Joel 2:16 - mzwDBL

¹⁶ Hé boa nɛra la nyoa, dɛ́ laa ba doŋa kpɔ ba nɛ. Hé boa nomonome nyoa, dɛ́ yerɛ bechale bá ba cheme, hale bechasɔɔhne baa dɛ ɔr. Hanfale ne o jaa le ba dea baa soɡe o bini ba.

Joel 2:16 Iomraidhean Croise

2 Webena 20:13

Dɛ Juda harɛ ta baala ne ba haahna ne bii bwa cheɡɛ Korowii Dea la sie.

2 Webena 29:5

dɛ ŋɔ, “Hé Lewi dea tena hé no! Hé tɔ sie le he te cheɡ tɛ Korowii, dɛ́ laa doŋa bɛlbwa kpɔ he nɛɛ dɛ́ do ɡoroŋ, dɛ́ laa doŋa bɛlbwa kpɔ Korowii ya naawa aa tomɔ Dea nɔ ta. Hé laa komɛlbwa aa ɡela o kah doŋa kpɔ o bini.

2 Webena 30:17

Nɛra la ɡalɡa aa wola doŋa bɛlbwa aa lɔ ba nɛɛ laa kpɔ dɛ do ɡoroŋ nomanta, Lewi dea tena laanee kpoo Galekaa Tɔpejen pebiiri la ɛ saraha tɛ Korowii tɛɛ ba.

2 Webena 30:19

“N Naa Korowii ya naawa aa tomɛ, che he wer haa doa ta dɛ́ kpɔ kɛ nɛra baa dɛ tomɛ bambile bwa ne nɔ, a lole kɛŋɔ ba ta doŋa laa kpɔ ba nɛ.”

2 Webena 35:6

Hé kpoo Galekaa Tɔpejen pebiiri la, dɛ́ sɔ he doŋa ta, dɛ́ do ɡoroŋ Korowii be pera, ásɛ dɛ kwaa saraha kwaa la tɛ he bala la, ásɛ ba won dɛɛ teŋɛ waa Korowii aa cheɡɛ Mosis nɛɛ dɛ bol la ta.”

Job Tɔn 1:5

Ba di kondikonjena la dɛ bar chiɡ tonaa, ba mɛɛ Job yon ir chɔɔ, dɛ kpo kon ɛ saraha soŋe ba wechɔɡa Korowii be, bɛlbwa nyu ta. O yon lii ŋɔ, “N bii nɔ ken ɛ wechɔɡa, dɛ jo Korowii nɛɛ ba ta jemɛ.” Dɛ waa Job aa dɛ ɛ saŋ bɛlbwa laanee la.

Yela 19:5

o le bela dɛɛ ba kɛŋɔ, hanfale jaa sie aa lɛa, kɛɛ nɛn o sie aa beɡra wɛɛ ba chwae dɛ́ lɛ komɛl la ken.

Kaala 19:10

Anee Korowii ŋɔ Mosis be ŋɔ, “La nɛra la be dɛ́ ka ŋɔ ba le fini ne kere dɛ́ sɔ ba doŋa bwa ta, dɛ́ do ɡoroŋ n be pera. Bá chɛɡɛ ba laala,

Kaala 19:15

Asɛ o ŋɔ nɛra la be ŋɔ, “Hé kpɔ he te dɛɛ kpa tɔpetooro wee la. Bɛlbwa ɛɛ berɛ haah chɔe.”

Kaala 19:22

Sɔfore kwaraa baa dɔ ŋwɛnɛ dɛɛ ba n be la, atane bá sɔ ba doŋa bwa ta dɛ́ do ɡoroŋ n be pera. Gɛ laa aa, mɛɛ tɛr ba deŋnee.”

Joel 1:14

Hé yerɛ nɛra bwa ba cheme, bá vɔwɛ nyoa. Hé yerɛ harɛ la nomonome bwa ba Korowii haa dɛ tomɔ Dea, dɛ́ ba wi noo bela.

Matiu 21:16

Anomanta, ba pɛɛ Yeesu ŋɔ, “He dɛ no ɡɛ bechale nɔ aa dɛ si nɔ kenɛ?” Anee Yeesu ŋɔ, “Ɔɔh, n dɛ no. He ta Korowii Tɔn la bela baa chwera ŋɔ, ‘Bechale ne bechasɔɔhne nyoaa he kpɔ he kpɛɛra do’ la kure ka kɛɛ?”

Matiu 9:15

Anee Yeesu sɛɡ ba ŋɔ, “Baa aa lawɛ hanfale dɛ yerɛ o daamanar ŋɔ bá ba lɛ ba sie nɔ, baa berɔɔ so lɔr aa? Baa lɔree so. Kɛ tɔpere bɛl ɛɛ bao kɛŋɔ baa lawɛ hanfale jaa laanee le ba bini. Gɛ saŋ la te, baa vɔwɛ nyoaa.

1 Kɔrent 7:5

Anomanta, bɛlbwa bɛ o te kpɔ sɔh o dɔŋ chɔe be pera, atane kɛŋɔ he bwa sɛoh kɛŋɔ he dɛ nyin kɛ hé kpɔ bambibeŋkpoŋ soŋe Korowii tɔpere bɛl tama mɔɔ. Gɛ te wer. Kɛ dɛ he ɛ ɡɛ tonaa, hé berɛ pɛ ja. Dɛ he ta pɛɛ yaa, haa wola won lawɛ he te la, Bɔnsam ɛɛ ɡeloo hé ɛ wechɔɡa.

Josua 7:13

Ir la nɛra la be, dɛ́ ka sɔ ba doŋa bɛlbwa aa lɔ ba nɛɛ ta. Ŋɔ ba be ŋɔ bá sɔ ba doŋa ta dɛɛ kpa kere. Ŋɔ men Korowii Israel tena aa dɛ tom mɛ la ŋɔ, kwaa maa ŋɔa he le cheɡ mɛ la lɔ he be. Haa won che he dɔma sie dɛ he ta a ne leɛ.

Josua 8:35

Wobɛlbwa toole Mosis aa chwera, Josua aa wola an kure. O kure wobɛlbwa kɛrɛdɛ ken dɛ baɡle Israel tena la baa cheme bela la bwa. Haahna ne bechale ne hɔɔhra ba ne baa soɡa bwa.

1 Samoɛl 16:5

Anee Samoɛl chaŋe ŋɔ, “Ɔɔh, deŋnesɔɔhna taa. N balɔ dɛ́ ba kpo kon ɛ saraha tɛ Korowii. Hé sɔ he doŋa bwa ta Korowii be pera, dɛ́ ba ja n nɛɛ saraha la mun.” Ate, o sɔ Jese ne o bibaala doŋa bwa ta dɛ ta nɔn yer ba saraha la mun.