Joel 2:27 - mzwDBL

²⁷ Anee dɛ́ ɡel he jemɛ kɛ n ja he nɛɛ Israel harɛ, menee Korowii haa dɛ tom mɛ, nomɛlbwa toole kpa. Sihiih aa n nɛraa kpo bwa.”

Joel 2:27 Iomraidhean Croise

Yela 46:5

Korowii lɔ bwɛjen la ta, waa won chɔɡ, Korowii ɛɛ bao bɔr chaahna saŋ, dɛ́ ba cha ba.

Yela 68:18

O teehnɔ kaa nyundua, dɛ lawɛ nɛra waa laɡ ba laa ta kaa, asɛ deŋnekpeɡ tena kpɔ koŋkɛɛla baa tɛo dɛ ŋɔ, Korowii ɛɛ ba so belaa.

Sɛɡla 1:23

Dɛ he no kaeh maa dɛ kah heya aa, n fe ɛɛ kpɔ n bambile bwaa tɛ heya, dɛ́ baɡle heyaa wa.

Aesaya 12:6

Saayɔn tena, hé hɛɡre dɛ́ ɡo yela kohona. Israel Nɛŋɡoroŋ la kan kohona! O ne o nɛra so.”

Aesaya 44:3

Mɛɛ ɡeloo nee chɔ harɛ waa hola ta, ásɛ nenabɔɔne chɔ dɛɛ palɛ. Mɛɛ ɡeloo n Doma ba so he bii nɛ, dɛ́ swee andɛɛɡa tɛ he naanar.

Aesaya 44:8

He bɛ ɡel he bwara ɛɛ sa! He bɛ ɔmɛ! Saŋ la bwa laa n le baɡle waa nɔ, dɛ bola aa? N danseɛree heya. Dɔɔ bɛl ɡe lole dɛ ja n nɛ aa? Akai, Bwetal bɛlbwa toole he chwa ka marɔ ó won lɛ heya, beŋkpoŋ ɡba toole.”

Aesaya 45:18

Korowiirii ta nyundua onee Korowii, dɛ berɛ ta harɛ ɡe o che kiŋkiŋ. O ta harɛ tae o chɔ pɛɛpɛɛ, kɛ o tao ŋɔ nɛra so o ta. O ŋɔ, “Menee Korowii, Dɔɔ bɛlbwa toole kpa.

Aesaya 45:5

Menee Korowii, Dɔɔ bɛlbwa toole kpa, nemenɛ n ɡbo. Haa men jemɛ, kɛ mɛɛ tɛɛ kpeɡrii.

Aesaya 45:6

N ɛ ɡɛ, ásɛ le wee leebɔr kaa o cholibɔr, nomɛlbwa jemɛ kɛŋɔ menee Korowii. N habɔɔ, Dɔɔ bɛlbwa toole kpa, nemenɛ n ɡbo.

Aesaya 46:9

Hé lii waa aa chiɡa saŋ la. N ɡboo Korowii, n dɔŋ toole.

Aesaya 49:23

Koranar ɛɛ kpɔ heyaa berɛ ba bii, ásɛ ba haŋkoranar ɡe berɛ he nyare. Baa dɛɛ ɡuŋi heyaa harɛɛ, dɛ́ kpɔ duure tɛ he ya. Belaa hɛɛ ba jema kɛŋɔ menee Korowii. Nɛra baa kpɔ hwɛɡa dawɛ n nɛɛ la, sihiih aa ban kpo bwa.”

Aesaya 53:6

Ya bwa do kɛ peera aa kpaŋa ken, bɛlbwa ɛɛ kaa bela waa dɛ nyin, asɛ Korowii ɡel deŋnetɛra a fe aa chɛ yaa la bwa ba o nɛ.

Ɛsekeɛl 37:6

Mɛɛ ɡeloo dɛɛhne ba he nɛ, dɛ́ tɛ heyaa bo-ol, dɛ́ kpɔ tɔn bɔle, dɛ́ tɛ heyaa hweera hé dɔ mkpa. Ásɛ he jemɛ kɛŋɔ menee Korowii.’ ”

Ɛsekeɛl 39:22

Le awola dɛɛ kaa la, mɛɛ ɡeloo Israel tena jemɛ kɛŋɔ menee Korowii baa dɛ tom mɛ la.

Ɛsekeɛl 39:28

Belaa baa ba jema kɛŋɔ, menee Korowii baa dɛ tom mɛ la. A lole kɛŋɔ n doŋ ba kaa bojaŋ harɛfala ta te, kɛ mɛɛ boa ba nyoaa, dɛ́ ba ba ne ba ɡbaɡba harɛ ta, maa bɛlbwa habɔɔ ta.

