Joel 3:15 - mzwDBL

¹⁵ Korobie ne wee aa lɔ, ásɛ bɔr bir, weweela ɡe aa chaah kpa.

Joel 3:15 Iomraidhean Croise

Wejereme 12:2

mɔɔ wee ne bɔrchaahna, ne korobie dɛ weweela kaa biro ta, ásɛ baama aa dɛ nɛ bwaala la ba tɔ nyundua,

Aesaya 13:10

Weweela aa chaah ɡɛ saŋ, wee aa bɔr chaahna ba kpa, korobie ɡe aa won chaah.

Ɛsekeɛl 32:7

Maa ba chɔɡe tonɛ la, mɛɛ tɔ nyundua, ásɛ weweela nyoɡre, dɛ́ kpɔ baama tɔ wee ta, ásɛ korobie ɡel chaahna.

Joel 2:10

A dɛ ba naa, dɛ harɛ dɛ jiɡri, nyundua ɡe ɛɛ yiiɡi. Biro dɛ tɔ wee ne korobie ta, weweela ɡe aa won chaah kpa.

Joel 2:31

Wee dɛ ba bira, ásɛ korobie swɛɛ kɛŋɔ chal ken, mɔɔ Korowii Tɔpejen waa do ɔma la ba.

Matiu 24:29

Wahala ne sibeɡra la aa chiɡ dɛ den dɛɛ tonɛ la, buɡ la ta ‘wee aa bɔr chaahna ba kpa, korobie ɡe aa bɔr chaahna ba kpa, weweela dɛ ba nyundua lee dɛ́ lee harɛ, ásɛ Korowii doa bwa yiiɡi dɛ́ chɔɡ.’

Amanesoma Mak Aa Chwera Tɔn 13:24

A ɡɛ wekpeɡa nɔ baa ɛ dɛ kaa laa, wee aa bɔr chaahna ba kpa, korobie ɡe aa bɔr chaahna ba kpa.

Wepila 8:12

Nyundua torome waa teŋa naarɛ la ɡe hoɔh. Waa hoah la, wee ne korobie ne weweela bwa ɛo kɛŋɔ baa lɔa, a pera biri. Dɛ ba bɔne a bɛlbwa kpeɡri bini bɔre atoro naa, a bɛlbwa bɔr beŋkpoŋ aa won chaah kpa. Webaŋa ne jwaana ɡba, ɡɛɛ a do. Ba bɔne a bini atotoro naa, wee aa lɔ bɔr beŋkpoŋ ta webaŋa. Korobie ne weweela ɡe ɡɛɛ jwaana.