Joel 1:7 - mzwDBL

⁷ A chɔɡ n ɡrepo daa maa kpɔa dɛɛ ɛ sen, dɛ chɔɡ n fiɡ daa kooni. A nyee a pɛɡa bwa, asɛ a kpala bwa to.

Joel 1:7 Iomraidhean Croise

Yela 105:33

O chɔɡ ba daa kooni, dɛ kuuɡi harɛ la daa bwa.

Kaala 10:14

A balɔ warɛ dɛ ba tɔ Ijipt harɛ bwa. A ɡɛ tontombɛ nɔ dɔŋa ta balɛ bwa, a dɔŋa ɡe aa ba kpa bwa.

Kaala 10:15

A balɔ warɛ dɛ tɔ harɛ la sie bwa o bir ken. A di kwaa dombwea la aa wola chɔɡɛ la bwa. Kwaa aa lɔ koo ne daa nɔna bwa. Konduuli bɛlbwa toole dɛ ka. Komɛlbwa ta Ijipt harɛ ta kae.

Aesaya 24:7

Daa baa kpɔ a nɔna dɛɛ ɛ sen serewɔ, dɛ ɡel sen waa do tɔɡre. Nomɛlbwa o sie fa aa dɛ lɛ sen ta la berɔ dɛɛ di suna.

Aesaya 32:12

Hé kpɔ nɔɔra lɔ bambili á baɡle kɛ he tea bini chɔɡɔ, he harɛpare ondɛɛɡe la wa, ne daa nɔna aa chɔɡa la wa.

Aesaya 5:6

Mɛɛ ɡeloo harɛ la chɔ pɛɛ maa wola belaa parɛ kpa, maa daa la kpalaa kɛ, ásɛ sɔɔhne ne jabalnadaŋɛ le bela. Maa ɡel bwaala nɛ harɛ la ta kpa.

Jeremia 8:13

Dɛ n dɛ nyin n boa nɛra nyoa, kɛŋɔ paa yon komɛ koo kondikwa dɛ boa a nyoa la ken. Kɛ ba do kɛŋɔ daa waa wola nɔna dɔe, kɛŋɔ fiɡ daa nɔna aa wola toole o ta ken, hale a papooni bwa hol. Anomanta, n ɡelɔ nɛŋhɔɔhra ba lɛ ba harɛ dɛ so o ta. Men Korowiirii bola.”

Hosia 2:12

Mɛɛ chɔɡ o ɡrepo ne fiɡ daa waa ŋɔa o sɛnanar la kpɔɔ bɔɔ kem la. Mɛɛ ɡeloo o daa kooni baah moɡɛ kohona, ásɛ kpɔɡ bini ola ba di a nɔna.

Joel 1:12

Grepo ne fiɡ daa bwa holɔ, ɡɛɛ daa bɛlbwa waa dɛ nɔnɛ sewɛ. Kasinteŋ, nomɛlbwa ta silɛɛ dɔe kpa.

Emɔs 4:9

Keraŋwɛnɛ bwaa n ɡel he koo koŋkwaare chɔɡ, weela anee n kpɔ chɔɡa. Tontombɛ di he fiɡ ne ɔleve daa, kɛ he ta berɛ ba n be. Men Korowiirii bola.

Habakuk 3:17

Hale dɛ fiɡ daa ta feɛ, ɡrepo daa ɡe ta nɔnɛ, ɔleve daa ɡe vɛh nɔna, kondikwaa ta ɛɛ, peera toole leɡ bini, asɛ nae ɡe toole a leɡ ta naa,

Malakae 3:11

Maa ɡel kwaa ba chɔɡ he koo kondikwaa kpa, dɛ́ ɡel he ɡrepo daa ɡe nɔnɛ kohona.