Ɛsekeɛl 39:29

Maa sie laa kpɔ ba nɛɛ kpa, mɛɛ kpɔ n Domaa ba so Israel tena nɛ. Men Nemenɛ Korowiirii bola.”

Joel 2:26

Hɛɛ dɔ kondikwa kohonaa di dɛ́ vaɡre, ásɛ dɛ kpɛɛ Korowii haa dɛ tomɔ la, o ɛ nyokpowaa tɛ heya, sihiih aa n nɛraa kpo kpa.

Joel 3:17

“Anee dɛɛ ba ɡela he jemɛ kɛŋɔ men Korowii haa dɛ tom mɛ, n soɡe n Saayɔn Bwejen waa do ɡoroŋ la ta. Jerusalam ɛ bwɛjen maa lea cheɡ o do ɡoroŋ, nɛŋhɔɔhra aa won ba yo dɛ́ pɔ n nɛra nɛɛ kpa.

Joel 3:21

Nɛra baa kpoora maa wola kpɔe kɛ ba la, mɛɛ kpɔɔ kɛ ba, ásɛ dɛ ka so Saayɔn Bwejen ta.”

Sefania 3:11

Gɛ tɔpere la, maa ɡel sihiih kpo heyaa he deŋnekpeɡ haa ɛɛ mɛ la waa kpa. Mɛɛ le mbarafo tena bwa nee n bwɛjen nɔ ta, ásɛ bɛlbwa ɡe aa won ɛɛ mɛ sisawaa n bweɡoroŋ n Dea aa chɔŋɛ o ta la ta kpa.

Sefania 3:17

Korowii haa dɛ tomɔ la ja he nɛ. O dɔ kpeɡri dɛ́ won lɛ heya. O sie ɛɛ lɛ he nɛɛ kohonaa, dɛ́ che o nyina ta tɛ heyaa mkpafale. Wɛɛ ɡo yelaa dɛɛ hɛɡre he wa.

Sekaria 2:9

Men Korowii ɡbabirii dɛ́ yoo ba, ásɛ n nɛra ba fa aa ɛɛ ba yoma la pa ba laala kɛ laa ta kwaa kaa.” Anɔ bwa chiɡaa, hɛɛ jemɔ kɛŋɔ Koranar Bwa Kooroo tomɛ men Sekaria.

Nɛra Kura 11:29

Anee Mosis ŋɔ, “He meerɔ dɛɛ tɛ mɛ kɛɛ? N te fe dɛ nyin kɛŋɔ Korowii ɡel o Doma ba so o nɛra bwa nɛ, ásɛ ba won dɛɛ bol o waa o kpeɡri ne.”

Nɛra Kura 23:21

N ta wahala bɛlbwa nae Israel tena nɛ. N ta tebinichɔɡ nae ba bini. Korowii baa dɛ tomɔ ja ba nɛ. Ba kooroo on baa kpɛɛro.

2 Kɔrent 6:16

Voɡa ɛɛ wonoo che Korowii Dea a maɡre aa? Ya bwadabii nɔɔ Korowii waa lole saŋ bɛlbwa la dea. Anee Korowii ɡbabir bol la. O bolɔ ŋɔ, “Mɛɛ ba so n nɛra bee, dɛ́ do ba baah, dɛ́ ɛ Korowii baa dɛ tom mɛ, ásɛ ba ɡe ɛ n nɛra.

Mmarare 23:14

A munii kɛŋɔ Korowii haa dɛ tomɔ nɔ lɔ he baah ta dɛɛ nyiŋi he nɛ, dɛ́ ɡel he pɔ he dɔma nɛ. Anomanta, hé ɡel bela haa cheme la do ɡoroŋ, ásɛ Korowii bɛ doŋa bɛlbwa he nɛɛ na, dɛ ba berɛ habɔɔ kpo heya.”

1 Pita 2:6

Ba chwerɛ Korowii Tɔn bini ŋɔ, “Na, n pɛne Bwedɛɛɡe o wa aa hiah, dɛ kpɔ pa n Dea mun Saayɔn o lawɔ kpoŋe kiŋkiŋ. Nomɛlbwa waa dɛ yaradao la, waa sihiih di bwa.”

Wepila 21:3

Asɛ n no takpeɡ bɛl o le kookara la ta, dɛ ŋɔ “Hɛ́ɛ no! Taraken Korowii dobɔree nɛwɛnyini bini. O ne banee dɛ́ so, bá ɛ o nɛra ásɛ o ɡe ɛ ba Korowii, ba ne o so.