Joel 2:10 - mzwDBL

¹⁰ A dɛ ba naa, dɛ harɛ dɛ jiɡri, nyundua ɡe ɛɛ yiiɡi. Biro dɛ tɔ wee ne korobie ta, weweela ɡe aa won chaah kpa.

Joel 2:10 Iomraidhean Croise

Yela 114:7

Hárɛ, jiɡri Korowii sie, Korowii Jekɔb aa dɛ tomɔ sie.

Yela 18:7

Harɛ jiɡro dɛ yiiɡi, asɛ bwejena mune jiɡri. Korowii bandia waa a bwa ɛ ɡɛ.

Aesaya 13:10

Weweela aa chaah ɡɛ saŋ, wee aa bɔr chaahna ba kpa, korobie ɡe aa won chaah.

Aesaya 34:4

Wee ne korobie dɛ weweela bwa ɛɛ nyoɡroo, ásɛ Korowii doa ɡuɡri kɛŋɔ baa ɡuɡri kalaŋ la. Kwaa aa lɔ nyundua bwa ɛɛ lee harɛɛ kɛŋɔ papohola aa le daa ta dɛɛ lee la.

Aesaya 5:30

Gɛ tɔpere la telaa, baa do ɡbɔɡaa, dɛ́ ba jo Israel harɛ bwa kɛŋɔ mpo yon dɛɛ si la ken. Dɛ he nyiŋi harɛ la aa, hɛɛ nao kɛŋɔ bɔr biro ásɛ sibeɡra chole nomɛlbwa nɛ, ásɛ biro tɔ bochaah ta.

Jeremia 4:23

N nyiŋi harɛ nɔ dɛ o ta mar dɔe, komɛlbwa toole o ta, asɛ nyundua ɡe, kwaa aa dɛ chaah bɔr toole.

Joel 2:2

Bɔr dɛ ba bira a ɡɛ saŋ, ásɛ baama tɔ bobɛlbwa. Tontombɛ ɛɛ wuruu ba tɔ bwejena ta, kɛŋɔ laa tena baa kpeɡa kohona ken. A dɔŋa ta chiɡe bwa, aa chiɡ saŋ bɛlbwa ɡe bwa.

Joel 2:31

Wee dɛ ba bira, ásɛ korobie swɛɛ kɛŋɔ chal ken, mɔɔ Korowii Tɔpejen waa do ɔma la ba.

Joel 3:4

Nɛra haa lɔ bwɛjena Taaya ne Sidon dɛ harɛre aa lɔ Filisti bwa, bɔkwa waa n ne he dɔɔ? He dɛ bɔ mɛ waane maa ɛ heyaa kem kɛɛ? Dɛ kemee hɛɛ bɔ mɛ tenaa, mɛɛ ɡeloo a berɛ ba ɡure he nyu ta warane.

Emɔs 5:8

Korowiirii ta Baŋɡaana ne weweela bwa so siwi, dɛ berɛ ɡel bɔr ɛɛ beɡre, dɛ ɡel bɔr bir dɛɛ chaah, bɔr chaah dɛɛ bir. Dɛ ta mpo o ba bɔle harɛ ta. O sɔne Korowii.

Neehum 1:5

Bwejena dɛ jiɡri o sie, deŋɡarere ɛɛ mwɛɛ. Korowii leɔ dɛɛ ba naa, harɛ bwa ne nɛra baa lɔ o ta bwa dɛ chel.

Matiu 24:29

Wahala ne sibeɡra la aa chiɡ dɛ den dɛɛ tonɛ la, buɡ la ta ‘wee aa bɔr chaahna ba kpa, korobie ɡe aa bɔr chaahna ba kpa, weweela dɛ ba nyundua lee dɛ́ lee harɛ, ásɛ Korowii doa bwa yiiɡi dɛ́ chɔɡ.’

Matiu 27:51

Waa sewa la, ate dɛ yal waa teŋe Korowii Dea la baah ta la pere anɛ le nyundua ba ta harɛ. Harɛ jiɡro, asɛ bwetala bini peɡri,

We-ɛɛla 2:20

Wee dɛ ba bira, ásɛ korobie swɛɛ kɛŋɔ chal ken mɔɔ Korowii jirima Tɔpejen la ba.

Wepila 20:11

N berɔ na kookara damanta ompoŋ bɛl. Nɛn waa soɡe o ta la, nyundua ne harɛ nao dɛ nyoɡre, ba ta on nae kpa.

Wepila 6:12

N berɔ na Pebie la swe kwaa baa kpɔa marɛ tɔn numɛlte la. Waa sweo la, harɛ jiɡro kohona, asɛ wee bir kɛŋɔ birisie ken, asɛ korobie swɛɛ kɛŋɔ chal.

Wepila 8:12

Nyundua torome waa teŋa naarɛ la ɡe hoɔh. Waa hoah la, wee ne korobie ne weweela bwa ɛo kɛŋɔ baa lɔa, a pera biri. Dɛ ba bɔne a bɛlbwa kpeɡri bini bɔre atoro naa, a bɛlbwa bɔr beŋkpoŋ aa won chaah kpa. Webaŋa ne jwaana ɡba, ɡɛɛ a do. Ba bɔne a bini atotoro naa, wee aa lɔ bɔr beŋkpoŋ ta webaŋa. Korobie ne weweela ɡe ɡɛɛ jwaana.

Wepila 9:2

Asɛ o laa bɔluŋ la pili. Waa pilu la, chuu leɔ puul kɛŋɔ nijena chuu aa dɛ le la, asɛ wee bir, bɔr bwa ɛ jwumaa ken.