Jona 1:3 - mzwDBL

³ Anee Jona vɛh Korowii toma waa dɛ tomɔ Niniwe la, dɛ chwa dɛɛ kaa Taases. Anomanta, o la Jopa, bela stiimaere aa dɛ chuɡe, asɛ dɛ ka dɔ bɛl waa dɛ kaa Taases. O bɔ o suuɡa dɛ jo dɛ fe ɛɛ kaa Taases ásɛ Korowii bɛ on na.

Jona 1:3 Iomraidhean Croise

Mumpar 3:8

Awola jɔmɔra ne la, ba noɔ kɛŋɔ Korowii dɛ valɛ bodɛɛɡe baa du daa la bini, asɛ ba chwa ka sɔh baŋ pera daa la bini ásɛ o bɛ ban na.

Mumpar 4:16

Belaa Keen le Korowii sie, dɛ ka so harɛ bɛl waa lɔ Eden wee leebɔr bobɛl baa dɛ yerɔ Nɔd.

1 Koranar 19:3

Elaeja ɔmɔ, dɛ kpɔ o bonɔɔ chwa kaa Beɛseeba waa lɔ Juda harɛ ta, ásɛ dɛ dɔ o nyu. O baa ɡel o bonɔɔ la bela,

1 Koranar 19:9

Waa tel bela la, o kaa jo bwebɔɔ bini chɔ jwaana. Belaa Korowii bol waa Elaeja be ŋɔ, “Elaeja, bɔkwaa hɛɛ ɛ bonɔ nɔ?”

2 Webena 2:15

Anomanta, ɡel mea ne ane soo siwi ne ɔleve noo dɛ sen haa baɡɛ nyoa la tel he bonɔɔ be.

2 Webena 2:16

Ásɛ ya teŋe daa haa dɛ nyin la bwa le Lɛbanɔn dɛ́ vɔrɔwa, ásɛ dɛ taɡa kpɔ mpo sie ba tɛɛ Jopa waa lɔ mpo nyoa, he ba kpɔ kaa Jerusalam.”

2 Webena 9:21

Dɛ kooro dɔ stiimaere baa kpɔa dɛɛ di bona mpo ta a ja Kooro Hiram kwaa baa kpɔa dɛɛ ɛ toma la ta. Bene atoro bɛlbwa a dɛ ba suuɡaswɛm ne suuɡapoŋa ne bala nyena, dɛ ɡbɛɛne bwa soo siwi ne.

Ɛsra 3:7

Ate, nɛra la tɛ suuɡa baa kpɔ bɔ tom-ɛɛra baa dɛ peɡri bwea ne kapenta tena, dɛ berɛ kpɔ kondikwaa ne sen dɛ ɔleve noo ŋɔ, bá kpɔ ka tɛ bwɛjena Sidon ne Taaya tena, ásɛ ba kpɔ ka charɛ peleme daa le Lɛbanɔn, ásɛ dɛ taɡa kpɔ mpo sie ba Jopa, ɡɛ Pɛɛsea Koojen Saeros aa bola la.

Job Tɔn 1:12

Anee Korowii ŋɔ Bɔnsam be ŋɔ, “A wer, komɛlbwa waa dɔa la lɔ he nɔn ta, kɛ o te ɡbabir te, bɛ nɔn kpɔ leɡo.” Asɛ Bɔnsam le Korowii be dɛ kaa.

Job Tɔn 2:7

Anomanta, Bɔnsam le Korowii be bela dɛ ka kpɔ ŋwɛrchɔɡa ta Job nɛ, le o nyu ta ba ta o napaala ta.

Yela 107:23

Bane kpɔ stiimaere dɛɛ kpɔ mpo sie, dɛ kaa nyin ba nyoa kondikwa.

Aesaya 2:16

Hale stiimaere bonadiire aa dɛ so a bini, ne stiimajena andɛɛɡa bwa ɛɛ chɔɡoo.

Aesaya 23:1

Waa aa chiɡ Taaya Korowii bol baɡle Aesaya chaahna ta laanee nɔ. Nɛra haa dɛ ɛ toma stiimaere aa le Taases la, hé wi! Taaya paɡrɔ. Deene kɛɛ stiimae chebɔr toole kpa. Saepros harɛ taa ɡɛ waa nɔ le ba he be.

Aesaya 23:10

Taases tena, he ta stiimae chuɡribɔr dɔe kpa. Anomanta, hé ka parɛ ɡɛ baa dɛ parɛ Nael Moo nyoa harɛ ta la.

Aesaya 23:6

He nɛra haa soɡe mpo nyoa la, hé wi dɛ́ ir kaa Taases.

Aesaya 60:9

A ɛ stiimaere aa le bojaŋa dɛ kpɔ n nɛra dɛɛ ba dem. Ba cheɡɛ suuɡapoŋa ne suuɡaswɛm dɛɛ ba, dɛ kpɔ jirima dɛɛ ba ba tɛ men Korowii Israel tena aa dɛ tomɔ, Israel Nɛŋɡoroŋ waa ɡela harɛre nɛra kpɔ duure dɛɛ tɛ o nɛra la.”

