Joel 2:13 - mzwDBL

¹³ He bɛ he laala kɛɛ á baɡle he suna dii, hé ɡel he suna dii baɡle kɛ he bambile chɔɡɔ.” Hé charɛ he liire dɛ́ berɛ ba Korowii haa dɛ tomɔ be, o bambile too dɛ dɔ tedoma tɛ nɛn. O baah aa di warawara, o nyina ta jaɡa dɔe. O kpɔ nɛra wechɔɡa dɛɛ kɛ ba saŋ bɛlbwa, waa wola ba deŋne tɛr.

Joel 2:13 Iomraidhean Croise

Mumpar 37:29

Rubin aa bera la kɔlɔŋ la ta dɛ ka na kɛŋɔ o toole bela la, asɛ o laa o batakaare kɛɛ, a baɡle kɛŋɔ o loo kuu.

Mumpar 37:34

Belaa Jekɔb loo ku o laa o batakaare kɛɛ, dɛ kpɔ lweyal tɔ dɛ ɛ o bie la lwe dɛ la sie.

2 Samoɛl 1:11

Belaa Devid ne laa tena baa ja o nɛɛ bwa kɛɛ ba laala a baɡle kɛ ba loo kuu.

1 Koranar 21:27

Kooro Ahab aa no waa Korowii keame Elaeja aa bola la, o laa o ɡbaɡba laala waa doa la kɛɛ dɛ ka kpɔ lweyal tɔ. O vɔwɛ nyoa dɛ tɔ o lweyal la dɛɛ chɔ, a baɡle kɛŋɔ o dɛ di suna.

2 Koranar 22:11

Kooro la aa no Mmara Tɔn la bini waa la, o laa o laala waa doa la kɛɛ, a baɡle kɛ o loo kuu.

2 Koranar 22:19

‘Haa kure tɔn la, dɛ no Jerusalam nɛra deŋnetɛra, ne ba taahna waa he loo ku he kɛɛ he batakaare haa doa, dɛ ba he te ne harɛ dɛɛ wi nomanta, n no he wii haa wia la bwa.

2 Koranar 5:7

Israel kooro aa cha tɔn la nyoa dɛ kure la, o kɛɛ o batakaare a baɡle kɛ o liire chɔɡɔ, dɛ ŋɔ, “Na Siiria kooro aa dɛ nyin n ne waa ɡɛ! Korowiirii men n dɔ mkpa ne seo kpeɡri, he ŋɔ n chah baa nɔ naa? A ɛ kasinteŋ kɛŋɔ o dɛ nyin mɛ naɡra!”

2 Koranar 6:30

Kooro la aa no ɡɛ haah la aa bola la, o laa o batakaare kɛɛ, a baɡle kɛ a we o nɛ. Kooro la aa dɛ valɛ danjwɛɛ la doa la, nɛra nao kɛŋɔ waa tɔ lweyal do o batakaare lɔɡa, aa baɡle kɛŋɔ o lɔ lwe ta.

2 Webena 6:27

noa nyundua bela haa soɡa la, dɛ́ kpɔ he bonɔɔna yaa ɛ he nɛra wechɔɡa kɛ yaa, dɛ́ baɡle yaa ɡɛ yaa so sodɛɛɡa. Ásɛ he nɛ bwaala harɛ haa kpɔa tɛ yaa o ɛ ya kapɛrɛ kon la ta.

Nehemia 9:17

Ba vɛh he waa la ta teŋa, dɛ soh nyokpowe-ɛɛla bwa haa ɛa. Ba ɛ lwɛmkpeɡ, dɛ le nomoa ŋɔ ó berɛ kpɔ ba kaa ba somanjiri dii ta Ijipt harɛ. Kɛ he ɛ Korowii haa kpɔ wechɔɡa dɛɛ kɛ, he dɔ tedoma dɛɛ nyin nɛn, he baah aa di warawara ɡe. He tedoma haa dɔa tɛ nɛra kan, he ta ban tae.

