Josua 1:9 - mzwDBL

⁹ Bɛ soh kɛŋɔ maa ŋɔ he be ŋɔ he che kiŋkiŋ dɛ́ dɔ bambile la! Bɛ ɔmɛ, bɛ ɡel he bwara ɡe yɔr. Men, Korowii haa dɛ tom mɛ la, n teŋɛ he nɛɛ bobɛlbwa haa kaa.”

Josua 1:9 Iomraidhean Croise

Mumpar 28:15

Berɛ lii kɛŋɔ mɛɛ teŋɛ he nɛɛ, dɛ́ tɔ he nɛɛ bobɛlbwa haa dɛ ba kaala, dɛ́ berɛ ba he ne harɛ nɔ ta ja. Maa hen ta bwa, nemenɛ n ɛ waa maa baɡɛ nyoa la.”

Mumpar 39:2

Korowii teŋɛ Josef nɛ, anomanta, o ɡelɔ o wobɛlbwa do wer tɛo asɛ o so nomoa la dem.

Mumpar 39:3

O nomoa la ɡe nao kɛŋɔ Korowii teŋɛ o nɛ dɛ ɡel o wobɛlbwa do wer tɛo.

2 Samoɛl 13:28

dɛ ŋɔ o bonɔɔna be ŋɔ, “Hé ɡel he sie do Amnɔn be ɡɛ saŋ waa nyɔ sen dɛ dɛɛ la, mɛɛ lɔ sie he bee, ásɛ he kpoo. Hé te bɛ ɔmɛ. Mɛɛ lɛ wobɛlbwaa dawɛ n nɛ. He bɛ ɔmɛ, dɛ́ che kiŋkiŋ.”

1 Webena 28:20

Kooro Devid berɔ ŋɔ o bie Solomɔn be ŋɔ, “Dɔ bambile dɛ́ che kiŋkiŋ, dɛ́ ɛ toma la. Dɛɛ berɛ ɔma, Korowii maa dɛ tomɛ la ja he nɛ. Waa he habɔɔ le bwa ka tel kɛŋɔ Dea la toma bɛlbwa aa tona.

2 Webena 15:7

Kɛ he Juda tena te, hé che kiŋkiŋ, dɛ bɛ ɡel he bwara hwah, hɛɛ dɔ he kembɔree le teŋa haa dɛ teŋɛ Korowii nɛɛ la ta.”

Yela 46:7

Korowii waa ɛ Koranar Bwa Kooro ja ya nɛ, Korowii Jekɔb aa tomɔ laanee do kɛ danjwɛkpeɡ, ya chwa kaa marɔ.

Aesaya 41:10

Anomanta, he bɛ ɔmɛ, n ja he nɛ. He bɛ ɡel he bambile chɔɡ, menee Korowii haa dɛ tom mɛ. Mɛɛ tɛ heyaa bokpeɡaa, dɛ́ cha heya. Mɛɛ kpɔ nɔnee tɔ he nɛ, dɛ́ lɛ heya.

Aesaya 43:1

Israel tena, Korowii waa ta heya la ŋɔ, “He bɛ ɔmɛ. Menee lɛ heyaa ta, n yerɛ he sɔn dɛ le heyaa tɛ n te. Men dɔ heya.

Aesaya 43:5

He bɛ ɔmɛ, n ja he nɛ. Mɛɛ kpɔ he nɛra baa lɔ wee leebɔree ba, dɛ́ berɛ kpɔ banɔ la baa lɔ wee cholibɔr la ɡe ba ja he nɛ.

Aesaya 8:12

“Bɛ vɔrɔwa bwa nɛra aa bol a waa he be la ta no, dɛ bɛ waa baa dɛ ɔma la dɛɛ ɔmɛ.

Daneɛl 10:19

O ŋɔ n be ŋɔ, “Korowii dɛ nyini, anomanta, dɛɛ berɛ ɔma, bɛ ɡel wobɛlbwa hae ɡe.” Waa bol waa nɔ n be la, n berɔ dɔ bokpeɡa, asɛ n ŋɔ o be ŋɔ, “Nomoa, bol waa bwa haa dɛ nyin kɛ he bol, taraken te he ɡelɔ n dɔ bokpeɡa.”

Haɡae 2:4

He bɛlbwa bɛ ɡel o bwara yɔr, hé ɛ toma la, n ja he nɛ.

