Joel 2:8 - mzwDBL

⁸ Aa dɔŋa taɡɛ, bɛlbwa pa sie dɛɛ kaa. A dɛ jo bela waa kpeɡa dɛ́ le, wobɛlbwa aa wola an ɛ.

Joel 2:8 Iomraidhean Croise

2 Webena 23:10

Ate, o ɡel nɛra baa dɛ daah la bɛlbwa kpoŋe o dɔmkon ba che Korowii Dea ne saraha kon la sie, dɛ bar Kooro Joas.

2 Webena 32:5

Kooro Hɛsɛkea ɛ toma taeh, dɛ ɡel ba kwaa ma danjwɛɛ waa bar Jerusalam la bobɛla aa kuuɡa la, dɛ ma dejaŋa chɔŋɛ danjwɛɛ la ta. O berɔ ɡel ba ma danjwɛfale bɛl bar ombene la, dɛ che bwea su harɛ waa ɛ bɔɔ Kooro Devid Bwɛjen la ta. O berɔ ɛ dɔmkwaa ne kwaa baa kpɔa dɛɛ tɔ ɡbemɡbe laa ta warɛ.

Nehemia 4:17

yaa dɛ ma danjwɛɛ la habɔɔ. Banɔ la baa dɛ che danjwɛɛ la laala la, ba bwa ɛ beŋkpoŋ dɛɛ ɛ toma, bɛlbwa kpoŋe dɔmkon nɔn beŋkpoŋ ɡe ta.

Nehemia 4:23

N ne n bala ne nɛra baa dɛ ɛ toma dɛ banɔ la baa dɛ daah dɛ ja n nɛɛ la, bɛlbwa ta o laala waa doa la foore bil. Bɛlbwa dɛ kpoŋe o dɔmkon hale o dɛ nyɔ ne.”

Job Tɔn 33:18

dɛ́ lɛɛ ba le seo nyoa, dɛ́ lɛɛ ba ba bɛ ban kpoo.

Job Tɔn 36:12

Kɛ dɛ baa no aa, baa kpoo ba keri nee, dɛ ba ta wejema dɔe.

Sɛɡla 30:27

Tontombɛ ta sitɔɔ dɔe, kɛ a bwa pɛo dɛ ir dɛɛ kaa.

Yelsom 4:13

Kwaa aa lɔ bela kpeɡo dɛ do wer. A do kɛŋɔ daa bɛl baa dɛ yerɔ pɔmeɡranet dɛɛ nɔnɛ nɔndɛɛɡa. Kwaa aa sɔɔh aa soma ne alele ta bela nyae,

Aesaya 5:27

Ba bini bɛlbwa aa koh, kɛɛ baa lɔ nakpalaa. Dom aa bɛlbwa chuɡli, baa dom ɡe chɔ. Kirisore baa vɔrɔwa áa foo, ásɛ naŋɡaware baa doa ɡe áa kɛɛ.

Joel 2:7

A dɛ yo kɛŋɔ laa tena aa dɛ yo nɛra ken, dɛɛ teeh danjwɛɛre. A bwa dɛ teŋɛ dɔŋa nɛ, aa berɛ dɛɛ le a ŋwɛnɛ ta.

Joel 2:9

A iro kpɔ bwɛjen la danjwɛɛre ta dɛ ka jo deene bini, kɛŋɔ ŋwɛɛra yon kpɔ tokorore ta dɛɛ jo deene bini la.