Josua 1:5 - mzwDBL

⁵ Korowii berɔ ŋɔ Josua be ŋɔ, “Nomɛlbwa toole dɛ́ won pɔ he nɛɛ wobɛlbwa ta he soɡa bini. Gɛ maa ja Mosis nɛɛ la, ɡɛɛ mɛɛ ba he ɡe nɛɛ jae maa wola habɔɔ le bwa.

Josua 1:5 Iomraidhean Croise

Mumpar 39:2

Korowii teŋɛ Josef nɛ, anomanta, o ɡelɔ o wobɛlbwa do wer tɛo asɛ o so nomoa la dem.

1 Koranar 1:37

Gɛ Korowii aa cheɡɛ hen n naa kooro mun ta la, ó che Solomɔn ɡe mun ta ɡɛ, dɛ́ ɡel o kora do kan ɡwaa n naa Kooro Devid kwara.”

1 Koranar 11:38

Dɛ he noɔ dɛ ɛ waa maa doe a ta bwa, dɛɛ ɛ waa aa toɡra n be, dɛɛ teŋɛ me Mmarare ta kɛŋɔ n bonɔɔ Devid aa ɛa la aa, n fe ɛɛ che he mun taa. Mɛɛ ɡeloo he kora che kiŋkiŋ kɛŋɔ maa ɛa tɛ Kooro Devid la, dɛ́ kpɔ Israel harɛ tɛɛ.

1 Koranar 6:13

Mɛɛ so n nɛra Israel tena baahnee Korowii Dea haa dɛ do nɔ bini, maa ban ta bwa.”

1 Koranar 8:57

Ya dɛ soŋe Korowii yaa dɛ tomɛ kɛ o ja ya nɛɛ ɡɛ o fa aa ja ya naawa nɛɛ la. O bɛ yaa ɡel, o bɛ yaa ta.

1 Webena 28:20

Kooro Devid berɔ ŋɔ o bie Solomɔn be ŋɔ, “Dɔ bambile dɛ́ che kiŋkiŋ, dɛ́ ɛ toma la. Dɛɛ berɛ ɔma, Korowii maa dɛ tomɛ la ja he nɛ. Waa he habɔɔ le bwa ka tel kɛŋɔ Dea la toma bɛlbwa aa tona.

Yela 46:11

Nemenɛ Korowii ja ya nɛ, Korowii Jekɔb aa tomɔ laanee do kɛ danjwɛkpeɡ, ya chwa kaa marɔ.

Kaala 3:12

Asɛ Korowii chaŋo ŋɔ, “Mɛɛ ja he nɛɛ, ásɛ dɛ he baa kpɔ n nɛra le Ijipt harɛ ta ba naa, bá baa tom mɛ bwejen nɔ ta. Anee dɛɛ ba baɡla kɛŋɔ menee tomɛ.”

Aesaya 42:16

Mɛɛ tɔ nyoŋa siee, dɛ́ kpɔ ba kpɔ ŋwɛnɛre baa wola a ta jemɛ ta. Mɛɛ ɡeloo biro baa lɔ o ta la berɛ bochaah dɛ́ tɛɛ ba, dɛ́ kwaa ŋwɛnɛre aa wola were a chɔ harɛ. Waa nɔɔ mɛɛ ba ɛɛ tɛɛ ba, maa ban ta.

Jeremia 1:8

Dɛɛ berɛ ba ɔma. Mɛɛ ja he nɛɛ dɛ́ lɛɛ. Men Korowiirii bola.”

Daneɛl 11:16

Siiria kooro waa ka lɔ tɔ ba nɛɛ la, wɛɛ ɛɛ baa ɡɛ waa dɛ nyin, nomɛlbwa aa wola won tɔɔ ŋwɛnɛ. Wɛɛ ka che Israel Harɛdɛɛɡe la taa, ásɛ dɛɛ di kpeɡri o ta.

Matiu 28:20

ásɛ dɛ chaɡ ba ŋɔ báa teŋɛ n waa maa chaɡle heyaa la bwa ta. Kasinteŋ, mɛɛ che he habɔɔ, dɛ́ ja he nɛɛ tɔpere te bɛlbwa, dɛ́ ka tel wobɛlbwa jaɡa saŋ.”

Tɔn Pɔɔl Aa Chwerɛ Rom Tena 8:31

Ya ta sie nyiŋi anɔ bwa na naa, ɛrɛɛ yaa ba ŋɔe yɔ? Dɛ Korowii teŋɛ ya nɛ aa, umee dɛ́ won ɛ yaa waane ɔ?

Tɔn Pɔɔl Aa Chwerɛ Rom Tena 8:37

Anɔ bwa sekwaraa ta la, ya jemɔ kɛŋɔ yaa yoo le. Yeesu Kristo waa nyin yaa la nɛɛ yaa ba cheɡa dɛ le.

