Joel 2:1 - mzwDBL

¹ Hé hoh bɛla kohona Saayɔn, Korowii bwe waa do ɡoroŋ la ta. Hé nɛra haa lɔ harɛ ta bwa hé ɡel he bwara ɛɛ chel, Tɔpere Korowii aa lea cheɡ la dɛ ba, o telo tonɛ.

Joel 2:1 Iomraidhean Croise

1 Webena 15:28

Gɛɛ Israel tena bwa kpɔ silɛɛ lɔŋɔre teŋɛ Korowii Ne Nɛwɛnyina Fɔo Daka la nɛɛ ba Jerusalam. Dɛɛ hoh pebal nyeɡle bɛle, ne bɛle tenten ne kwaa anɛ ane baa kpɔ ayaawa ɛa dɛɛ hɛlɛ, dɛ janjelare dɛɛ lɔ yela.

Yela 119:120

He ɔma ɡelɔ n bwara ɛɛ chel, n dɛ ɔmɛ he Mmarare la.

Yela 87:1

Korowii ma o bwɛjen Jerusalam o do bwejen waa do ɡoroŋ doa.

Kaala 10:14

A balɔ warɛ dɛ ba tɔ Ijipt harɛ bwa. A ɡɛ tontombɛ nɔ dɔŋa ta balɛ bwa, a dɔŋa ɡe aa ba kpa bwa.

Aesaya 13:6

Hé kpɔ nɔɔra dawɛ nyu dɛ́ wi. Tɔpere Korowii aa lea cheɡ la telo. Korowii Waa Ɛ Kpeɡri Bwa Dɔɔ la tɔpere waa dɛ ba nɛra chɔɡa la telo.

Aesaya 13:9

Hé na! Tɔpere Korowii aa lea cheɡ la dɛ ba. Awola tɔpere la aa werii do kwara, o baah ɛɛ diu taeh. Wɛɛ ɛ harɛ nɔɔ kɛŋɔ pua hɛŋle ɡbo harɛ ken, dɛ́ chɔɡ wechɔɡ-ɛɛra le o ta.

Aesaya 2:12

Nemenɛ Korowii le tɔpere bɛl cheɡ, dɛ tɛ nɛra baa dɛ ɛ mbarafo ne sɔnnyin, ne nɛra baa dɛ ɡɔɔ ba te, dɛ́ ba ba ne harɛ.

Aesaya 66:2

N ɡbaɡba laa ta ɡɛ kwaa nɔ bwa kɛɛ?” Korowiirii bola. Korowii berɔ ŋɔ, “Nɛra baa pwɛr ba te, dɛ sɛh ba liire chara laanee mɛɛ nyin kohona. Banee dɛɛ ɔm mɛ dɛɛ no n wa.

Aesaya 66:5

Hé no waa Korowii aa dɛ bol, he nɛra haa dɛ ɔmɔ dɛɛ no o deŋna waa la. O ŋɔ, “He wa aa dɔ kasinteŋ tɛ mɛ nomanta, he bala bane hah heya, dɛ vɛh heya. Ba dɛ muɡli he baah ŋɔ, ‘He ɡel Korowii baɡle o kpeɡri dɛ́ lɛ heya ásɛ ya na he silɛɛ.’ Kɛ ba ɡbaɡbaa dɛɛ ba sihiih dii kohona.

Jeremia 16:10

He bol waa nɔ baɡ ba aa, baa bɔɔre waa aa bala men Korowii ɛ n liire kɛŋɔ ń tɛr ba deŋne kohona. Dɛ berɛ bɔɔ ŋɔ wechɔɡa besoo bolchɔɡee ba di, webesoo ba ɛ dɛ jo men Korowii baa dɛ tom mɛ nɛɔ?

Jeremia 16:7

Nomɛlbwa aa kondikwaa kɛɛ senee yawɛ tɛ o dɔŋ bɛl o lole aa sewa wa, dɛ́ kpɔ larawo bwara. Bɛlbwa aa o dɔŋ bwaraa larawe, hale nɛn o nya kɛɛ o mɛɛ aa sewa wa.