Job Tɔn 1:20

Job aa no ɡɛ la, o ir che dɛ laa o batakaare kɛɛ, a baɡle kɛ o loo kuu, dɛ fonɛ o nyu. Ate, dɛ chɔ kpɔ sie pi harɛ, dɛ jam Korowii,

Yela 103:8

Nɛra waa dɛ domɛ Korowii tea wɛɛ sune ba nɛ, o baah aa di warawara, o nyina ɡe ta jaɡa dɔe bwa.

Yela 106:45

He koh ba waa dɛ lii fɔo he ne baa fɔwa la, dɛ che he nyina waa kana la ta, dɛ charɛ he liire.

Yela 34:18

Korowii dɛ bɛne banɔ la ba bambile aa chɔɡa, dɛɛ lɛ banɔ la baa wola hwɛɡa bɛlbwa dɔe.

Yela 51:17

N kpɔ n bambile waa chɔɡa ɛ saraha dɛɛ tɛɛ. Bambile waa chɔɡa dɛ won chara laanee hen Korowii ɛɛ nyin.

Yela 86:15

Kɛ hen Korowii te, he dɔ tedoma tɛ nɛra, dɛɛ nyin ba. He baah aa di warawara, he waa dɔ kasinteŋ, hɛɛ nyin nɛn.

Yela 86:5

N Naa Korowii, he waa wer tɛ yaa, kpɔ ya wechɔɡa dɛɛ kɛ yaa, he kpɔ he nyina aa wola jaɡa dɔe, dɛɛ nyin nɛra baa wia dɛɛ yerɛ bwa.

Aesaya 57:15

Menee dɔ sɔn dɛ ɡwaa komɛlbwa dɛ do ɡoroŋ, dɛ do le saŋ bɛlbwa. N soɡe n kookara waa daŋa ta boɡoroŋ nyundua, dɛ berɛ so nɛra ba tea bini aa chɔɡa ba wechɔɡa wa. Ba pwɛr ba te baah ta, dɛ́ ɡel ba sie sɔɔh, bá dɔ hwɛɡa ja.

Aesaya 58:5

Kenii hɛɛ yerɛ nyoa vɔwa nɔ naa? He kpɔ tɔpebeŋkpoŋ dɛ pwɛr he te, kɛɛ he ɡure nyu su kɛŋɔ kpɔɡ, dɛ kpɔ lweyale tɔ dɛ so tɔɔ ta naa, dɛ anee nyoa vɔwa aa? He dɛ lii kɛŋɔ men Korowii sie dɛ lɛ ɡɛ ta kɛɛ?

Aesaya 66:2

N ɡbaɡba laa ta ɡɛ kwaa nɔ bwa kɛɛ?” Korowiirii bola. Korowii berɔ ŋɔ, “Nɛra baa pwɛr ba te, dɛ sɛh ba liire chara laanee mɛɛ nyin kohona. Banee dɛɛ ɔm mɛ dɛɛ no n wa.

Jeremia 36:7

Ba ken ɛɛ soŋe Korowii, ásɛ dɛ charɛ ba liire le ba wechɔɡa ta, dɛkalkɛ Korowii kpɔ o bandia waa do ɔma kohona la dɛɛ ba ba ta ba nɛ.”

Jeremia 41:5

dɛ baala fifraanuatoro fonɛ ba tampona dɛ kɛɛ ba laala, dɛ kpɔ keri mɔne ba bwara, a baɡle kɛŋɔ ba lɔ lwe ta, dɛ le bwɛɛre Sɛkem ne Silo dɛ Samaria ba. Dɛ ba kpoŋe mea ne daawiile a sɔɔh aa soma, dɛ́ kpɔ ba ɛ sarahare Korowii Dea.

