Josua 10:30 - mzwDBL

³⁰ Korowii cheɡɛ Josua ne o laa tena mun ta, dɛ kpɔ bwɛjen la ne o kooro do ba nɔn ta. Ba kpoo nɛra baa lɔ o ta bwa, nomɛlbwa ta kae. Gɛ baa ɛ bwɛjen Jeriko kooro laanee ba ɛ kooro la ɡe.

Josua 10:30 Iomraidhean Croise

2 Koranar 10:11

Kooro Jehu kpoo Kooro Ahab dem nɛra baa kaa dɛ do Jesreel bwa, ne o nomonjena ne o daamanar dɛ voɡra bwa. O ta o nomɛlbwa ɡelɛ.

Nɛra Kura 32:22

dɛ Korowii sɔɔh harɛ la nɛra kpeɡri nyoa mɔɔ he laa berɛ aa, dɛ he ɛ waa aa wera tɛ Korowii ne Israel tena, dɛ Korowii sɛoh kɛ harɛ la ɛ he kon.

Mmarare 2:33

Asɛ Korowii yaa dɛ tomɔ laa nɔn kpɔ o nɛɛ ya kpoo o ne o bibaala ne nɛra baa ja o nɛɛ la bwa.

Mmarare 7:2

Dɛ Korowii laa nɔn kpɔ ba nɛɛ dɛ ɡel he pɔ ba nɛ aa, a chɛ kɛŋɔ hé kpoo ba kwaraa. Hé ne ba bɛ fɔo fɔwɛ, he bɛ ba sum ɡe na.

Josua 10:28

Awola tɔpere la, Makeda bwɛdaa do kɛŋɔ jahal ken Josua nɔn ta. O ne o laa tena kpoo bela kooro ne nɛra baa lɔ bwɛjen la ta bwa, o ta nɛn ɡelɛ. Gɛ waa ɛ bwɛjen Jeriko kooro laanee o ɛ Makeda kooro ɡe.

Josua 10:29

Ate, Josua ne o laa tena kpɔ le Makeda, dɛ ka pu bwɛjen Lebna dɛ ka yo nɛra baa lɔ o ɡe ta.

Josua 10:31

Josua ne o laa tena berɔ kpɔ le Lebna ɡe, dɛ kpɔ ka pu bwɛjen Lakes tena, dɛ ka bar ba dɛ yoo ba.

Josua 11:12

Josua yo a ɡɛ bwɛjena nɔ bwa ne a koranar, dɛ kpo nɛra baa lɔ a ta bwa, ɡɛ Korowii bonɔɔ Mosis aa doo la.

Josua 12:15

Lebna ne Adulam koranar,

Josua 8:24

Israel tena aa ti bwɛjen Ai tena dɛ ka kpoo ba kooni ne pua hɛŋle ɡbo harɛ ta tonɛ la, ba berɔ la bwɛjen Ai ta ɡe dɛ ka kpoo nɛra baa ka o bini bwa.

Josua 8:29

O ɡelɔ ba saɡɛ bwɛjen Ai kooro daa ta, ka tel jɔmɔra. Wee aa baa jo la, o ɡelɔ ba fooru dɛ kpɔɔ ka ta Ai doonyojen baa cheɡɛ o ta dɛɛ jo bwɛɛ la ta la. Ba pa bwea dawɛ o nɛɛ a daŋɛ, dɛ ta chɔ bela ba le fini.

Josua 9:3

Gebeɔn tena aa no ɡɛ Josua ne Israel tena aa ɛ bwɛjena Jeriko ne Ai la,