Jeremia 4:5

Hé bola Juda ne Jerusalam tena be ŋɔ, ‘Hé hoh bɛla harɛ la bwa ta.’ Hé do lɔŋɔ kohona ŋɔ, ‘Hé boa nyoa. Hé ɡel ya chwa kaa bwɛjena baa ma danjwɛkpeɡa bara la ta.’

Jeremia 5:22

Menee Korowii, amɔ haa men ɔmaa? A ta chɛ kɛ hɛɛ chel n sie naa? Menee ɡela hɛŋle ɛ mpo jwɛh, o do le saŋ bɛlbwa mpo aa wola won su ɡale. Nehɛma ɛɛ won ta ɡɛ bɛlbwa, kɛɛ dɛɛ si kohona, kɛ aa won ɡale kaa hɛŋle baŋ.

Ɛsekeɛl 12:23

Ŋɔ Nemenɛ Korowii bol a waa ŋɔ o dɛ ba ɡela sɛɡla la ba a jaɡa, baa ɡɛ waa laanee bol Israel harɛ ta kpa. Gel ba no kɛŋɔ waa baa naa wepila ta la bɛlbwa telo tonɛ.

Ɛsekeɛl 21:12

Nɛwɛnyini bie, wi dɛɛ dooɡe lɔŋɔre, dɛkalkɛ n nɛra ne Israel koranar waa wɛɛ ba. Wɛɛ kpoo ba ne n nɛra kar bwaa. Kpɔ nɔɔra lɔ bambile á baɡle kɛŋɔ he hwɛɡa tonɔ.

Ɛsekeɛl 30:3

Tɔpere la telo tonɛ. Tɔpere Korowii aa bol Ijipt harɛ tena waa la telo tonɛ. Baama ɛɛ tɔɔ awola, ásɛ harɛre bwa chɔɡ.

Ɛsekeɛl 33:3

asɛ naate na laa tena bala aa, ó hoh bɛla dɛ́ ir harɛ la nɛra deŋne.

Ɛsekeɛl 33:6

Dɛ nɛn waa dɛ daah harɛ la na dɔma bala o ta bɛla la hoɛh nɛra la jemɛ, asɛ dɔma la ba kpo ba bini bɛlbwa naa, naate baa kpoo la sewɛ o wechɔɡa wa, kɛ mɛɛ pɛɛ naate waa sewa la chal waa le nɛn waa dɛ daah bɔr la be.

Ɛsekeɛl 7:10

Tɔpere la telo, o pu heyaa tonɛ. He dachɔɡe do kɛŋɔ kwaa haa dua, a dɛ le, daŋɡbala la dɛ moɡɛ. He lwɛmkpeɡ la feɔ.

Ɛsekeɛl 7:12

Tɔpere la telo, o pu heyaa tonɛ. Kon-yoɡra ne yarawa sie aa lɛ, n bandia la dɛ ba nɛnlaa la bwa nɛ.

Daneɛl 6:26

N do mmara harɛ maa dɛ di kora o ta la kɛŋɔ, nomɛlbwa ɛɛ ɔmɛ dɛɛ duu Korowii Daneɛl aa dɛ tomɔ la. O ɛ Korowii waa lole saŋ bɛlbwa, o lole saŋ bɛlbwa dɛɛ la. O kora aa ɡu bwa, o kpeɡri waa dɔa ta jaɡa dɔe.

Daneɛl 9:16

N Naa Korowii, ɡɛ aa cheɡɛ he we-ɛɛla aa toɡra ta he cha yaa wubwa la, laa he bwaawee ne bandia kohona la kpɔ he bwɛjen Jerusalam, he Saayɔn Bwejen la ta. Ya ne ya naawa wechɔɡaa ɡela nɛra baa soɡa bar yaa la ɛɛ mamɛ Jerusalam ne he nɛra.

Daneɛl 9:20

N ta teŋɔ dɛɛ soŋe, dɛɛ bol n ne n nɛra Israel tena wechɔɡa wa, dɛ kpɔ bil Korowii maa dɛ tomɔ sie ŋɔ, ó berɛ kwaa o Dea waa do ɡoroŋ la cheɡ.

Hosia 5:8

Hé hoh laa bɛla Gebea, dɛ́ hooh Rama ɡe. Hé do laa lɔŋɔ Bɛt Avɛn. Bɛnjamen dea tena, hé ir dɛ́ tɔ sie.

