Joel 2:2 - mzwDBL

² Bɔr dɛ ba bira a ɡɛ saŋ, ásɛ baama tɔ bobɛlbwa. Tontombɛ ɛɛ wuruu ba tɔ bwejena ta, kɛŋɔ laa tena baa kpeɡa kohona ken. A dɔŋa ta chiɡe bwa, aa chiɡ saŋ bɛlbwa ɡe bwa.

Joel 2:2 Iomraidhean Croise

Yela 10:6

Ba dɛ lii ba nyu bini ŋɔ, ba wobɛlbwa ɛɛ do werii dɛɛ tɛɛ ba, wobɛlbwa aa ban pu bwa ɡe.

Yela 97:2

Baama ne biro baro cheme, waa aa toɡra ne kasinteŋ nee wɛɛ di kora.

Kaala 10:14

A balɔ warɛ dɛ ba tɔ Ijipt harɛ bwa. A ɡɛ tontombɛ nɔ dɔŋa ta balɛ bwa, a dɔŋa ɡe aa ba kpa bwa.

Kaala 10:6

Aa su he dem ne he nomonome deremi ne Ijipt te bɛlbwa demii. A ɡɛ waa nɔ ɛ waa he naawa aa wola a dɔŋa nae ka.” Mosis aa tona la, o le kooro be kaa.

Kaala 20:21

Dɛ ba ta cheɡɛ bojaŋ, asɛ Mosis ɡe ka bɛne bam waa bira kpirkpir bela Korowii aa lole la.

Aesaya 5:30

Gɛ tɔpere la telaa, baa do ɡbɔɡaa, dɛ́ ba jo Israel harɛ bwa kɛŋɔ mpo yon dɛɛ si la ken. Dɛ he nyiŋi harɛ la aa, hɛɛ nao kɛŋɔ bɔr biro ásɛ sibeɡra chole nomɛlbwa nɛ, ásɛ biro tɔ bochaah ta.

Aesaya 8:22

Ásɛ dɛ berɛ nyiŋi harɛ, baa komɛlbwaa na ka ja wahala ne ɡɛ bɔr aa bira kpirkpir dɛ do ɔma, ásɛ ba ɡbɔɡ ba ta biro tenten la ta.

Jeremia 13:16

Hé tɛ Korowii haa dɛ tomɔ nɔ jirima mɔɔ o ɡel bɔr bir, ásɛ he bɛ naa lɔ deŋɡarere dor. Hé dɛ nyin kɛ bɔr chaah he nɛ, kɛ wɛɛ berɔ ɡel bɔr chaahna la berɛ biro ta he nɛ, dɛ́ bir kpirkpir ken.

Jeremia 13:6

A habɔɔ la, Korowii berɔ bol waa n be ja ŋɔ, “La Yufretis Moo ta ka kpɔ kiriso maa ɡela he kpɔ ka sɔh la ba.”

Wiile 1:12

Jerusalam wio kɛ nɛn ken, dɛ ŋɔ nɛra baa teŋa baa kaa be ŋɔ, “Hé nyiŋ mɛ, amɔ nomɛl ɡe lole dɛɛ na n wenaale nɔ dɔŋa aa? Wenaale Korowii baah aa dia kohona o kpɔ ba ta n nɛɛ saŋ nɔ ta nɔ.

Ɛsekeɛl 32:7

Maa ba chɔɡe tonɛ la, mɛɛ tɔ nyundua, ásɛ weweela nyoɡre, dɛ́ kpɔ baama tɔ wee ta, ásɛ korobie ɡel chaahna.

Ɛsekeɛl 34:12

Gɛ peteɡre la peera ne dibɔr, dɛ ane peɡrɔ o yon ɡaaɡe dɛɛ nyin a bɔr la, ɡɛɛ Israel tena fa peɡre kaa harɛre bwa ta awola tɔpechɔɡe bɛl wee. Mɛɛ ɡaaɡe ba bɔree name, dɛ́ berɛ ba ba ne.

Ɛsekeɛl 38:9

O ne o laa tena ne harɛre ta nɛra baa ja o nɛɛ la ɛɛ warɔɔ, dɛ́ ba harɛ la ta kɛ peukpeɡ, dɛ́ ba tɔ harɛ la ta bobɛlbwa kɛŋɔ bam ken.

Daneɛl 12:1

Nyundua torome waa do laalapoŋa la ŋɔ, “A ɡɛ saŋ la, nyundua toroma nomoa Maekel waa dɛ daah he nɛra la ɛɛ leo ba. Gɛ saŋ ɛɛ ɛ wahala saŋee, le harɛ nɔ mumpar ba le fini a dɔŋa ta balɛ bwa. Gɛ saŋ la, he harɛ ta nɛra baa chwerɛ ba sɔna do Korowii tɔn bini la, ɛɛ dɔ lɛɛlee.

Daneɛl 9:12

He ɡelɔ waa he fa aa bola dawɛ ya nɛɛ kɛŋɔ, hɛɛ kpɔ deŋnetɛraa ba ya ne ya koranar nɛɛ la ɛ ɡɛ. Harɛ nɔ ta bwa, he ta nɛra deŋne tɛrɛ ɡɛ haa tɛr bwɛjen Jerusalam tena deŋne nɔ bwa.

