Josua 10:27 - mzwDBL

²⁷ Wee aa dɛ ba joe la, o ɡelɔ ba ka laa ba kpɔ le daa baa saɡre a ta la ta, dɛ paa ba ka ta bwebɔɔ ba fa aa chwaa ka sɔh o bini la bini. Bwea baa ɡbila tɔ bwebɔɔ la nyoa kan kɛrɛdɛ dɛ ta tɔ o nyoa ba le fini.

Josua 10:27 Iomraidhean Croise

2 Samoɛl 18:17

Ba kpɔ Absalɔm chɔɔ la ta bɔluŋ bɛl bini kɔr la bini, dɛ pa bwea dawɛ o nɛ a daŋɛ kohona. Asɛ Israel tena la bwa chwa kaa ba deremi.

Josua 4:9

Josua ɡe kaa kpɔ bwefala fi dɛ anɛ Jɔɔdan Moo la nenabɔɔ baah ta, dɛ kpɔ paaɡe bela sɔfore baa cheɡɛ Korowii Ne Nɛwɛnyina Fɔo Daka la fa aa cheɡa la. A ta cheɡɛ bela ba le fini.

Josua 7:26

Ba pa bwea dawɛ Akan nɛɛ a daŋɛ kohona, a ta chɔ le ba le fini. Asɛ Korowii baah waa dia kohona la sɔɔh. A waa baa yerɛ bela Akɔ Fɛlembɔjen saŋ la bwa ba le fini la.

Josua 8:29

O ɡelɔ ba saɡɛ bwɛjen Ai kooro daa ta, ka tel jɔmɔra. Wee aa baa jo la, o ɡelɔ ba fooru dɛ kpɔɔ ka ta Ai doonyojen baa cheɡɛ o ta dɛɛ jo bwɛɛ la ta la. Ba pa bwea dawɛ o nɛɛ a daŋɛ, dɛ ta chɔ bela ba le fini.