Haɡae 2:5

Haa le Ijipt harɛ ta la, n baɡɛ heyaa nyoa ŋɔ mɛɛ ja he nɛɛ saŋ bɛlbwaa. N ta ja he nɛ, he bɛ ɔmɛ.”

We-ɛɛla 4:19

Anee Pita ne Jɔn chaŋe ŋɔ, “Hé ɡbabir di kasinteŋ. He ɔma ne Korowii ɔma, amee maɡra Korowii be nɔ?

Mmarare 1:21

Hé na, Korowii kpɔ harɛ la do he nɔn ta. Hé teeh ka kpɔ, ɡɛ Korowii he naawa aa tomɔ aa ŋɔ he be la. He bɛ ɔmɛ, he bɛ ɡel he bambile chɔɡ.’

Mmarare 20:1

Mosis berɔ ŋɔ, “Dɛ he kaa cheme he dɔma laa ta, asɛ dɛ na kɛŋɔ dɔma la torɔɡore baa vɔwɛ jaɡre pɛla la warɔ ɡwaa heya aa, he bɛ ban ɔmɛ. Dɛkalkɛŋɔ Korowii haa dɛ tomɔ o le he ne Ijipt harɛ ta la ɛɛ che he mun taa.

Mmarare 31:23

Josua mɛɛ sɔne Nun. Korowii ŋɔ, “Josua, che kiŋkiŋ, bɛ ɔmɛ. Mɛɛ ja he nɛɛ dɛ́ ɡel he tɔ Israel tena sie, dɛ́ kpɔ ba kaa harɛ maa baɡ ba nyoa la ta.”

Mmarare 31:28

Anomanta, he yerɛ he deene la nomonome, ne banɔ la baa chɔ he nyoa ba cheme n sie, ásɛ n bol waa nɔ bwa tɛɛ ba, dɛ́ yerɛ nyundua ne harɛ a chɔ dɛ́ ɛ danseɛ.

Josua 1:10

Ate, Josua ŋɔ ba bini nomonome be ŋɔ,

Josua 1:17

Yaa no he nyoa wobolee ɡɛ ya fa aa dɛ no Mosis waa la. Ya dɛ soŋe Korowii kɛŋɔ ó ja he nɛ ɡɛ o fa aa ja Mosis nɛɛ la.

Josua 1:18

Nomɛlbwa waa ɛ deŋnekpeɡ waa wola he waa taa teŋɛ la, kpoe yaa ba o kpoe. He te che kiŋkiŋ, dɔ bambile!”

Josua 10:25

Josua berɛ ŋɔ laa nomonome la be ŋɔ, “Hɛ́ɛ berɛ ɔma, he bɛ ɡel he bambile ɡe chɔɡ. Hé che kiŋkiŋ dɛ́ dɔ bambile. Kenii Korowii ɛɛ ba he dɔma bwa he ne baa dɛ ba yoi ɛɛ.”

Josua 10:8

Belaa Korowii ŋɔ Josua be ŋɔ, “Dɛɛ berɛ ba ɔma, n dɔɔ kpɔ ba do he nɔn ta. Ba bini bɛlbwa toole dɛ́ won che he sie.”

Josua 3:7

Belaa Korowii ŋɔ Josua be ŋɔ, “Finii mɛɛ ba mun pae dɛ́ ɡel Israel tena bwa jemɛ kɛŋɔ henee ba sitɔɔ, ásɛ ba jemɛ kɛrɛdɛ kɛŋɔ n ja he nɛɛ kɛŋɔ n fa aa ja Mosis nɛɛ la.”

Josua 6:27

Gɛɛ Korowii ja Josua nɛ dɛ ɡel o sɔn le harɛ la ta bwa.

Josua 8:1

Korowii berɔ ŋɔ Josua be ŋɔ, “Dɛɛ berɛ ɔma, bɛ ɡel he bwara yɔr. Kpɔ he laa tena bwa dɛ́ ka pu Ai tena yo. N kpɔ ba kooro ne o nɛra ne bwɛjen la dɛ harɛ la bwa do he nɔn ta.

Sitɔɔla 6:14

Belaa Korowii ɡbabir ŋɔ o be ŋɔ, “Gedeɔn, menee dɛɛ tomɛ. Kpɔ bokpeɡa haa dɔa la ka lɛ Israel tena le Midian tena nɔn ta.”

1 Samoɛl 10:7

Gɛ waa nɔ bwa ɛo waa, Korowii ɛɛ ba ja he nɛɛ he ɛ waa waa dɛ nyin kɛ he ɛ.