Hosia 8:1

Korowii ŋɔ Israel tena be ŋɔ, “Hé hoh laa bɛla. He dɔma dɛ ba he nɛɛ kɛŋɔ kee aa le nyundua dɛɛ tu la, chɔɡa haa chɔɡ n ne he fɔo, ne deŋnekpeɡ haa ɛa men Mmarare ta la wa.

Joel 1:15

Tɔpere Korowii aa lea cheɡ la telo, saŋ On Kpeɡri Bwa Dɔɔ la aa ba chɔɡa ne la. Wɛɛ ba ɔmee kohona nee ba ta nɛra nɛ.

Joel 2:11

Korowii tɔ o laa tena sie dɛ nyɛɡ, a do kɛŋɔ bwaala aa kɔra ken, o laa tena la ta nyoa dɔe, ba ɛ banyoola dɛɛ no o deŋna wa. Tɔpere Korowii aa lea cheɡ la ɔma kohona. Umee dɛ́ won che a nyoa ɔ?

Joel 2:15

Hé hoh bɛla Saayɔn Bwejen ta, dɛ́ boa nɛra nyoa, bá vɔwɛ nyoa á baɡle kɛ ba dɛ di suna.

Joel 2:31

Wee dɛ ba bira, ásɛ korobie swɛɛ kɛŋɔ chal ken, mɔɔ Korowii Tɔpejen waa do ɔma la ba.

Joel 3:14

Nɛra kaɡboŋa baa wola nyoa dɔe, lɔ Jehosafat Fɛlembɔjen bini. Dɛkalkɛ, Tɔpere Korowii aa lea cheɡ la telo tonɛ, fɛlembɔjen la bini.

Joel 3:17

“Anee dɛɛ ba ɡela he jemɛ kɛŋɔ men Korowii haa dɛ tom mɛ, n soɡe n Saayɔn Bwejen waa do ɡoroŋ la ta. Jerusalam ɛ bwɛjen maa lea cheɡ o do ɡoroŋ, nɛŋhɔɔhra aa won ba yo dɛ́ pɔ n nɛra nɛɛ kpa.

Emɔs 3:6

Laa bɛla sio bwɛjen bɛl ta naa, o nɛra aa ɔmaa? Wechɔɡa ane chiɡ bwɛjen bɛl nɛra nɛ aa, dɛ Korowii laa ɡela a ba ɡɛ naa?

Emɔs 5:18

Emɔs ŋɔ, “Nomɛlbwa waa dɛ nyin o na tɔpere Korowii aa dɛ ba ba bol nɛra waa dɛ́ pa bole la, ó bwɛɛlɛ. Ɛrɛɛ hɛɛ nyin he na Korowii Tɔpere waa lea cheɡ laɔ? Biro ɡboo awola, bɔr aa o ta chaahna ba.

Emɔs 8:2

Asɛ o bɔɔ mɛ ŋɔ, “Bɔkwaa hɛɛ na nɔ?” N chaŋe ŋɔ, “N na wɛɡrɛ daa nɔna aa bea do o bini.” Ate, Korowii ŋɔ n be ŋɔ, “N nɛra Israel tena tɔpere telo kɛ n tɛr ba deŋne, maa ba bwaraa kpɔ kɛ ba kpa.

Obadia 1:15

Tɔpere men Korowii aa kpɔ bol harɛre ta nɛra bwa waa dɛ́ pa bole la telo tonɛ. Gɛ haa ɛa nɔɔ mɛɛ ba kpɔa ɛ he Edom tena ɡe, he we-ɛɛla bwa ɛɛ ɡure he nyu taa.

Sefania 1:14

Korowii Tɔpejen waa lea cheɡ o do ɔma la telo tonɛ, o dɛ ba warawara, o pu yaa tonɛ. A ɡɛ tɔpere la ɛɛ ɛ sibeɡraa taeh, banyoola ɛɛ do lɔŋɔre kohonaa.

Sefania 1:16

wɛɛ ɛ laa bɛle hoeh tɔperee, ásɛ laa tena lɔŋɔre tɔ. Baa yo bwɛjena baa ma danjwɛkpeɡa bara, a dɔ dejaŋaa.