Mmarare 20:1

Mosis berɔ ŋɔ, “Dɛ he kaa cheme he dɔma laa ta, asɛ dɛ na kɛŋɔ dɔma la torɔɡore baa vɔwɛ jaɡre pɛla la warɔ ɡwaa heya aa, he bɛ ban ɔmɛ. Dɛkalkɛŋɔ Korowii haa dɛ tomɔ o le he ne Ijipt harɛ ta la ɛɛ che he mun taa.

Mmarare 20:4

Dɛkalkɛŋɔ he ne Korowii haa dɛ tomɔ nɔɔ dɛɛ kaa dɛ́ ka yoo ba, hɛɛ yoo le.’

Mmarare 31:23

Josua mɛɛ sɔne Nun. Korowii ŋɔ, “Josua, che kiŋkiŋ, bɛ ɔmɛ. Mɛɛ ja he nɛɛ dɛ́ ɡel he tɔ Israel tena sie, dɛ́ kpɔ ba kaa harɛ maa baɡ ba nyoa la ta.”

Mmarare 4:31

O dɛ na nɛn sum, waa nɔnee laa kpɔ he nɛɛ bwa á ba ɛ kɛŋɔ wɛɛ chɔɡ heyaa. Waa fɔo o ne he naawa aa fɔwa o ŋwɛɛ o waa laanee soh bwa.

Mmarare 7:24

Ba koranar ɡe la, wɛɛ kpɔ baa do he lɔɡa, ásɛ he kpoo ba le harɛ nɔ ta ba waa tonɛ. Nomɛlbwa aa won che he sie, hɛɛ chɔɡ ba bwaa.

2 Timoti 4:17

Kɛ ya Dɔɔ la cheɡɛ n habɔɔ dɛ tɛ mɛ kpeɡri n won bol Amanesoma la bwa, asɛ nɛra baa wola Juu tena ɛɛ la bwa no. Korowii lɛɛ mɛ le siswɛm ta kɛŋɔ nɛn baa lɛo le nyujente nyoa ta ken.

Hibru 13:5

He bɛ ɡel suuɡa waa swɛɛ he siwi kohona. Hé ɡel anɔ la haa dɔa la maɡre he ne, dɛkalkɛŋɔ Korowii bolɔ ŋɔ, “Maa heyaa ta bwa, maa sie laa kpɔ he nɛɛ bwa.”

Josua 1:17

Yaa no he nyoa wobolee ɡɛ ya fa aa dɛ no Mosis waa la. Ya dɛ soŋe Korowii kɛŋɔ ó ja he nɛ ɡɛ o fa aa ja Mosis nɛɛ la.

Josua 1:9

Bɛ soh kɛŋɔ maa ŋɔ he be ŋɔ he che kiŋkiŋ dɛ́ dɔ bambile la! Bɛ ɔmɛ, bɛ ɡel he bwara ɡe yɔr. Men, Korowii haa dɛ tom mɛ la, n teŋɛ he nɛɛ bobɛlbwa haa kaa.”

Josua 10:8

Belaa Korowii ŋɔ Josua be ŋɔ, “Dɛɛ berɛ ba ɔma, n dɔɔ kpɔ ba do he nɔn ta. Ba bini bɛlbwa toole dɛ́ won che he sie.”

Josua 21:44

Korowii ɡelɔ ba dɔ deŋnesɔɔhna ɡɛ waa baɡɛ ba naawa nyoa la. Ba dɔma bɛlbwa ta wone che ba sie, dɛkalkɛŋɔ Korowii cha ba ba won dɛɛ pɔ ba dɔma bwa nɛ.

Josua 3:7

Belaa Korowii ŋɔ Josua be ŋɔ, “Finii mɛɛ ba mun pae dɛ́ ɡel Israel tena bwa jemɛ kɛŋɔ henee ba sitɔɔ, ásɛ ba jemɛ kɛrɛdɛ kɛŋɔ n ja he nɛɛ kɛŋɔ n fa aa ja Mosis nɛɛ la.”

Josua 6:27

Gɛɛ Korowii ja Josua nɛ dɛ ɡel o sɔn le harɛ la ta bwa.

Sitɔɔla 2:18

Saŋ bɛlbwa Korowii aa tɛɛ ba sitɔɔ la, o dɛ chao dɛ́ lɛɛ ba le ba dɔma nɔn ta ɡɛ saŋ sitɔɔ la taa soɡe le la. Korowii dɔ tedoma dɛɛ tɛɛ ba, wii baa dɛ wi hɔhɔrɔwa nɛra aa dɛ ɛɛ ba la wa.

Sitɔɔla 6:16

Asɛ Korowii ŋɔ, “Mɛɛ ja he nɛɛ ásɛ he kpoo Midian tena bwa, kɛŋɔ haa yo nɛmbeŋkpoŋ ken.”

1 Samoɛl 10:7

Gɛ waa nɔ bwa ɛo waa, Korowii ɛɛ ba ja he nɛɛ he ɛ waa waa dɛ nyin kɛ he ɛ.