Joel 1:6

Tontombɛ la do kɛ laa tena dɛ ba yo n nɛra, a kpeɡri dɛ warɛ, aa wola nyoa dɔe, a nyena do kɛŋɔ nyujente nyena ken.

Joel 2:25

Korowii berɔ ŋɔ, “Mɛɛ bɔ heyaa kwaa tontombɛ la aa baa chɔɡ la kemee, anɔ la aa wara ne anjeɡre la, ne ane ɡe aa bera teŋɛ dɛ ba di, asɛ ane ɡe kapa ka mun ba dɛ ba di a kabora la. Men Korowiirii kpɔ tontombɛ aa do kɛŋɔ laa tena nɔ ba ta he nɛ.

Joel 2:31

Wee dɛ ba bira, ásɛ korobie swɛɛ kɛŋɔ chal ken, mɔɔ Korowii Tɔpejen waa do ɔma la ba.

Joel 2:5

A ɡbɔɡa do kɛŋɔ torɔɡore sii ken, dɛ ɡah dɛɛ ɡale bwejena, a kena ɛɛ si kɛŋɔ nii aa dɛ fuh kpɔɡ ɛɛ parame la. A do kɛŋɔ laa tena baa kpeɡa kohona, dɛ kpɔ ba te dɛɛ la ka yo laa ken.

Joel 3:4

Nɛra haa lɔ bwɛjena Taaya ne Sidon dɛ harɛre aa lɔ Filisti bwa, bɔkwa waa n ne he dɔɔ? He dɛ bɔ mɛ waane maa ɛ heyaa kem kɛɛ? Dɛ kemee hɛɛ bɔ mɛ tenaa, mɛɛ ɡeloo a berɛ ba ɡure he nyu ta warane.

Emɔs 4:13

Korowiirii ta bwejena dɛ ta peu ɡe, dɛ ɡel nɛn jemɛ o liire. Onee ɡela webaŋa won jwaana bera, bwejena dor ɛ o natiɡribɔr, o sɔne Korowii Waa Ɛ Kpeɡri Bwa Dɔɔ.

Sefania 1:7

Bɛ́lbwa hel men Nemenɛ Korowii sie. Tɔpere maa lea cheɡ dɛ́ bol n nɛra waa dɛ́ pa bole la telo tonɛ. N dɛ ba n nɛra Juda tena kpoora ɛ saraha, dɛ́ le ba dɔma bá ba yoo ba dɛ́ pa ba laala.

Sekaria 14:6

Awola tɔpere la, wee aa lɔ, waa aa ba, kwaa aa sɔɔh dɛ hel kɛŋɔ dombwea.

Matiu 24:21

dɛkalkɛ, dɛ le harɛ nɔ mumpar bwa ba le fini, wahala aa dɛ we dɛ do ɔma ɡɛ dɔŋ ta chiɡe bwa. Asɛ wahala aa do ɔma ɡɛ dɔŋ ɡe aa chiɡ kpa bwa.

Amanesoma Mak Aa Chwera Tɔn 13:19

Dɛkalkɛŋɔ a ɡɛ wekpeɡa nɔ dɔŋa ta balɛ bwa. A ɔma! Dɛ den le saŋ la Korowii aa ta harɛ la dɛ kpoŋe ba le fini nɔ, nɛwɛnyini ta a dɔŋa nae bwa. A ɡɛ waa nɔ ɛo waa, a dɔŋa aa ɛɛ ba kpa.

Mmarare 32:7

Hé lii fafa la, nɛra baa lole ɡɛ saŋ la. Hé bɔɔ he nɛmbena ba baɡle waa aa chiɡa. Hé bɔɔ ba bá baɡle saŋ la waa he be.

Hibru 12:18

Haa ba Korowii be nɔ, kon haa leɡe be laa he ba, kɛŋɔ Israel tena fa aa ba Sinai Bwejen ta la. A ɡɛ bwejen nɔ fa dɛ lawɛ nii jiɡijiɡi ken. Ba fa aa ba o mun la, bɔr bwa biro kpirikpiri ken, asɛ peu ɛɛ ta vuɡuvuɡu ken.

Tɔn Jud Aa Chwera 1:13

Ba do kɛ mpo nehɛma a nyoa aa kpeɡa kohona ken. Gɛ a yon dɛɛ vuuɡi, a fufuɡ doŋa ɛɛ le baŋ la, ɡɛɛ baa vuuɡi wa, ásɛ ba sihihwa ɛɛ le baŋ. Ba do kɛ weweela aa wola chebɔr beŋkpoŋ dɔe, baa wola hwɛɡa kpɔe dɛɛ do a nɛɛ dɛɛ valɛ jwaana la. Biro kpirikpirii Korowii kwaa ba cheɡ bá ka do bela saŋ bɛlbwa.

Wepila 9:2

Asɛ o laa bɔluŋ la pili. Waa pilu la, chuu leɔ puul kɛŋɔ nijena chuu aa dɛ le la, asɛ wee bir, bɔr bwa ɛ jwumaa ken.