Josua 1:8 - mzwDBL

⁸ Nyiŋi kɛrɛdɛ dɛ bɛ ɡel waa aa lɔ mmarare tɔn la bini paŋɛ saŋ te bɛlbwa. Dɛɛ kuro chɔɔ ne jwaana dɛ́ nyiŋi kɛŋɔ hɛɛ dɛɛ teŋɛ wobɛlbwa aa lɔ o bini taa. Anee dɛ́ ɡel wobɛlbwa do wer tɛ heya, he won ka so harɛ la ta.

Josua 1:8 Iomraidhean Croise

Mumpar 24:63

Awola jɔmɔra bɛl o leɔ kaa bwɛɛ la dahare dɛɛ kpɔ liire, dɛ ŋɔ o nyiŋi dɛ na nyoɡmare aa dɛ ba.

2 Webena 26:5

O tomɛ Korowii o bambile bwa ne ɡɛ saŋ Korowii keame Sekaria, waa dɛ jao Korowii waa ta taa soɡe le, asɛ Korowii sweero andɛɛɡa.

Yela 119:11

N kpɔ he waa do n bambile bini, dɛ bɛ hen wechɔɡa ɛ.

Yela 119:15

N kpɔ he waa la do n nyu bini, dɛɛ kari a bwa.

Yela 119:97

N Naa Korowii, n dɛ nyin he Mmarare la kɛrɛdɛ, tɔpere bɛlbwaa mɛɛ lii a wa.

Yela 119:99

N dɛ no waa mun ɡwaa nɛra maa hweli waa le ba be, dɛkalkɛ he Mmarare la waa lɔ n nyu bini mɛɛ liira.

Yela 19:14

N Naa Korowii, ɡel n nyoa wobol, ne n liire ɛɛ lɛ he sie, henee n Lɛɛ, dɛ do kɛ Bwetal maa chwaa kaa marɛ.

Yela 40:10

Maa amanesoma aa dɛ lɛ nɛra la kpɔe dɛɛ sɔh n bambile bini, n dɛ bol he kasinteŋ ne he chae waa la. He nɛra chemo warɛ aa, maa nyoa tɔ, he waa aa ɛ kasinteŋ, ne he nyina aa wola jaɡa dɔe la ta.

Sɛɡla 3:1

N bie, bɛ waa maa baɡle nɔ soh, ɡel he liire do waa maa ŋɔa hɛɛ ɛ ta,

Aesaya 59:21

Fɔo n ne haa fɔwɛ laanee kɛŋɔ, ń tɛ he ne he bii ne he naanar n Doma ne n webaɡla, á chɔ le tɛ heyaa saŋ bɛlbwa.”

Matiu 12:35

Nɛndɛɛɡe wedɛɛɡa ɛɛ taa a che baa jemɛ wedɛɛɡa aa lɔ o bambile bini. Gɛɛ ba che nɛnchɔɡe ɡe wechɔɡa ɛɛ ta dɛɛ jemɛ wechɔɡa aa lɔ o bambile bini.

Matiu 28:20

ásɛ dɛ chaɡ ba ŋɔ báa teŋɛ n waa maa chaɡle heyaa la bwa ta. Kasinteŋ, mɛɛ che he habɔɔ, dɛ́ ja he nɛɛ tɔpere te bɛlbwa, dɛ́ ka tel wobɛlbwa jaɡa saŋ.”

Matiu 7:21

Nɛra baa dɛ yer mɛ ‘N Dɔɔ, n Dɔɔ’ la bwa laa dɛɛ ba Korowii Kora la bini dɔe dɛ́ ja, nemenɛ banɔ la baa dɛ ɛ n Mɛɛ waa lɔ nyundua la tetoowa.

Matiu 7:24

Nomɛlbwa waa no n waa nɔ, dɛ ɛ ɡɛ aa dɛ baɡle la, do kɛ wejereme bɛl waa ma o dea chɔŋɛ bwe ta.

Amanesoma Luk Aa Chwera Tɔn 11:28

Anee Yeesu ŋɔ, “Nɛra baa dɛ no Korowii Waa dɛɛ teŋɛ a ta laanee na som.”