Jeremia 42:10

‘Dɛ hɛɛ so harɛ nɔ taa yaa, mɛɛ lawɛ heyaa ir maa wola ɡel he chole, dɛ́ kwaa du heya kɛŋɔ da, ásɛ he che kiŋkiŋ maa wola heyaa fuɡri kɛŋɔ dua, dɛkalkɛ wenaale maa kpɔa ba ta he nɛɛ la, ɡelɔ mɛɛ di suna kohona.

Ɛsekeɛl 9:4

“Gaaɡe Jerusalam fɔɡbaahna, dɛ́ do nɛra baa na waa maa kia, asɛ baa wi dɛɛ di suna a waa la nso ba tili ta.”

Hosia 14:1

Israel tena, hé berɛ ba Korowii haa dɛ tomɔ be. He wechɔɡa ɡelɔ he choɡli!

Jona 3:9

O baah ken ɛɛ sɔɔhnoo, ásɛ o dɔ tedoma tɛ yaa, dɛ́ charɛ o liire le o bandia waa dɛ ba kpɔe ba chɔɡ yaa la ta, ásɛ ya bɛ serewe.’ ”

Jona 4:2

asɛ o soŋe Korowii ŋɔ, “N Naa Korowii, waa maa lɔ n bwɛɛ dɛ bol la laa nɔ naa? A waa n fee chwa dɛɛ kaa Taases la. N jemɔ kɛ he dɛ na nɛn sum, he tea dɛ domɛ nɛn nɛ, he baah aa di warawara. Nɛnnyin ɡboo he bwa. He won he liire chara dɛ́ le nɛwɛnyina deŋne tɛra ta.

Maeka 7:18

N Naa Korowii yaa dɛ tomɛ, nomɛlbwa ta do kɛŋɔ hen, he kpɔ he nɛra baa kaa wechɔɡa dɛɛ kɛ ba, he nɛra baa ɛ he kapɛrɛ nɛra la. He baah diu waa, aa biɡri, he sie dɛ lɛ kɛ hɛɛ na ya sum.

Neehum 1:3

Korowii baah aa di warawara, o dɔ kpeɡri kohona. Waa wechɔɡ-ɛɛ bɛlbwaa ɡel dɛ o ta o deŋne tɛrɛ. Bobɛlbwa Korowii aa dɛ valɛ la, belaa kawulewule ne dompeu ɛɛ ta, asɛ baama ɛ o nakpale tutuɡ.

Nɛra Kura 14:18

He ŋɔ he baah aa di warawara, he nyina do kan kohona, dɛ kpɔ wechɔɡ-ɛɛra ne lwɛmkpeɡ tena waa dɛɛ kɛ ba. Kɛ he dɛ tɛr nomɛlbwa waa di bolchɔɡe deŋne, dɛɛ tɛr nɛra baa ɛ wechɔɡa la deŋne, hale dɛ kpoŋe ka tel ba naanar bele batoro kɛɛ banaarɛ baa ka ba la.

Tɔn Pɔɔl Aa Chwerɛ Rom Tena 2:4

Waa nɔ bwaa Korowii ta tea dɛɛ ɛ heya, dɛɛ tɛ heyaa sisɔna dɛɛ lawɛ bambile nɔ bwa, ásɛ he charɛ he liire dɛ́ le he wechɔɡa ta. Kɛ haa o wedɛɛɡa nɔ bu, dɛɛ nyiŋa pɛɛ.

Ɛfesos 2:4

Kɛ Korowii nyina waa dɛ nyin yaa kohona, ne suna o yon dɛɛ sune ya nɛɛ kɛrɛdɛ la nomanta,

1 Timoti 4:8

Dɛ he swɛɛ siwi dɛɛ tɛɡre he pɔla bini naa, a dɔ tɔnɔ tama. Kɛ dɛ he swɛɛ siwi kɛ hɛɛ dɛɛ teŋɛ Korowii waa la taa yaa, anee dɔ tɔnɔ wobɛlbwa ta, dɛkalkɛ Korowii nɛɛ teŋa dɔ tɔnɔ tɛ nɛra fini ne seo habɔɔ bwa.