Jeremia 10:9

Ba yon kpɔ suuɡapoŋa le bwɛjen Taases ne suuɡaswɛm le bwɛjen Ufas ta, dɛ baa ɛ ba voɡare bwara. Nɛra baa dɔ kwaa sɛɛh, ne suuɡaswɛm dɛ yale sɔeh wejema ɡe, yon kpɔ yaburum ne yakɔl ɛ a bwara.

Ɛsekeɛl 2:8

Kɛ hen nɛwɛnyini bie, dɛɛ no waa maa dɛ bol he be nɔ. Bɛ deŋnekpeɡ ɛ kɛ ban. Hah nyoa dɛ́ lɛ kwaa maa kpɔa dɛɛ tɛɛ nɔ di.”

Ɛsekeɛl 27:12

He kondɔɔh kohona nomanta, bonadiire le Taases dɛ kpɔ suuɡapoŋa ne bune dɛ kpana, dɛ baa charɛ kwaa he be.

Ɛsekeɛl 3:14

Korowii Doma la baa so n nɛɛ kpeɡri nɛ, dɛ kpɔ mɛ kaa, asɛ n sie beɡre n baah di n bambile bini.

Jona 1:10

Ate, dɛ ɔmee tenten lawɛ nɛra la bwa. Asɛ ba berɛ bɔɔro ja ŋɔ, “Ɛrɛɛ he ɛ ɡɛ nɔɔ?” dɛkalkɛŋɔ, o ŋɔ ba be ŋɔ Korowii tomɔ asɛ o vɛh dɛɛ chwa.

Jona 4:2

asɛ o soŋe Korowii ŋɔ, “N Naa Korowii, waa maa lɔ n bwɛɛ dɛ bol la laa nɔ naa? A waa n fee chwa dɛɛ kaa Taases la. N jemɔ kɛ he dɛ na nɛn sum, he tea dɛ domɛ nɛn nɛ, he baah aa di warawara. Nɛnnyin ɡboo he bwa. He won he liire chara dɛ́ le nɛwɛnyina deŋne tɛra ta.

Amanesoma Luk Aa Chwera Tɔn 9:62

Anee Yeesu ŋɔ o ɡe be ŋɔ, “Nomɛlbwa waa pa mun dɛɛ ba para dɛ ka kpɔ par, o nyu bini berɛ dɛɛ ɛo anɛnɛ la aa won parɛ a maɡre. Gɛɛ a do kɛŋɔ nomɛlbwa waa kpɔ o te kɛŋɔ wɛɛ ja Korowii Kora la taa la bɛ berɛ dɔ liire anɛ kpa.”

We-ɛɛla 15:38

Dɛ Pɔɔl ɡe be la, a ta maɡrɛ kɛ Jɔn Mak la bɛl, dɛkalkɛŋɔ o fa teŋɛ ba nɛɛ toma la ta, dɛ ka tel baah ta, dɛ chwa ɡel ba Pamfilia.

We-ɛɛla 26:19

N Naa kooro, maa na ɡɛ waa nɔ la, n ta vɛɛh. Gɛ bwa Yeesu aa le nyundua ba ŋɔ n be la, n ɛo.

We-ɛɛla 9:36

Dɛ haah bɛl lɔ Jopa dɛ ɛ asɔre te baa yerɔ Tabita. Grik tena ɡe dɛ yerɔ Dɔkas. Dɛ haah la dɛ ɛ wedɛɛɡa taeh dɛɛ cha nyaara.

We-ɛɛla 9:38

Dɛ Jopa ne Leda aa jaŋɛ, anomanta, asɔre tena baa lɔ Jopa la aa noa kɛŋɔ Pita lɔ Leda la, ba tomɛ baala banɛ o be dɛ ŋɔ bá ka ŋɔ o be ŋɔ ba dɛ soŋo kɛ ó ɡel wobɛlbwa dɛ́ ba ba be warane.

We-ɛɛla 9:42

A ɡɛ waa nɔ perɛ Jopa bwa, asɛ nɛra kɛrɛdɛ che a ta dɛ yarada Yeesu waa la.

We-ɛɛla 9:43

A habɔɔ la, Pita soɡe Jopa bela biɡri. Dɛ ɡbansabate bɛl baa dɛ yerɔ Seemɔn la deaa o do.

1 Kɔrent 9:16

Maa won koh Amanesoma nɔ bola waa dɛɛ baɡle n te, dɛkalkɛŋɔ Korowiirii dɛɛ do mɛ asɛ mɛɛ bol. Dɛ n ta bolaa, mɛɛ dɔ waa.

2 Tesalonika 1:9

dɛ́ per ba le o be. Baa o kpeɡri aa ɡela o dɔ jirima laanee na kpa, ásɛ o kpɔ hɔhɔrɔwa aa wola jaɡa dɔe bwa ta ba nɛ.

Josua 19:46

ne Me Jaakɔn ne Rakon, dɛ kpoŋe ka le Jopa harɛ ta bwa.