta, kpɔ he nɛra ba warane dɛ́ ba cha he bonɔɔna, dɛ́ lɛ yaa ta.”

Josua 10:6 Iomraidhean Croise

2 Koranar 4:24

Ate, o pa kwaa pa keeɡo la ta dɛ ŋɔ o bonɔɔ la be ŋɔ, “Dɛɛ kaa warawara, nemenɛ n ŋɔ he be ŋɔ hɛɛ kaa tama tama.”

Yela 125:2

Gɛ bwejena aa bar Jerusalam dɛɛ tɔɔ ɡbemɡbe la, ɡɛɛ Korowii bar o nɛra cheme fini ne tɔpere bɛlbwa.

Aesaya 33:22

Korowiirii dɛ́ bol ya wa, onee do Mmarare dɛɛ tɛ yaa, dɛ́ ɛ ya kooro. Onee dɛ́ lɛ yaa.

Nɛra Kura 13:29

Amalɛk tena soɡe Nɛɡɛv pua hɛŋle ɡbo harɛ, Hiti ne Jebus dɛ Amɔre tena so deŋɡarere harɛ ta, asɛ Keenan tena ɡe so bɛne Mɛdetereenea Mpo ne Jɔɔdan Moo nyoa.”

Amanesoma Luk Aa Chwera Tɔn 1:39

A ɡɛ waa nɔ ta la, Mɛɛre iro dɛ kpɔ yɔra chiɡ ŋwɛnɛ ta ka le Juda deŋɡarere harɛ bobɛl dɛ kaa Sekaria bwɛ,

Mmarare 1:15

Anee n kpɔ wejerema ne nɛra baa dɛ no waa mun ba waa dɔ nyɛl dɛ le dea bɛlbwa bini, dɛ kpɔ ba chɔ he nyoa. Bane chɔ nɛra kaɡboŋa nyoo, bane chɔ lafare nyoo, bane ɡe chɔ fifraanunue nyoo, asɛ bane ɡe chɔ nɛra fifi nyoo. Dɛ le bane ɡe baa nyiŋi deene la bɛlbwa waa ta.

Josua 10:5

Ate, a ɡɛ Amɔre koranar banue baa le Jerusalam ne Hɛbrɔn ne Jaamut ne Lakes dɛ Ɛɡlɔn la kpɔ ba laa tena dɛ ka bar bwɛjen Gebeɔn dɛɛ ba ba yoi.

Josua 10:7

Ate, Josua kpɔ o laa tena bwa, banɔ la baa jemɛ yoi kɛrɛdɛ dɛ le Gelɡal.

Josua 21:11

Bwɛjen Kiriat Aaba waa lɔ Juda dea deŋɡarere harɛ ta, ne ba kondɛɛra dibɔraa Israel tena kpɔ tɛɛ ba. Anak nabaa sɔne Aaba.

Josua 5:10

Israel tena kaa baŋre ba tɛnte deene dɛ so Gelɡal, o bɛne bwɛjen Jeriko harɛ waa chɔa kaa ta. Dɛ ba dɔ Galekaa Tɔpejen dɛɛ ba dii korobie la tɔpera fi dɛ anaarɛ ta jɔmɔra.

Josua 9:15

Asɛ Josua ne Gebeɔn tena la fɔwɛ darame fɔo kɛŋɔ waa ban kpoo, asɛ Israel nomonome la ɡe ŋwɛɛ ntam dawɛ waa la ta.

Josua 9:6

Belaa nɛra la la Josua ne Israel tena la be bela baa baŋre ba tɛnte deene Gelɡal. Ate, Gebeɔn tena la ka ŋɔ ba be ŋɔ, “Ya le bojaŋ harɛ bɛl ta, ya dɛ nyin kɛ ya ne he fɔwɛ darame fɔo.”

Josua 9:8

Anee Gebeɔn tena la chaŋe ŋɔ, “Kɛ he bonɔɔnaa yaa ɔ?” Asɛ Josua bɔɔ ba ŋɔ, “Nɛmbesooree heya ɔ? Leperaa he leɔ?”