Joel 2:20 - mzwDBL

²⁰ Mɛɛ doŋi tontombɛ aa do kɛŋɔ laa tena, dɛ le weekaŋle nyunduabɔr laanee le he be, dɛ́ taɡɛ ane ka ta pua hɛŋle ɡbo harɛ ta, ásɛ dɛ taɡɛ anla aa tɔ sie la ka ta Yar Mpo ta. Anɔ la aa lɔ habɔɔ ɡe, n taɡa ka ta Mɛdetereenea Mpo ta. Aa serewoo dɛ́ pɔh, ásɛ a sɔɔh kaa nyundua.” Kasinteŋ, Korowii ɛ wejena.

Joel 2:20 Iomraidhean Croise

2 Koranar 8:13

Anee Hasael bɔɔ ŋɔ, “He bonɔɔ, n ɡee ume maa wola toole wobɛlbwa bini kɛ nyoate, ásɛ n won ɛ ɡɛ wejena nɔ dɔŋa ɔ?” Elaesa chaŋe ŋɔ, “Korowii ɡelɔ n jemɛ kɛŋɔ, henee dɛ́ chiɡ Kooro Bɛn Hadad naa ta di kora Siiria harɛ ta.”

Yela 126:3

Kasinteŋ, ya sie lɛo kohona, dɛkalkɛŋɔ Korowii ɛ wejena tɛ yaa.

Kaala 10:19

Korowii beɡre peu la o ta kpeɡri nɛɛ le wee cholibɔr dɛ kpɔ tontombɛ la ka ta Mposwɛm ta. Beŋkpoŋ kwaraa ta harɛ la ta kae kpa.

Kaala 8:14

Anee ba boa a nyoa a dadaŋɛ chɔ, bobɛlbwa taŋre.

Aesaya 34:3

Baa ban huɡe, baa paa baa ta, ásɛ ba sɔɔh tɔ bɔr bwa koŋkoŋkoŋ ken, ba chale ɛɛ palɛ bwejena dor bobɛlbwa.

Ɛsekeɛl 47:18

O wee leebɔr jwɛh la ɛɛ chɔɔ le Hauran ne bwɛjen Damaskɔs baah ta, dɛ́ kpɔ Jɔɔdan Moo nyoa, Gelead ne Israel harɛ baah ta, dɛ́ kpoŋe kaa Yar Mpo ta, dɛ́ kaa bwɛɛ bɛl baa dɛ yerɔ Taama. Onɔ ɡee wee leebɔr jwɛh la.

Emɔs 4:10

N kpɔ weechɔɡa ba ta he nɛ, ɡɛ n fa aa ɛ Ijipt harɛ ta la. N kpoo he bonɔɔna laa ta, dɛ lawɛ he jaɡre kaa. Dɛ ɡel nɛra baa serewa chɔ sɔɔh kpo heya, bela haa soɡa, kɛ he ta berɛ ba n be.

Sekaria 14:8

Awola tɔpere la, nedɛɛɡe ɛɛ palɔɔ le Jerusalam, o pera kaa Yar Mpo ta, o pera berɛ kaa Mɛdetereenea Mpo ta bɔwɔb ne waa saŋ bwa.

Malakae 3:11

Maa ɡel kwaa ba chɔɡ he koo kondikwaa kpa, dɛ́ ɡel he ɡrepo daa ɡe nɔnɛ kohona.

Mmarare 11:24

Bobɛlbwa haa kpɔ kaa la ɛɛ ɛ he konee. He harɛ ɛɛ le pua hɛŋle ɡbo harɛ la taa, dɛ́ kaa Lɛbanɔn dɛ́ berɛ le Yufretis Moo ta dɛ́ kaa wee cholibɔr Mɛdetereenea Mpo la ta.