Josua 1:16 - mzwDBL

¹⁶ Anee ba ŋɔ Josua be ŋɔ, “Yaa ɛ wobɛlbwa haa bol ya be nɔɔ, dɛ́ la bobɛlbwa ɡe haa tomɛ yaa.

Josua 1:16 Iomraidhean Croise

Ɛsra 10:4

Anomanta, sɔfo Ɛsra, ir nyu ne, dɛkalkɛ he nɔn taa ɡɛ waa nɔ do. Yaa che he habɔɔ, dɔ bambile dɛ́ ɛa.”

Nɛra Kura 32:25

Ate, Gad ne Rubin dea tena la ŋɔ Mosis be ŋɔ, “Ya dɔɔ, he bonɔɔna ɛɛ ɛ ɡɛ haa bola laanee.

Nɛra Kura 32:31

Asɛ Gad ne Rubin dea tena la ŋɔ, “Nomoa, he bonɔɔna ɛɛ ɛ ɡɛ Korowii aa ŋɔa laanee.

Mmarare 34:9

Nun bibaa Josua ɡe dɔ wejema kɛrɛdɛ, dɛkalkɛŋɔ dɛ Mosis leo ŋɔ ó chiɡ o naa ta. Dɛ Israel tena la dɛ teŋɛ waa Korowii aa cheɡɛ Mosis nɛɛ dɛ kpɔ tɛ Josua la ta dɛɛ no o be.

Mmarare 5:27

Hen Mosis, la dɛ́ ka no waa bwa Korowii yaa dɛ tomɔ aa dɛ ba bola, dɛ́ ba ŋɔ ya be. Yaa noo dɛɛ teŋɛ a ta.’

Taetos 3:1

Lii ba ŋɔ báa pwɛr ba te dɛɛ tɛ nomonome baa dɛ di kpeɡri te bɛlbwa, dɛɛ no ba deŋna wa, dɛ́ kpɔ ba te kɛ baa dɛɛ ɛ waa aa wera bwaa.

Josua 1:15

dɛ́ ka tel kɛŋɔ Korowii aa ɡela ba bwara sɔɔh ba ɡɛ waa ɛa tɛ heyaa la, ka tel kɛŋɔ ba ɡe aa kaa dɔ harɛ Korowii haa dɛ tomɔ aa kpɔa tɛɛ baa la. Mɔɔ he berɛ kaa he ɡbaɡba harɛ Korowii bonɔɔ Mosis aa kpɔa tɛ heyaa o do Jɔɔdan Moo wee leebɔr la ta.”

Josua 1:17

Yaa no he nyoa wobolee ɡɛ ya fa aa dɛ no Mosis waa la. Ya dɛ soŋe Korowii kɛŋɔ ó ja he nɛ ɡɛ o fa aa ja Mosis nɛɛ la.