Josua 10:24 - mzwDBL

²⁴ Baa laɡ ba le ba tɛ Josua la, o yerɛ Israel tena la ne laa nomonome la bwa cheme, asɛ dɛ ŋɔ nomonome la be ŋɔ, “Hé kpɔ he nakpale ɛɡre a ɡɛ koranar nɔ baŋare ta.” Ate, koranar la le dɛ ba chɔ harɛ, ba kpɔ ba nakpale ɛɡre ba baŋare ta.

Josua 10:24 Iomraidhean Croise

2 Samoɛl 22:39

N kpoo ba bil, baa wola won ir, n pɔ ba nɛɛ ba serewe chɔ n sie.

2 Samoɛl 22:41

He ɡelɔ n dɔma chwa le n sie, n kpoo ba.

Yela 107:40

Korowii siwi ta ba nɛra baa dɛ fiɡ ba la sui, a ɡel ba do pua hɛŋle ɡbo harɛ ta, bela ŋwɛnɛre aa wola toole dɛɛ ɡaaɡe.

Yela 110:1

N Naa Korowii ŋɔ n Dɔɔ be ŋɔ, so nomombɔr n diɡ ta, ka tel kɛŋɔ maa ba he dɔma ne harɛ he tiɡri ba nɛ.

Yela 110:5

Korowii ɛɛ che he mun taa, o baah diu waa, wɛɛ yo koranaree dɛ́ pɔ ba nɛ.

Yela 18:40

He ɡelɔ n dɔma berɛ habɔɔ, dɛ chwa le n sie, asɛ nɛra baa hah mɛ la, n kpoo ba.

Yela 91:13

Hɛɛ tiɡri nyujentena ne harɛkwaare nɛɛ, nyujentena aa ɔma ne domkpuli nɛɛ.

Aesaya 51:23

Mɛɛ kpɔɔ do nɛra baa dɛ fiiɡi heyaa la nɔn ta. Banee yon ŋɔ, ‘Hé chɔ harɛ, ásɛ ya valɛ he nyaŋ ta.’ He chɔ harɛ ba kpɔ he nyaŋ berɛ ŋwɛnɛ dɛɛ tiɡri he nɛ.”

Malakae 4:3

Awola tɔpere maa ba ɛ ɡɛ waa nɔ la, hɛ́ɛ tiɡri nyubinikpeɡ tenaa do harɛ kɛŋɔ tɔɔ.

Tɔn Pɔɔl Aa Chwerɛ Rom Tena 16:20

Korowii waa dɛ tɛ yaa deŋnesɔɔhna la aa biɡri chɔɡ Bɔnsam ne o toma, ásɛ he tiɡri o nɛ. Yá Dɔɔ Yeesu Kristo cha heya.

Mmarare 33:29

Israel tena, he na som to. Nomɛlbwa ta heyaa tele, he ɛ nɛra Korowii aa lɛ heya. O ɡbaɡbaa he ɡbemɡbe ne he tokobi. Onee dɛ́ lɛ heya dɛ́ ɡel he yo le. He dɔma ɛɛ ba ɡuŋi he siee, dɛɛ soŋe ŋɔ he sune ba nɛ, ásɛ he tiɡri ba nɛ.’ ”

Hibru 1:13

Korowii ta nyundua toroma la bɛlbwa be ŋɔe ŋɔ, “So nomombɔr n diɡ ta ka tel kɛŋɔ maa ba he dɔma ne harɛ he tiɡri ba nɛ.”

Sitɔɔla 8:20

Anee o ŋɔ o bibaa nomoa baa dɛ yerɔ Jɛta be ŋɔ, “Kpoo ba.” Kɛ bie la ta o kere kpɔe a ba ɛ kɛŋɔ wɛɛ kpoo baa. O ɛ bechala dɛɛ ɔmɛ.