Joel 1:18 - mzwDBL

¹⁸ Ya nae bwa dɛ wi dɛɛ di suna, a ta bɔr dɔe dɛ́ ɡaaɡe ka di, hale peera bwa bwara dɛ nyɛɡ.

Joel 1:18 Iomraidhean Croise

1 Koranar 18:5

Kooro Ahab ŋɔ Obadia be ŋɔ, “Yá ka ɡaaɡe harɛ nɔ bwa ta, neerare nyuune ne fɛlembɔɔne bwa ta, ya ken ɛɛ dɔ kpɔɡaa ba tɛ ya jaɡre ne keeɡore nɔ, ásɛ ya bɛ an kpoo.”

1 Koranar 8:5

asɛ Kooro Solomɔn ne Israel tena baa chema la bwa che Fɔo Daka la sie, dɛ kpoo peera ne nae baa wola won kura ɛ saraha.

Jeremia 12:4

Saŋ besoo harɛ nɔ ɛɛ ba hola ka tel mɔɔ kpɔɡa bwa hol ɔ? Dɛkalkɛ nyubinikpeɡ tena soɡe o ta, a ɡel kpɔɡ bini ola ne jumbii bwa serewe. A bwa habɔɔ la, nɛra la dɛ bol ŋɔ, ‘Korowii aa waa aa pu yaa nae ba.’ ”

Hosia 4:3

A ɡɛ nomanta, harɛ la holɔ dɛ chɔɡ, ásɛ kwaa aa lɔ o ta bwa serewe. Kpɔɡ bini ola ne jumbii dɛ mpo bini pɛŋa bwa dɛ serewe.”

Joel 1:20

Hale kpɔɡ bini ola wio dɛɛ noe, dɛkalkɛ nenabɔɔne hweehrɔ, asɛ nii fuh kondɛɛra dibɔra.

Emɔs 1:2

Emɔs ŋɔ, “Korowii baah diu o kɔr le Saayɔn Bwejen ta, o taa kpeɡri kɛŋɔ bwaala aa dɛ kɔɡre ken, o le Jerusalam dɛɛ ba. Kondɛɛra dibɔra bwa holɔ, Kaamɛl Bwejen doa kpɔɡa bwa serewe.”

Habakuk 3:17

Hale dɛ fiɡ daa ta feɛ, ɡrepo daa ɡe ta nɔnɛ, ɔleve daa ɡe vɛh nɔna, kondikwaa ta ɛɛ, peera toole leɡ bini, asɛ nae ɡe toole a leɡ ta naa,

Haɡae 1:10

He waa haa ɛa laanee ɡela men Korowii ɡel bwaala ɡel nɛɛ, kondikwaa aa wola won ɛ la.

Tɔn Pɔɔl Aa Chwerɛ Rom Tena 8:22

Ya jemɔ kɛŋɔ ba le fini, Korowii kontaala bwa bwara dɛ nyɛɡ, aa pɛmɛ kɛŋɔ lol tea aa lɔ haah o yon dɛɛ pɛmɛ la.