Joel 1:4 - mzwDBL

⁴ Dɛ tontombɛ ane balɔ, dɛ ba di kwaa kaa laa, anɔ la aa wara yon teŋɛ dɛ́ ba di. Anɔ la aa wara baa di kaa laa, anjeɡre ane ɡe ba di dɛ́ kaa, ásɛ ane kapa ɡe yon ba di a kabora.

Joel 1:4 Iomraidhean Croise

1 Koranar 8:37

Dɛ lɔr chole harɛ la ta, kɛɛ weechɔɡa kɛɛ peuchɔɡe tao dɛ chɔɡ harɛ la kondikwa, kɛɛ tontombɛ fuɡo le harɛ la ta, kɛɛ dɔma balɔ ba lɔ tɔ he nɛra nɛɛ ba bwɛjena la bɛlbwa ta, harɛchɔɡ kɛɛ weela ba ba nɛɛ kwaraa naa,

2 Webena 6:28

Dɛ lɔr chole harɛ la ta, kɛɛ weechɔɡa kɛɛ peuchɔɡe ta dɛ chɔɡ harɛ la kondikwa, kɛɛ tontombɛ fuɡo le harɛ la ta, kɛɛ dɔma balɔ ba lɔ tɔ he nɛra nɛɛ ba bwɛjena la bɛlbwa ta, harɛchɔɡ kɛɛ weela ba ba nɛɛ kwaraa naa,

2 Webena 7:13

Dɛ n ta ɡelɛ bwaala nɛ, kɛɛ dɛ ɡel tontombɛ ba chɔɡ koo kwa, kɛɛ dɛ kpɔ weechɔɡa ba ta n nɛra nɛ,

Yela 105:34

O bol waa asɛ tontombɛ ba su harɛ la ta bwa, baa wola won kura.

Yela 78:46

O ɡelɔ tontombɛ ba chɔɡ ba kondikwa, dɛ chɔɡ ba kooni.

Kaala 10:4

He vɛoh he ta ɡelɛ ba kaa laa, kere mɛɛ ɡeloo tontombɛ ba harɛ nɔ ta.

Kaala 10:5

Mɛɛ ɡeloo a ba dɛ́ ba tɔ harɛ nɔ bwa, nɛn aa wola harɛɛ na. Aa ba di kookwaa ne daa dombwea la aa wola chɔɡɛ bwaa.

Aesaya 33:4

Gɛ tontombɛ aa dɛ di koo kwaa bwa la, ɡɛɛ baa ba ba laala pae laa ta a tonɛ.

Jeremia 51:14

Koranar Bwa Kooro ŋwɛɛ o ɡbaɡba ŋɔ, “Mɛɛ kpɔ laa tena baa wara kɛŋɔ tontombɛɛ bá yo heya, ásɛ dɛ pɔ he nɛɛ dɛɛ moo silɛɛ ne.”

Jeremia 51:27

Hé ir fraŋkaa harɛ la ta! Hé hoh bɛla ásɛ harɛre nɛra jemɛ! Hé boa harɛre nɛra nyoa ásɛ ba ka yo Babelɔn tena. Bol Ararat ne Mini dɛ Askenas harɛre nɛra be. Le laa sitɔɔ waa tɔ ba sie, dɛ́ kpɔ jaɡre aa wara kɛŋɔ tontombɛ dɛ́ ka yo.

Joel 2:25

Korowii berɔ ŋɔ, “Mɛɛ bɔ heyaa kwaa tontombɛ la aa baa chɔɡ la kemee, anɔ la aa wara ne anjeɡre la, ne ane ɡe aa bera teŋɛ dɛ ba di, asɛ ane ɡe kapa ka mun ba dɛ ba di a kabora la. Men Korowiirii kpɔ tontombɛ aa do kɛŋɔ laa tena nɔ ba ta he nɛ.

Emɔs 4:9

Keraŋwɛnɛ bwaa n ɡel he koo koŋkwaare chɔɡ, weela anee n kpɔ chɔɡa. Tontombɛ di he fiɡ ne ɔleve daa, kɛ he ta berɛ ba n be. Men Korowiirii bola.

Emɔs 7:1

Nemenɛ Korowii ɡelɔ men Emɔs na waane wepila ta. N nao kɛŋɔ waa dɛ boa tontombɛ nyoa, ɡɛ saŋ dɛ ba teŋe kpɔɡa ba kpɔa dɛɛ tɛ kooro jaɡre tonɛ, kpɔɡa pa mun dɛɛ moɡɛ, asɛ nɛra pa mun dɛɛ du konfala.

Malakae 3:11

Maa ɡel kwaa ba chɔɡ he koo kondikwaa kpa, dɛ́ ɡel he ɡrepo daa ɡe nɔnɛ kohona.

Mmarare 28:38

Hɛɛ parɔɔ taeh kɛ kondikwaa tamaa kenii hɛɛ ba dɔe, dɛkalkɛŋɔ tontombɛɛ dɛɛ ba a dii.

Mmarare 28:42

Daa ne kondikwaa haa du la, tontombɛ ɛɛ chɔɡ a bwaa.