Josua 10:16 - mzwDBL

¹⁶ Gɛ saŋ la, Amɔre koranar banue la chwao ka sɔh Makeda bwebɔɔ bɛl bini.

Josua 10:16 Iomraidhean Croise

Yela 68:12

“Koranar ne ba laa tena chwao le dɛɛ kaa!” Haahna baa ka dem la kpɔ laala baa kpɔa laa ta la bɔne dɔŋa.

Yela 68:13

Nɛra baa kaa dɛ do bela dɛɛ daah peera la, dɔ suuɡapoŋa baa kpɔa dawɛ kwehre kena ta. Suuɡaswɛm dawɛ a kena nyoo dɛɛ nyɛɡle.

Emɔs 9:2

Hale ba kwi bɔɔ ka le lalabwɛɛ kwaraa naa, mɛɛ ta nɔnee laɡ ba. Ba teehnɔ ir kaa nyundua ɡe kwaraa naa, mɛɛ le ba ne belaa ba harɛ.

Maeka 7:17

Baa di teeraa kɛŋɔ harɛkon, kɛŋɔ kwaa aa dɛ tuuɡi tea ta ken. Baa le ba dekpeɡa taa bochela ne ɔmee ne, dɛ́ berɛ ba hen Korowii yaa dɛ tomɛ sie.

Josua 10:15

Laa la aa tona la, Josua ne o laa tena bwa berɔ kaa Gelɡal bela baa baŋre ba tɛnte deene dɛ so la.

Josua 10:17

Dɛ Josua noɔ kɛŋɔ ba ŋɔ koranar banue la chwao ka sɔh bwebɔɔ bini Makeda,

Josua 10:5

Ate, a ɡɛ Amɔre koranar banue baa le Jerusalam ne Hɛbrɔn ne Jaamut ne Lakes dɛ Ɛɡlɔn la kpɔ ba laa tena dɛ ka bar bwɛjen Gebeɔn dɛɛ ba ba yoi.

Wepila 6:15

Harɛ koranar ne nɛnjena, ne soojare nomonome, ne dɔɔhna, ne bokpeɡa tena, ne nɛn te bɛlbwa, banɔ la baa ɛ yoma, dɛ banɔ la baa wola yoma ɛɛ bwa chwa ka sɔh bwebɔɔne ne bwetala aa lɔ bwejena ta lɔɡre,

Sitɔɔla 6:2

Midian tena nyu bini aa baa do kpeɡri Israel tena nɛɛ kohona la, ba chwao kaa bwejena bɔɔne bini ne bela baa wola ban na, dɛ kpɔ bela berɛ deene dɛ so a bini.

1 Samoɛl 13:6

Israel laa tena la aa naa kɛŋɔ a kpeɡri tɛɛ ba name la, ba chwao ka sɔh bwebɔɔne ne sɔɔhne bini, ne bwea ne bɔɔne dɛ kɔlɔŋa bini dɛ́ lɛ ba nyuune.

1 Samoɛl 24:3

Kooro Sɔɔl baa tel peera leɡa ane aa lɔ ŋwɛnɛ la nyoa bwebɔɔ bɛl bɔr, asɛ o jo o bini ka kwaa o te. Dɛ Devid ɡe ne o nɛra lɔ bwebɔɔ la jaɡa.

1 Samoɛl 24:8

Belaa Devid ɡe le bwebɔɔ la bini dɛ yerɛ Kooro Sɔɔl ŋɔ, “N naa kooro.” Kooro Sɔɔl aa kea nyiŋu la, Devid ɡure nyu su, dɛ kpɔ sie pi harɛ.