Josua 10:39 - mzwDBL

³⁹ Ba pɔ bwɛjen Debir kooro ne o nɛra bwa nɛ, dɛ ka yo bela bwɛjeɡre bwa dɛ kpoo a nɛra bwa kwaraa, nomɛlbwa ta kae. Gɛ baa ɛ bwɛjen Debir ne o kooro la, ɡɛ tentenee ba ɛ Hɛbrɔn ne Lebna koranar ɡe.

Josua 10:39 Iomraidhean Croise

2 Koranar 10:11

Kooro Jehu kpoo Kooro Ahab dem nɛra baa kaa dɛ do Jesreel bwa, ne o nomonjena ne o daamanar dɛ voɡra bwa. O ta o nomɛlbwa ɡelɛ.

Obadia 1:18

Jekɔb ne Josef nɛra ɛɛ doo kɛŋɔ nii, dɛ́ chɔɡ Esɔ dea bii ɡɛ nii yon dɛɛ fuh haahra la. Esɔ naanar bini bɛlbwa aa kae ba. Men Korowiirii bola.

Mmarare 3:3

Gɛɛ Korowii kpɔ Kooro Ɔɡ ne o nɛra do ya nɔn ta. Asɛ ya kpoo ba bwa nɛmbeŋkpoŋ ɡba ta kae.

Josua 10:33

Ba yoi la ta la, Horam waa ɛ bwɛjen Gɛsa kooro kpɔ o laa tena dɛ ba cha Lakes tena, kɛ ane a bwa, Josua ne o laa tena wono pɔ o ne o laa tena nɛ dɛ kpoo ba bwa, nomɛlbwa ta kae.

Josua 10:37

Ba pɔ ba ɡe nɛɛ dɛ kpoo ba ne ba kooro bwa, dɛ ka yo ba bwɛjeɡre nɛra dɛ kpoo ba bwa, nomɛlbwa ta kae, dɛ ɛ bela kɛŋɔ baa ɛ bwɛjen Ɛɡlɔn la ken.

Josua 10:38

Josua ne o laa tena la berɔ laa berɛ dɛ ba yo bwɛjen Debir tena ɡe.

Josua 10:40

Josua pɔ harɛre la bwa nɛ, bwɛɛre aa lɔ deŋɡarere ta ne Nɛɡɛv, ne anɔ la aa lɔ wee cholibɔr, ne anɔ la aa lɔ mpo nyoa pua hɛŋle ɡbo harɛ ta, ne anɔ la aa chɔ bwea lɔɡre ne a koranar bwa. Nomɛlbwa ta o nyu dɔe. Ba kpo hweera kon te bɛlbwa. Gɛ Korowii Israel tena aa dɛ tomɔ aa doo laanee o ɛ.

Josua 11:8

asɛ Korowii den kpɔ ba do Israel tena nɔn ta. Ba pɔ ba nɛɛ dɛ ti ba ka le weekaŋle nyundua bwɛjena ane baa dɛ yera Sidon ne Mesrefɔt Maim, ne wee leebɔr ka le Mispa Fɛlembɔjen ta, hale ba bini beŋkpoŋ kwaraa ta kae.

Josua 12:13

Debir ne Gɛda koranar,

1 Samoɛl 15:3

Hé kaa taraken dɛ́ ka yo Amalɛk tena la, dɛ́ chɔɡ kwaa baa dɔa bwa kwaraa. He bɛ ba sum na, hé kpoo baala ne haahna, ne bechale ne bechasɔɔhne, ne nae ne peera dɛ ba nyoɡmare ne keeɡore bwa.’ ”

1 Samoɛl 15:8

O lawɛ Amalɛk tena Kooro Aɡaɡ nɔn ne, dɛ kpoo o nɛra baa kaa la bwa ɡe.