Joel 2:18 - mzwDBL

¹⁸ Anee ɡela Korowii sie ba o nɛra nɛ, dɛ sune ba nɛ harɛ la ta.

Joel 2:18 Iomraidhean Croise

2 Koranar 19:31

Bane ɛɛ kao dɛ́ do Jerusalam Saayɔn Bwejen ta. Koranar Bwa Kooro ɛɛ do siee, dɛ́ ɛ anɔ bwa.’

Yela 103:13

Gɛ mɛɛ yon dɔ tedoma o bii nɛɛ la, ɡɛɛ Korowii tea ɛɛ domɔ nɛra baa dɛ ɔmɔ nɛ,

Yela 103:17

Nɛra baa dɛ ɔmɛ Korowii la te, o nyina lɔ ba nɛɛ saŋ bɛlbwa dɛɛ la, asɛ dɛɛ ɛ ba bii ne ba naanar andɛɛɡa saŋ bɛlbwa dɛɛ la.

Aesaya 37:32

Bane ɛɛ kao dɛ́ do Jerusalam Saayɔn Bwejen ta. Nemenɛ Korowii ɛɛ do siee, dɛ́ ɛ anɔ bwa.”

Aesaya 42:13

Korowii ɛɛ leo kɛŋɔ banyoo o siwi aa swɛɛra, o kpɔ takpeɡ kɔɡre dɛɛ yerɛ laa tena, dɛɛ yo o dɔma kpeɡri nɛ.

Aesaya 60:10

Korowii ŋɔ Jerusalam tena be ŋɔ, “Nɛŋhɔɔhraa dɛ́ berɛ ba kwaa ma he bwɛjen nɔ danjwɛɛre, ásɛ ba koranar ɛɛ tomɛ heya. N baahnee fa dia n tɛr he deŋne. Taraken te, mɛɛ dɔ tedomaa tɛ heya, dɛ́ sune he nɛ.

Aesaya 63:15

N Naa Korowii, ba sie ne harɛ le nyundua boɡoroŋ bela haa soɡa ne jirima haa dɔa dɛ́ nyiŋi yaa. Leperaa nyina he fa aa dɛ nyin ya waa la dɔɔ? Leperaa he kpeɡri la dɔɔ? He nyina ne he tedoma la sɛ? Bɛ yaa ta.

Aesaya 63:9

Nyundua torome laa lɛɛ ba le ba wahala ta, Korowii ɡbabirii lɛɛ ba. Nyina ne tedoma waa dɔa tɛɛ ba waa o lɛɛ ba. O nyiŋi ba nɛɛ le saŋ la bwa.

Jeremia 31:20

Anee Korowii ŋɔ, “Israel tena, he do kɛŋɔ bibaa maa dɛ nyinu kohona. Saŋ bɛlbwa maa yerɛ he sɔn la, he nyina waa dɛ do n bini kohona. N bambile dɛ lawɛ, n dɔ tedoma tɛ heya.

Wiile 3:22

Korowii nyina kohona aa wola tonɛ bwa, ne o tedoma nomanta, ya ta soɡe le, waa yaa ɡel bwa.

Sekaria 1:14

Ate, Korowii nyundua torome la waa bol waa n be la ŋɔ ń ka bol Koranar Bwa Kooro waa waa ŋɔa ŋɔ, ‘N dɛ nyin Jerusalam n bwɛjen waa do ɡoroŋ la waa taeh,

Sekaria 8:2

“N dɛ nyin Jerusalam waa taeh, n sie beɡrɔ kohona mɛɛ mee o wa.

Amanesoma Luk Aa Chwera Tɔn 15:20

Bie la aa lii ɡɛ la, o iro chiɡ ŋwɛnɛ ta dɛɛ kaa o mɛɛ be. Waa dɛ kaa o mɛɛ be la, o mɛɛ lɔ dem dɛ nao bojaŋ, asɛ o tea domɔ, o chwa chemo dɛ ka ɡbaaro pɛl o bambile.

Mmarare 32:16

Ba dɛ tomɛ harɛre ane voɡa aa ɛ kii kwa, a ɡel Korowii baah di banɛ, wechɔɡa haa ɛa la ɡelɔ o baah di.

Mmarare 32:36

Korowii ɛɛ lɛ o nɛraa ɡɛ saŋ ba bokpeɡa aa ba tonɛ. Wɛɛ dɔ tedomaa tɛ nɛra baa dɛ tomɔɔ, ɡɛ saŋ baa wola nomɛlbwa dɔe ó cha ba.

Mmarare 32:43

Harɛre nɛra, hé pu Korowii nɛra hɛɡre. Korowii dɛ tɛr nɛra baa dɛ kpoo o nɛra deŋne. O dɛ bɔ ba dɔma kem dɛɛ tɛɛ ba, dɛ kpɔ o nɛra wechɔɡa dɛɛ kɛ ba.”

Jems 5:11

Ya dɛ yerɛ nɛra baa wona lawɛ bambile, dɛ che kiŋkiŋ la nɛra baa na som. He fa no Job wa, ɡɛ waa wona lawɛ bambile dɛ che kiŋkiŋ o wahala bini ka tonɛ, asɛ a habɔɔ Korowii chao. Nɛra waa dɛ domɛ Korowii tea wɛɛ sune ba nɛ.

Sitɔɔla 10:16

Anomanta, ba laa ba te kpɔ voɡa aa lɔ bela la ta dɛɛ tomɛ Korowii. Asɛ ba waa domɛ o tea, o sune ba nɛ.