Sefania 1:7

Bɛ́lbwa hel men Nemenɛ Korowii sie. Tɔpere maa lea cheɡ dɛ́ bol n nɛra waa dɛ́ pa bole la telo tonɛ. N dɛ ba n nɛra Juda tena kpoora ɛ saraha, dɛ́ le ba dɔma bá ba yoo ba dɛ́ pa ba laala.

Sefania 3:11

Gɛ tɔpere la, maa ɡel sihiih kpo heyaa he deŋnekpeɡ haa ɛɛ mɛ la waa kpa. Mɛɛ le mbarafo tena bwa nee n bwɛjen nɔ ta, ásɛ bɛlbwa ɡe aa won ɛɛ mɛ sisawaa n bweɡoroŋ n Dea aa chɔŋɛ o ta la ta kpa.

Sekaria 14:1

Tɔpere Korowii aa lea cheɡ dɛ́ bol nɛra waa dɛ́ pa bole la dɛ ba. He dɔma ɛɛ ba pa he Jerusalam tena laala kɛ laa ta kwa, dɛ́ bɔna he siwi ta.

Sekaria 8:3

Mɛɛ berɔɔ ba Jerusalam, bela n Saayɔn Bwejen aa lole dɛ́ ba so. Baa yerɛ Jerusalamee Kasinteŋ Bwɛjen, ásɛ dɛɛ yerɛ men Koranar Bwa Kooro Bwejen la Bwejen Waa Do Goroŋ.”

Malakae 4:1

Koranar Bwa Kooro ŋɔ, “Hé no, tɔpere men Korowii aa dɛ ba ba bol nɛra baa dɛ baɡle ba te, ne wechɔɡ-ɛɛra waa la dɛ ba kpela. Baa fuuh kɛŋɔ kpɔɡa ken, ba komɛlbwa aa wola ka.

Nɛra Kura 10:2

“Gel bá kpɔ suuɡapoŋa loɡɛ bɛle anɛ, dɛ́ kpɔ hoh dɛɛ yerɛ Israel tena ba chema bini, ne ba ira dɛ́ kaa bofale ta.

Nɛra Kura 10:3

Dɛ ba hoh bɛle anɛ la bwa naa, nɛra la bwa chɛ kɛ bá cheme he sie n Dea Cheremibɔr la doonyoa bela.

1 Kɔrent 14:8

Dɛ ba dɛ hoh laa bɛla ásɛ nɛra no dɛ́ ka yo, dɛ baa on hoh kɛrɛdɛ naa, umee dɛ́ won jemɛ dɛ́ kpɔ o te nɔ?

Felepae 2:12

Anomanta, n dandɛɛɡa, ɡɛ haa dɛ no n waa dɛɛ teŋɛ a ta ɡɛ saŋ n fa aa lɔ he be la, a hiaoh kohona kɛŋɔ maa wola toole he be nɔ, hé ta kpoŋe ɡɛ. Korowii aa lɛ heyaa nɔ, hé kpɔ duure ne ɔmee dɛ́ɛ teŋɛ toma haa dɛ tomɛ Korowii la ta,

1 Tesalonika 5:2

dɛkalkɛŋɔ he bwa jemɔ kpela kɛŋɔ tɔpere ya Dɔɔ la aa ba la ɛɛ piɡruu kɛŋɔ ŋwɛɛ aa dɛ piɡri nɛn jwaana la.

Jems 5:8

Gɛ tentenee chɛ kɛŋɔ he ɡe lawɛ bambile dɛ́ che kiŋkiŋ, dɛkalkɛŋɔ he Dɔɔ la bala telo.

1 Pita 4:7

Wobɛlbwa jaɡa tɔpere la telo. Anomanta, hé nyiŋi kɛrɛdɛ, dɛ́ ɡel he sie chɔ harɛ, ásɛ dɛ won dɛɛ soŋe Korowii kɛrɛdɛ.

Wepila 6:17

dɛkalkɛŋɔ ba tɔpejen la telo, nɛra ɛɛ ba ba danana nee nyɔe. Anomanta, umee dɛ́ won le a nyoa ɔ?”