Amanesoma Jɔn Aa Chwera Tɔn 13:17

Dɛ he jemɛ ɡɛ waa nɔ dɛɛ ɛa ɡe te naa, hɛɛ na somee.

Amanesoma Jɔn Aa Chwera Tɔn 14:21

Nomɛlbwa waa lɛ n waa maa kpɔa tɛ heyaa dɛɛ teŋɛ a ta la, onee dɛɛ nyin mɛ. Nomɛlbwa waa dɛ nyin mɛ la, n Mɛɛ la ɛɛ nyinuu, ásɛ n ɡe nyin naate, dɛ́ kpɔ n te baɡlo.”

Ɛfesos 4:29

He bɛ ɡel wedoŋa bɛlbwa ɛɛ le he nyoo, kɛ hé ɡel he wobol ɛ waa aa wera dɛɛ do nɛra ɡbemba waa aa kpoŋ ba ta, dɛ won cha banɔ la baa dɛ noa la.

Mmarare 29:8

dɛ lɛ ba harɛre dɛ bɔne tɛ Rubin ne Gad deene tena, dɛ Manasɛ dea la pera nɛra.

Mmarare 29:9

Anomanta, hé do sie fɔo nɔ ta ásɛ wobɛlbwa haa ɛ la chiɡ heyaa kɛrɛdɛ.”

Mmarare 30:14

Waa la pu heyaa tonɛ. A lɔ he nyoo hɛɛ bola kɛɛ he bambile ta kwara, anomanta, hɛ́ɛ teŋɛ a ta.

Mmarare 31:11

ɡɛ saŋ Israel tena nɔ bwa aa ba cheme bela Korowii aa lea tɛɛ ba ŋɔ baa tomɔ la.

Mmarare 31:24

Mosis chwerɛ Korowii Mmarare la do tɔn ta tonɛ, dɛ nyiŋi kɛrɛdɛ kɛŋɔ o ta wobɛlbwa ɡelɛ.

Mmarare 5:1

Mosis cheme Israel tena bwa dɛ ŋɔ ba be ŋɔ, “Hé no waa maa dɛ ba bola fini nɔ kɛrɛdɛ dɛɛ teŋɛ a ta. A ɛ Korowii Mmarare waa kpɔa tɛ heya.

Mmarare 5:29

Dɛ ba pɛla fe ɛɛ lawɔɔ saŋ bɛlbwa dɛɛ duu mɛ, dɛɛ teŋɛ n waa bwa ta naa, ba ne ba naanar wobɛlbwa fe ɛɛ maɡroo tɛɛ ba.

Mmarare 5:32

Asɛ Mosis ŋɔ ba be ŋɔ, “Hé nyiŋi kɛrɛdɛ dɛɛ ɛ waa Korowii yaa dɛ tomɔ aa dɛ bol he be nɔ. He bɛ sie laa kpɔ a ta.

Kolosi 3:16

Hé ɡel Yeesu Kristo waa la do he bambile bini kɛrɛdɛ hɛ́ɛ baɡle dɔŋa, dɛ́ɛ ja ba wejema bwa ne, dɛ́ ɡo wesoŋa yela ne kpɛɛra yela dɛ́ɛ jam Korowii he bambile bwa.

Josua 1:7

Che kiŋkiŋ, dɔ bambile kohona. Gel he sie chɔ harɛ hɛɛ teŋɛ mmarare la bwa n bonɔɔ Mosis aa kpɔa tɛɛ la ta. Bɛ sie laa kpɔ a ta dɛ́ dɔ kɛrɛdɛ bela bwa haa kaa.

Josua 8:34

A habɔɔ la, Josua kure Mmara la bwa baɡ ba, anɔ la Korowii aa swee andɛɛɡa do a ta, ne anɔ la aa ɛ taahna waa bwa. O kura ɡɛ tenten baa chwera la.

Wepila 22:14

Nɛra baa chɛɡɛ ba laala a do wer la na som, dɛkalkɛŋɔ banee dɛ́ won dɔ Mkpa Daa la nɔna di, dɛ́ won kpɔ doonyoone la ta ba tetoora dɛ́ɛ jo bwɛjen la ta.