Josua 10:10 - mzwDBL

¹⁰ Ate, Korowii den ɡel Amɔre tena la wili Israel laa tena la sie, asɛ ba pɔ ba nɛɛ kohona dɛ kpoo ba Gebeɔn. Israel tena ti ba kaa bwɛɛ Bɛt Hɔrɔn ŋwɛnɛ ta, dɛ teŋɛ kpoo ba kaa bwɛɛre Aseka ne Makeda.

Josua 10:10 Iomraidhean Croise

2 Samoɛl 22:15

O ɡelɔ bwaala nyɛɡle dɛ lɔ o dɔma peɡre, a do kɛŋɔ waa ta hɛma do ba bini ken.

1 Koranar 9:17

Kooro Solomɔn kwaarɔ vɔrɔwe Gɛsa, dɛ kwaa vɔrɔwe Bɛt Hɔrɔn harɛbɔr pera,

2 Webena 14:12

Korowii cha Kooro Asa ne Juda laa tena, asɛ ba pɔ Itiopia tena la nɛ. Ba chwao,

2 Webena 25:13

Israel laa tena Kooro Amasea aa ɡela ba berɛ kaa ŋɔ ba bɛ o nɛɛ teŋɛ la laa la ta la, kaa lɔ tɔ Juda bwɛjena ta, le Samaria kaa Bɛt Hɔrɔn, dɛ kpoo nɛra kaɡboŋa batoro, dɛ pa laala aa wara le bela kaa.

Yela 18:14

O ta o hɛma, o dɔma peɡre, o ɡelɔ bwaala nyɛɡle kohona, ba chwa kaa.

Yela 44:3

Ba tokobie ne laa ba yo lɛ harɛ la, kɛɛ ba ɡbaɡba bokpeɡa ne laa, he ɡbabir kpeɡri nee, dɛkalkɛ he baɡ ba nyoa ŋɔ, he ja ba nɛ, dɛɛ nyin ba.

Yela 68:14

Korowii Waa Ɛ Kpeɡri Bwa Dɔɔ aa lɔ koranar peɡre harɛ la ta la, a do kɛŋɔ dombwea aa lee Salmɔn Bwejen ta ken.

Yela 78:55

O tɔ sie doŋi nɛra baa soɡe harɛ la ta, dɛ bɔne harɛ la denaa ta tɛ Israel tena, dɛ kpɔ ba ka so ba deene la ta.

Aesaya 28:21

Korowii ɛɛ iruu, dɛ́ ɛ ɡɛ o fa aa ɛa Pɛrasem Bwejen ta la, dɛ ɛ ɡɛ tenten Gebeɔn Fɛlembɔjen ta, ásɛ dɛ ɛ o toma aa ɛ wefala yaa wola a dɔŋa nae bwa, dɛ́ ɛ nyokpowa.

Aesaya 30:30

Korowii ɛɛ ɡeloo nɛra no o taa, dɛ́ jemɛ ɡɛ waa do kan, dɛ́ ɡel ba na o bandia waa dɛ́ ba o ne, dɛ́ ba tɛr ba deŋne. Bandichɔɡe ne nii aa dɛ chɔɡ kwa, ne bwaalachɔɡe ne peu, ne bwaala kɔɡra dɛ dombwea nee wɛɛ ba bala.

Jeremia 34:7

ɡɛ saŋ Babelɔn kooro laa tena aa dɛ yo bwɛjen Jerusalam la. Dɛ laa tena la dɛ yo bwɛjena Lakes ne Aseka ɡe, dɛ a ɡboo ka bwɛjena baa ma danjwɛkpeɡa bara Juda harɛ ta.

Sekaria 14:3

Korowii ɛɛ leo, dɛ́ ka yo a ɡɛ harɛre la nɛra ɡɛ waa dɛ yo saŋ la.

Mmarare 7:23

Korowii haa dɛ tomɔ nɔ ɛɛ laa nɔnee kpɔ ba nɛɛ dɛ́ ɡel ba wili, ásɛ he kpoo ba bwa.

