Josua 1:4 - mzwDBL

⁴ He harɛ la nyoa ɛɛ le weekaŋle harɛbɔr pua hɛŋle ɡbo harɛ la taa, dɛ́ kaa weekaŋle nyunduabɔr Lɛbanɔn bwejena ta, dɛ́ kpoŋe kaa Yufretis Moo ta wee leebɔr, dɛ́ kaa Hiti tena harɛ ta bwa, dɛ́ kpoŋe kaa wee cholibɔr Mɛdetereenea Mpo la ta.”

Josua 1:4 Iomraidhean Croise

1 Koranar 10:29

Ba le kwaa aa do kɛ torɔɡore le Ijipt harɛ ta dɛɛ ba. Beŋkpoŋ yoɡ lɔ suuɡapoŋa lafraanumɛl, jaɡre la ɡe beŋkpoŋ lɔ suuɡapoŋa lafa fifraanue. Ba le ane bela baa tɛ Hiti ne Siiria koranar bwa.

1 Koranar 4:21

Kooro Solomɔn harɛ waa di kora o ta la le Yufretis Moo ta, dɛ kaa Filisti tena harɛ, dɛ ka le Ijipt harɛ jwɛh ta. Dɛ ɡɛ harɛre la bwa nɛra kpɔ harɛ la ta kwaa baa tɛo, dɛ kpɔ ba te do o lɔɡa ɡɛ saŋ waa di kora bwa.

1 Webena 18:3

Belaa Kooro Devid berɛ ka yo Soba Kooro Hadadesa, hale dɛ ka le Hamat, ɡɛ saŋ waa la Yufretis Moo nyoa dɛ ka lɛ bela harɛ ba do o lɔɡa ja la.

1 Webena 5:9

Harɛ la wee leebɔr, ba soɡo ka le pua hɛŋle ɡbo harɛ ta dɛ kaa Yufretis Moo ta, dɛkalkɛ dɛ ba kondɛɛra yao Gelead harɛ ta.

Ɛsra 4:20

Koranar baa kpeɡa Jerusalam di kora dɛ nyiŋi harɛ waa chɔ Yufretis Moo wee cholibɔr baŋ le bwa ta, dɛ ɡel ba bɔ toɔre dɛ lɛ harɛ la kwaa baa tɛɛ ba.

Kaala 23:31

Mɛɛ ɡeloo he jwɛh le Mposwɛm la ta ka le Mɛdetereenea Mpo ta, dɛ́ kpɔ ka le pua hɛŋle ɡbo harɛ ta, dɛ́ kaa Yufretis Moo la ta. Mɛɛ kpɔ nɛra baa soɡe harɛ la ta bela laanee do he nɔn ta, ásɛ he doŋ ba le he sie.

Mmarare 1:7

Hé ir bonɔ dɛ́ kaa Amɔre tena deŋɡarere harɛ, ne harɛre aa bɛne bela dɛ do Araba Fɛlembɔjen la ta, bwejena harɛ ne wee cholibɔr deŋɡarere ta ne Nɛɡɛv waa ɛ pua hɛŋle ɡbo harɛ dɛ kaa Mɛdetereenea Mpo nyoa. Dɛ́ kpoŋe kaa Keenan tena harɛ ta, ne Lɛbanɔn harɛ, hale dɛ́ kaa Yufretis Moo ta.

Mmarare 11:24

Bobɛlbwa haa kpɔ kaa la ɛɛ ɛ he konee. He harɛ ɛɛ le pua hɛŋle ɡbo harɛ la taa, dɛ́ kaa Lɛbanɔn dɛ́ berɛ le Yufretis Moo ta dɛ́ kaa wee cholibɔr Mɛdetereenea Mpo la ta.

Mmarare 3:25

N dɛ soŋe, le n ne Jɔɔdan Moo nɔ baŋ n ka na harɛdɛɛɡe la, ne deŋɡarere harɛ dɛ Lɛbanɔn harɛ la.’

Wepila 9:14

O ŋɔ nyundua torome waa jaa numɛl dɛ dɔ bɛla la be ŋɔ, “Pur Bɔnsam toroma banaarɛ la baa vɔɡ ba Yufretis Moo nyoa la ta.”