Josua 10:11

Amɔre tena la aa chwaa tɔ Israel tena laa tena sie dɛ ka tel Bɛt Hɔrɔn dɛɛ kaa Aseka la, Korowii ɡelɔ dombwea lee ba nɛɛ kohona asɛ ba ɡalɡa bwa serewe ɡwaa ɡɛ Israel tena la aa kpoo ba la kwara.

Josua 10:28

Awola tɔpere la, Makeda bwɛdaa do kɛŋɔ jahal ken Josua nɔn ta. O ne o laa tena kpoo bela kooro ne nɛra baa lɔ bwɛjen la ta bwa, o ta nɛn ɡelɛ. Gɛ waa ɛ bwɛjen Jeriko kooro laanee o ɛ Makeda kooro ɡe.

Josua 10:9

Josua ne o laa tena valɔ jwaana la ne bwa le Gelɡal ba bwɛjen Gebeɔn ta, dɛ ka piɡri Amɔre tena bela baa soɡa, dɛ yoo ba.

Josua 11:8

asɛ Korowii den kpɔ ba do Israel tena nɔn ta. Ba pɔ ba nɛɛ dɛ ti ba ka le weekaŋle nyundua bwɛjena ane baa dɛ yera Sidon ne Mesrefɔt Maim, ne wee leebɔr ka le Mispa Fɛlembɔjen ta, hale ba bini beŋkpoŋ kwaraa ta kae.

Josua 12:16

Makeda ne Bɛtel koranar,

Josua 15:35

ne Jaamut ne Adulam ne Soko dɛ Aseka,

Josua 15:41

ne Gɛdɛrɔt ne Bɛt Daɡɔn ne Naama dɛ Makeda. A lɔ bwɛjena fi dɛ anumɛl, a ne a bwɛjeɡre bwa.

Josua 16:3

dɛ berɛ wili kpɔ wee cholibɔr Jaflɛt tena harɛ ta, dɛ kaa Bɛt Hɔrɔn harɛbɔr, dɛ kaa ka jaɡɛ Mɛdetereenea Mpo nyoa Gɛsa.

Josua 16:5

Harɛ Efrem dea tena aa dɔa lolanar ta laanee nɔ. Ba harɛ baa dɔa o ɛ ba kapɛrɛ kon la jwɛh le bwɛjen Atarɔt Adaa wee leebɔr dɛ kaa Bɛt Hɔrɔn harɛ nyunduabɔr,

Josua 21:22

ne Kebsaim ne Bɛt Hɔrɔn, dɛ a kondɛɛra dibɔra.

Sitɔɔla 4:15

Barak aa dɛ tel Sisera be la, Korowii yoo tɛ Israel tena ba pɔ Sisera ne kwaa aa do kɛ torɔɡo ba vɔwɛ dɛɛ pɛla la bwa, ne o laa tena nɛɛ ba wili, asɛ Sisera tu le o bune kon waa do kɛ torɔɡo ba vɔwɛ pɛl jaaɡɔ la dɛ kpɔ nakpale ta chwa kaa.

Sitɔɔla 4:16

Kɛ Barak ti kwaa aa do kɛ torɔɡore la ne laa tena la ka tel Harɔsɛt Haɡoyim. Ba kpoo Sisera laa tena la bwa kere ne, beŋkpoŋ kwaraa ta kae.

Sitɔɔla 5:20

Hale weweela kwara aa lɔ nyundua, iro dɛɛ yo Sisera.

1 Samoɛl 13:18

Bɛl ɡe kpɔ sie pa wee cholibɔr Bɛt Hɔrɔn pera. Banɔ la baa kaa la ɡe kpɔ sie chaɡɛ wee leebɔr pua hɛŋle ɡbo harɛ jwɛh ta, asɛ Seboim Fɛlembɔjen la sie chaɡɛ bela.

1 Samoɛl 17:1

A balɔ kɛŋɔ Filisti tena lawɛ ba laa tena cheme Soko waa lɔ Juda harɛ ta. Ba kaa baŋre ba tɛnte deene bobɛl baa dɛ yerɔ Efes Damim, o lɔ Soko ne Aseka baah ta.